اللـوووون أصفر والاسم وصلاااااااااوي

[محد يستاهل]

مهابــه
معلوم إنج إماراتيــة

عسب ليش اتضاربين من البدايــة

المهم خذي بنصيحتي وما عليج زوود

وعقبال الوصل ما ياخذ الدوري وحامض على بوووزكم يالعيناويــة

[عاشقة دبي]

مبروووووووووووووووووووووو ووك

مبروووووووووووووووووووووو ك

مبروووووووووووك


فديييييييت الوصل والله

وجان اينا الكاس من بعد غيبه سنييييييييييييييييين

وطاطابطاطا طاطا بطاطا

^_^

[كـلـكـلـووش]

انزين و بعدين ؟ خلصتو ؟

و لا بعد اتريه ؟

الحين شو ذنب الشين صاحبة الموضوع اذا انا غلقت موضوعها بسبتكم !

اذا بتناقشون ناقشو بمنطق مب بتهجم !!

آخر انذار لكم .. و السموحه !!

[مــهــابه]

كلكـلووش:
السموحه والله منك

والشين بـعد ، سوري


مـابكـتب شي خـلااص مايخصنيه

[كيوت فديتني]

انا من دبي لكني عيناويه ...
مازعلت لانه العين خسروا المباراة والكاس ... زعلت ع الخسارة الثجيلة الي يتنا ....
هذا الي المفروض يكون من السنة الي طافت ... عسب الادارة تراجع اوراقها وتعرف ان هالسنة العين ظهروا بدون اي بطولة ...
لو خذنا الكاس ماكانوا بيسوون اي شي ... و السيناريو الي يالس يستوي هاييج السنة وهالسنة بيعيدونه السنة الياية ...
تلاحقوا عماركم يا نادي العين ... وين ايامك يالرميثي كنت تمشيهم شرات ماالضباط يمشون الحرس

[مجموعة إنسان]

الله ياخذ الكوره اذا بتسوي مشاكل بين الناس !!

انا عيناوي
بس للأسف
ما كانوا يستاهلون الكاس
واحسن شي سويته اني ما شفت المباراة وكنت ادرس

هارد لك يالعين



ومهما صار



عيناوي حتى الثماله

[ألم ترى]

بسم الله الرحمن الرحيم ..

والله الوصلاوية يستاهلون اكثر من جي لـ هاللعب والتعب اللي تعبته الأداره من اول الموسم ! ..

لكن اللي يضحكني اكثر هالجمهور اللي ما له رفيج هههههه ..

ما اقصد جمهور الوصل ولكن اقصد اللي يعلقون صور نادي الوصل وشعارهم ..

الموسم اللي طاف اكثريتهم يشجعون الوحده ولكن الاهلي قالهم هههه حطوا شعاري ! ..

واليوم اكثرهم يشجعون الوصل واله يعلم ومنو بيشجعون عقب ..

مبروك ومبروك مليوم مره لـ الوصل وهم مبروك لـ العين ع الانجازات اللي ف خزينته ..

بحفظ الله ..

[الشيـــن]

الحين فاز نادي وخسر نادي
ليش نغلط ع بعض ونقرض بـ تهجم ؟


كنت متوقعه ان هالردود بتنحط فـ هالموضووع

ماله داعي يا جماعه نغلط ع بعض عشـان كره
أو الي يشجع النادي الفايز يطنز ع النادي الخسران بهالاسلوب !!

اوكي بنقرض وبنسوي بس بعقل مب بتهجم واستفزاز


كبروا عقولكم شوي


.
.
.

[العيناويه]

مبرووووووووووووووك الف الف الف مبروووووووووووووك لنادي الوصل ع الكاس
يستاهلووووووووووووووووون الكاس عن جداره ,, ماشاء الله ع لعبهم ,,,
وهاردلك للعيناويه ,,,,
مممممممممممممممممممممممم الكلام الي كنت بقوله قالته الاخت كيوت فديتني ,,,
خسارتنا بتخلي الادارة ترد ترتب اوراقها المبعثرة ,,,
وان شاء الله نعوض الموسم الياي ونعدل ترتيبنا في الدوري ,,,

والسمووووووووووووحه
عيناويووو طويلة العمر

[محد يستاهل]

السموحــة والله ما كان قصدي اتهجم أو شيء بس حرق أعصاب

السموحــة مرة ثانيــة

[ألم ترى]

محد يستاهل
ف ردج الأخير تقدرين تقولين بأن اسهمج عاليه ف قلوب الأعضاء
يزاج الله خير ياختي ودوم كوني سباقه ف الصلح والخير

دمتي بحفظ الرحمن

[محد يستاهل]

ألم ترى :
مشكور أخويــه
بس مـا كـان قصــدي أي شيء لكـن ع العموم مشكور
والسموحـة لأنكــم أخواني وخواتي مهمـا كـان ..

[ملاك الروووح]

::

ألف ألف مبرووووووووووووووووووك للوصل على الكاس ..

والانجــــاز .. والبطوله ..!

يستاهلون الفهود والله ..!



:

مع اني عيناويه لكني تمنيتها ليله صفــــرا .. عشان خاطر يية بو راشد الله يحفظــــه!

:

تستاهلون الفرحه يالوصلاويه ..

وان شاءالله الدوري يكون من نصيبــــكم بعد ..

عشان اتوجون فرحتــــكم !


وهارد لك للجماهير العيناويه ..!

وان شاءالله تتلاحق الاداره على عمرها .. واتشوف لنا صرفه .. مع هالمستوى اللي ما يرضينا !

نبي نشوف تشكيله يديده .. المشكله انه ما عندنا احتياطي ..!

الله يستر بس ..!

::

تحياتــــي للجميع ..

وأهم شي الروح الرياضيه حبايبــــي ..

ترى الكره فوز وخساره .. ومش نهاية العالم لو خسر فريقـــــك !!


مهابه : لكـــــل جواد كبـــــوه .. وهذي كبوتنــــــا !!