فكر واربح ..

[مايهزك ريح]

على طووووووووول دخلوااا ..
غسلوا ايديكم السالفه ما فيها بيزات ..
بس انا عندي معادلة صعب حلها .. وقلت يمكن اتساعدوني ..
انا ادور موتر مستعمل او يديد في حدود الـ100 ألف ..
اباه 7 ركاب .. ويكون شكله حلو ومقبول ..
لين هنيه سهل ..
بس المشكله انه الوالده الله يحفظها ما تقدر تركب موتر عاااااااالي .. يعني ما يكون فورويل ..
هنيه الصعوبه..
عصرت مخي وما لقيت موتر عدل ..
انا ما احتاجه إلا في أخر الأسبوع يعني يومين بس ..
وفي نفس الوقت إذا يلست أأجر .. ما منه فايده موتر الأجار .. ابا موتر في البيت ..

فاللي عنده حل يشور عليه ..
والسموحه منكم ..

احين طير الحب بتذبحني ..توها كاتبه موضوع عن عناوين المواضيع ..

[ألم ترى]

بسم الله الرحمن الرحيم ..

هلا خوي ..

امممم إن فورويل جان بقولك خذ شرات موتري ! ..

الصوره الأولى طبعآ عاديه بس الثانيه الموتر راكب فوق لكزس ! ..

إن شاء الله الأخوان يساعدونك ..

دمت بحفظ الرحمن ..

[مايهزك ريح]

مشكور على المرور ..أخوي ..ألم تري ..
ومبرووووووووك على الموتر ..
عندنا واحد في الدوام بس موتره جمس سايينا موب شفر ..

[المزوحي]

لو قلت لك مورانو سعره 125 ومب عالي مثل اللاند .. لكن مايشل 7

همم عيل شو ؟؟

وإذا صالون كابريس ... موديل 2005 بيكون أرخص ويكون نظيف طبعا

[مايهزك ريح]

المشكله يا المزوحي اني ابا موتر عائلي يشل 7 .. يا في بالي الفان .. بس موب متقبل شكله ..
واحينه شفت الكابتيفيا شفر .. بس بعد فورويل .. بس موب عاليه وايد ..
بعدني بدور ..
مشكور اخويه

[المزوحي]

إن شاء الله تحصل مطلبك ...

[شرجاوي]

خذلك استيشن و دق بها الارض خلها هي و اللومينا واحد خخخخخخخخخخ

[إسهر معي ليله]

ماشي الا المني فان.. بس فيه منهم مرتفعات شوي.. يعني مب شرات الصالون

او عندك المرسدس R - Class .. هاي عائلية وفي نفس الوقت لا هيه مني فان
ولا هيه استيشن.. واعتقد فيها نظام فور ماتك.. يعني فورويل

بس اظن سعرها مرتفع.. اسأل عنها.. وهاي صور لها

[مايهزك ريح]

خذلك استيشن و دق بها الارض خلها هي و اللومينا واحد خخخخخخخخخخ

حسبي الله على ابليسك يا شرجاوي .. جتلتني من الضحك ..
اتخيلت اني اسوق الموتر .. منزل على الأرض وتوايره صغار .. ومحمل الأهل .. وكل ما اوصل مطبه انزلهم عشان الموتر .. ما ايدق ..
سالفه ..
على العموم اشكرك على المرور ..

[مايهزك ريح]

ماشي الا المني فان.. بس فيه منهم مرتفعات شوي.. يعني مب شرات الصالون

او عندك المرسدس R - Class .. هاي عائلية وفي نفس الوقت لا هيه مني فان
ولا هيه استيشن.. واعتقد فيها نظام فور ماتك.. يعني فورويل

بس اظن سعرها مرتفع.. اسأل عنها.. وهاي صور لها

مرحبا اخوي .. صح انا فكرت في الميني فان .. بس شي منهن مثل ماقلت ..مرتفعات اشويه ..
بشوووف هاي كم سعرها .. لأني ما ابا موتر غالي .. انا ما بستعمله الا يومين في الأسبوع ..
ومشكور على الإقتراح ..

[شرجاوي]

كيا كارنفال حلوه ... و عندك هاي الفاره مالت تويوتا شو اسمها ...

[المزوحي]

بريفيا

[مايهزك ريح]

مسوين عرض على الأبلاندر مال شفروليه .. بـ70 ألف .. سعره واااااااايد حلو .. بس شكله قبيح ..
احلى شي في نظام المقعد الكهربائي ينفع للوالده ..
شوفوا ..
http://www.chevroletarabia.com/conte...tml?cntryCd=AE