العضوية والواقع

[هزاايم]

................

[هزاايم]

............

[الدلووووعة]

تسلمين اختيه عالموضوع

والله ياختيه ليش الواحد بيغير من اسلوبه هني
وهو اصلا غير عن اللي نشوفه هني يعني شو بخسر اذا قلت الصدق
واقول الصدق احسن من اني اجذب


يعني انا ليش اجذب وماقول الصدق شو بتسفيد

يعني بس عسب ابين للاعضاء اني انا يعني انسانه ماسوي الشي الغلط ابد

لا طبعا يعني مارمس غير المحارب هيه صح بس اللي مسوتله اد من غير المحارم
هو ولد خالتيه لنه هب فالبلاد ويوم نرمسه نرمسه عالمسن بس

واني اظهر من غير محرم هيه هب دوم اظهر مع محرم بس ماظهر بروحي

يعني امي وياي اختيه وياي

وياختيه اللي يقول هني شي فالواقع شي ثاني ها انسان هب عايبنه الشي اللي يسويه عسب
جي مايبا يقول الصدق يعني لو عايبنه الشي اللي يسويه صدقيني جان اول واحد شفتيه كتب الصدق

والسموحة

[هزاايم]

...........

[هزاايم]

...............

[ألم ترى]

بسم الله الرحمن الرحيم ..

هلا اختي هزايم ..

اول مره ادخل موضوع واتمنى اني مادخلت لئن الرادار جاكني من الناحيتين ! ..

المهم ياختي ..

برد ع الأسئله ع السريع بدون لف ودوران ..

هل فعلا ردك يمثل رايك ؟

نعم يمثل رأيي ولكن مرات اكون متناقض ! ..

هل حقيقة ردك يمثل شخصيتك الواقعية ؟

مرات هيه ومرات لأ لئن مب كل شيء ينقال او ينباح لـ الناس ولو كان قريب مقرب ! ..

شوفي ياختي ..

في من الناس تقول حرام وشعارها الألتزام والتدين وهي عكس هذا كله ! ..

وفي من الناس لا حرام ولا حلال ولكن تلقين لها تواصل وتواجد مع الكل وهي محافظه ! ..

يعني في من الناس تعصي الله ولكن تنكر هالخطآ ع نفسها وعلى غيرها مع انها ملتزمه بالخطآ ! ..

يعني من الأخير إن كنت انا ألم ترى ف الواحات ف انا غير برع الواحات ..

يعني وايد من الأعضاء يحسبون إني ملتزم وانا عكس هذا ! ..

صح الصلاه صلاه وماشيء خلاف ع هذا ولكن لي أخطاء والله اسآل بأن يعفوا عني ويرحمني ..

ع العموم ياختي ..

يمكن ثرثرت وايد وطلعت برع الموضوع ف المعذره ! ..

دمتي بحفظ الرحمن ..

[الدلووووعة]

هزايم انا هب معصبه افا عليج ^_^

بس يمكن اسلوبي شوي كان جاد خخخخخخ
ماعليه اسمحيلنا

ياختيه ليش اقول اني ارمس ولد خالتيه لني اصلا انا مارمسه وواصلا انا مسويه ايميل ثاني
بس يوم يبا يرمس امي وهيل يتصل ويقول ادخلو ( مايدري انه نحن مبركنين عالنت مانفتح هاك الايميل خخخخخخخخخخ)

وسمحلينا عالدفاشه خخخخخخخخ

[وحي القلم]

عليكم السلام و رحمة الله و بركاته

(( شسوي بعد.. لازم أرد عن تحرج هزايم ))

.
.

اللى أشوفه انه الواحد المفروض تكون شخصيته فالواحات مثل ما هي فالواقع

بس بعد.. مثلا ً.. إذا كنت أسمع أغاني

مب لازم آي و أقول أني أسمع.. لانه هالشي يخصني أنا

و لا حتى أقول اني ما اسمع.. عن اكون جذابه

و بعدين الانسان بطبعه يحب انه يستر عيوبه

(( مب بالجذب طبعا ً )) قصدي انه يسكت ما يطري غلطه جدام حد

.
.

و شو الفايده فالتصنع أصلا ؟

اللى يتصنع مستحيل يكون مرتاح

لانه بيتم طول الوقت زايغ انه حد يعرف الشي اللى هو يحاول انه يغطيه

.
.

و بس.. هذا اللى عندي يا هزومه

[أمواج]

.
.
الســلام عليكم

هل فعلا شخصيتك الواحاتيه تمثل شخصيتك الواقعيه ؟

اممم تقدرين توجهين هالســؤال لـ أي شخص تعامل وياي فالواحات وبرعها
عشان يقدر يحكم علي اذا غواني شخصيتها فالواحات نفس شخصيتها برع
يعني إجــابة هالســؤال بتكون بإيد شخص احتكيت وياه داخل وخارج الواحات
.

.
.

[حلم الطفوله]

السلام عليكم هزومه

شو هالمقالب ! يعني لازم نجاوب رضينا وإلا انرضينا !

هل فعلا ردك يمثل رايك ؟

أكيد ...لكن هالرد أحيانا يمكن يتأثر بردود ووجهات نظر الآخرين إذا كانت مقنعه

يعني عادي أغير رايي بعد ما أكون أضفت رد مخالف تماما في ردي الأول على الموضوع

هل حقيقة ردك يمثل شخصيتك الواقعية ؟

أحس هالسؤال نفس السؤال الأولاني .... فعلى حسب بيئتنا وطبيعتنا تختلف طريقة تفكيرنا

وخصوصا إنه شخصياتنا الواقعيه تأثر بردودنا لأننا بشر ومب لابسين أقنعه أو عدنا شخصيات نبدلها على حسب الدور !

بس هذا ما يمنع إنه ناخذ ونعطي ... اناقش ونحاور .... نتعامل مع الجنسين بس بعد بحدود !

وشخصيتنا الواقعيه تفرض علينا ضوابط ....يعني مب كل كلام ينقال ولا كل المواضيع مزاح

وسلمتي يا هزايم

[الـيـاه]

هلااااوو ..

توني اجوف موضوعج عسب جي ( حق شحقه ما شاركت لول ) !

صراحــه أنا عادي عندي أقول إذا كنت أسوي شي غلط وهو أصلن مُحرم شرعا ً نفس أسمع أغاني - نطلع بدون محرم - ويايه عيال عمومتي وخوالي عالمسن - أسلم عليهم باليد - أسير سنمات ومطاعم - نسوي أعياد ميلاد - أسرف وايد - أدرس في كلية مختلطه .... etc

يعني أعرف إنا نسوي واااااااايد أشيا غلط
بس دايما ً دايما ً كنت حاطه فـ بالي أن الواحد يوم يعرف وين حدوده ممكن يمشي سيده ومايعق عمره في مصايب < يعني كنت أفكر بهالأشيا من ناحية مبادىء وأخلاق ! بس هالشي بعد مايستوي شرعا ً .. لان حتى لو كان الواحد عارف حدوده ومحترم وخلوق وغيره يبقى - الـــــحـــــرام حــــــــرام -

لكني أحاول أني أخفف خطوة خطوة من هالأشيا لأن خلاص أنا مب صغيـره

وتدرين أن هالشي عندي مشكله ( أن أهلي لين الحين مب مستوعبين أن أنا كبيره ) وخلاص مب ياهل .. وفي منهم هالفكرة مب داشه مخهم أن أنا فالجامعه أصلن .. فـ يحسون أن نحن صغار !!

فـ الحمدالله
وأيد افتخر أني أنا بحاول أغير نفسي بنفسي .. مب شرط أستوي متدينة مره وحده لكن ع الأقل بخفف من شوية أشيا بالتدريج .. لانـه وبعد بكل صراحـه أقول إني ما أقدر أغير كل شي مررررره وحده لكن خلاص مقتنعه اني بتغير

وعن باقي الأشيا في شخصيتي أحس نفس الشي ( العصبية شوي + خرشه وأحب أكون حيوية + أعطي فالويه إذا في شي ماعيبني ويقهر + أحب اسوووولف + مزااااااجيه + عنييييييده بشكل + اللي مايدش راسي يعني مايدش أن كان شخص أو شي + كيووت XP لول احلفي أنتي بس ) ..


وبسس خلااااااااث

.
.
.

[هزاايم]

............

[الـيـاه]

^

أسمها المتفيزره ع العرقوب بعدين أمواج .. فديتني ما أنسى .. حطيلي نجمة غوانـي D=

[هزاايم]

.................

[ذنـيـنـي]

محد يقول دبسي حامض

و الحرامي ما يقول انا سرقت و انا سويت كذا و كذا

لهذا السبب كل حد يحاول يطلع نفسه بصورة الشخص المثالي الي ما يسوي شي غلط


يمكن لهذا السبب ما تشوفون مشاركاتي في مواضيع النقاشات
لأني ما اعتبر نفسي انسان مثالي
و في نفس الوقت ما احب اقول شي عن شخصيتي و هالشي اصلا مب موجود فيني
فـ اكتفي بالسكوت و مشاهدة ردود الاعضاء

و بالنسبة للأشياء الي ظاهرة لكم عن شخصيتي، فـ هي حقيقية 100%
انا انسان احب السيارات
احب التصوير
وايد اتمصخر ويا ربعي "طبعا بحدود"
و ما احب اتصنع شخصية غير شخصيتي الحقيقية