مرحبااا
أكيــد شخصيتي تختلف في الواقع عن الواحـات .. يعني مب وايد بس فيه اختلاف ،لأن طريقة تعاملي واسلوبي يختلفون من مكان لثاني ..
مثلا في الواحات المكان مختلط فأحاول إني أتجنب وايد أشياء من شخصيتي ، بعكس وجودي في المدرسة في مجتمع من نفس جنسي ، آخذ راحتي بدرجة كبيرة وواسعة ..
أمــا من ناحيـة الآراء ..
في الغالــب ودائمــا تكون آرائي في الواحات هي نفسهـا تمـامـا في الواقع، ما أتصنع ولا آخذ آراء غيري ..
بس وين الاختلاف يكون ..
يعني مثلا عرضت رأي قبل كم سنة من اليوم،
اليوم اختلف رايي ، هذا مب معناته تناقض بين حقيقتي في الواقع والانترنت
هذا ناتــج عن تغيــر العمــر ، وبالتـالي تغيرت طريقة تفكيري وصرت اشوف الموضوع من زاوية ثانية وصار لي راي مغايـر تماما للي ذكرته قبل كم سنة !
ومثلا ..
كنت أرفض فئة من النــاس وأشوف انهم غلــط
بمرور الأيام انجــريــت ورا هالغـلط أنا بعـد، واستويت من هالفئة ..
نـزلوا موضوع ثاني عن هالنــاس ..
أنا مستحييييل يكون لـي رد فيه ، لأني أعرف إني من هالناس وما يجوز لـي أتصنع وأرفضهم مثل ما رفضتهم أول مرة قبل سنين !
هاي هي شخصيتي وواقعـي ..
مثل هالموضوع نزلوه من زمان في الواحات بطريقة مختلفة يمكن
ما أدري اذا رديت فيه أو لا .. ولكن في الحالتين مب شرط رايي اهني يوافق رايي هنـاك
طبعـا آرائي مب كلهـا مختلفة باختلاف السنين ، بس مجرد أمثلة ..
وشكرا على الموضوع
وقوليلي شكرا لأني دخلت أنا بعد .. ترا اسمي انكتب ويا اللي شاهدوا الموضوع لوول
رد مع اقتباس
المشاركة الأصلية كتبت بواسطة هزاايم
مواقع النشر (المفضلة)