يلا يا حلوين أبا مساعدتكم

[طير الحب]

السلام عليكم ورحمه الله وبركاته...


شخباركم عساكم بخير ان شاء الله......


افكر اسوي لقو لبضاعه انا اسويها فأبا اختار اسم مميز وحلو وعاد انا مالي خبرة في الماركات ابا اسم يكون مميز بالعربي والانجليزي

ما ادري شو رايكم اكتبه بالانجليزي...

حتى لو كان رمز من حروف وارقام ومميز


وبغيت أسال لازم اسجل هاللقو في البلدية ولا عادي...


يالله اتريا خبراتكم وآرائكم...

[بنوتة جميرا]

ماعندي فكره

[ألم ترى]

بسم الله الرحمن الرحيم ..

هلا ام عبادي ..

والله مالي فكره ف هالأمور وإن شاء الله الأعضاء يفيدونك ..

موفقه ف الدارين ياختي وسلميلي ع عبادي ..

[إسهر معي ليله]

تسجلين الإسم يكون احسن،، بس اذا كان محل.. اما شنطة لا خخخ

والله مافيه اسم حلو في بالي.. بس شو رايج في leopard .. عاد لازم يكون الستايل مال نمور وهالسوالف

[عهد الوداع]

اذا بضاعه بروحج لا مافي داعي حق البلديه ,,,

تبين اسم حلو ,,,

اممممممممم

الحين مخي مقفل بفكرلج باسم كيوت شراتج ,,,

وربي يوفقج عيوني

[قلوب دبي]

عليكم السلام ورحمه الله ..

الله يسلمج الاسم اللي بتسوينه يعتمد عالمحل والبضاعه ، والجوده ..
ونوعيه البضاعه شو ما اتكون ...

البلديه مالعها خص في العلامه التجارية الموضوع يهتص بالدائره الاقتصادية فهم اللي يسجلون الاسم ولازم اتروحين وتطلبين تسجيل العلامة التجاريه و بيتم نشرها بالصحف ..

عالعموم الهم اهناك اجراءات تتبعينها ..

بالنسبة كونج بضاعه انتي اتسوينها واذا ما كان عندج محل تقدرين اديرين هالامر من خلال التقدم بطلب ببرنامج انطلق و بيفيدج وايد في تجارتج ..

انا افضل الاسماء الاجنبيه ... و نفس ما قلت يعتمد على البضاعه و الجوده و المكان ..

بالتوفيق

[سبيجة]

السلام عليكم


كل التوفيق اختي طير ....

وااايد استانس يوم اشوف مواطنه تبدأ مشروع ...وإن شاء الله يكبر هالمشروع ...


بالنسبة لتسجيل العلامة التجارية ... يكون في وزارة الإقتصاد ... هذا اللي انا اكيده منه ... مب من الدائرة الإقتصادية ... مثل ما ذكر اخويه قلوب دبي .. يمكن غلط في الإسم ... وهالشيء لازم تسوينه عسب تحفظين حقج في هالعلامه ... ويعطونج عليها شهادة ... هذا بالنسبة لدبي ...
عندي صورة لعلامه تجارية ... بحاول احطها .... اذا عرفت كيف اسويلها up loude

وبالنسبة لاسم العلامة .... اسمحيلي ما بقدر افيدج ... بس بفكر ... كم طير عندي


ولا تنسين تستخدمينا كموزعين لبضاعتج .... في جميع إمارات الدولة ...وأهم شيء النسبة


بالتوفيق


السموحه

[طير الحب]

وايد استانست على ردودكم...

الصراحه هو فكرة مشروع صغير لأنس في مجال التسويق اوكي ففكرت أبدا بمشروع يخصني الأفكار وايد وما اعرف من وين أبدأ يعني أنا اللقو الي اقصده بحطه في الملابس الي تكون من افكاري وتصميمي وما بطرحها بمحل حاليا او ممكن اتعامل مع كذا محل بس لازم اسجل في وزارة الاقتصاد...


بوعبادي اقترح علي رمز حلو بالأنجليزي وانا حبيته بس يبقى التنفيذ بحاول هالاسبوع اشوف الموضوع واذا اي حد يعرف حد في وزارة الاقتصاد ممكن يسأل لي عن المعاملة والاجراءات وتكلفة التسجيل.


سبوج...والله تسلمين عاد انتي تشتغلين فراعينا في النسبة ...:)

قلوب يزاك الله خير وان شاء الله تقدر تفيدية بالنسبة لمعاملة وزارة الاقتصاد.

عهد الوداع ربي يوفقج الغلا


اسهر معي ليلة...ويني أنا والشنط...بعده دربي طويل...تعال تعرف مصنع اتعامل معاه عسب اسوي شنط.

بنوتة جميرا...ألم ترى...تسلمون عالتواصل

[إسهر معي ليله]

انا اقصد تجارة الشنطة.. يعني البضاعه من بيت لـ بيت لوول

والله الشنط مادري عنهم.. بس اكيد تقدرين تتعاملين ويا مال بانكوك ولا الدول الآسيويه كـ بدايه
وعقب اتيبين مصمم لج..

شرات بعض النعل الرخاص.. شكل واحد بس الأسامي تختلف

انتي لو تروحين المنطقة الحره في جبل علي تستغربين من الشركات
والصناعات الموجوده.. وايد اشياء غريبه وحلوه تصير هناك بس محد يدري عنها

مثل صناعة الملابس.. وتكون بـ جوده عاليه لكنها تتسوق عندنا على انها صناعه هنديه
ولا صينيه.. لأنه لو كتبوا اماراتيه محد بياخذ !

[حلم الطفوله]

السلام عليكم

ربي يوفقج يا أم عبادي :)

[طير الحب]

حد عنده فكرة عن اذا بغيت اسجل علامه مسجله في وزارة الاقتصاد...او الدائرة الاقتصادية سألت وحده تشتغل هناك قالت لي المعاملة بـ3000

[ملاك الروووح]

:

ياهلا أم عبدالله ..

ان شاءالله بسأل لج فديتــــج .. وبرد لج خبــــر ..

=)

بندور لج على اسم حلو ..

واذا انتي حصلتي أي اسم .. ممكن انسوي لج ديزاين بالفوتوشوب ..

يعني طريقة كتابته عالثياب تكون مميزه ..

:

الله يوفقج حبيبتي .. وشو الاسم اللي اقترحه عليج بو عبدالله ؟

<< ياشين اللقافه بس

[طير الحب]

ملاك الروح...

سرت بسوي لقو تأخر المسؤول جان نطفر انا وبوعبداي وطلعنا من المصنع ما احب حد ما يلتزم بوقته...اقترح علي بوعبادي(KDJ

بس بعد شفت بنات وايد اسامي ماركاتهم ملفته...ففكرنا نغير الاسم بس مب عارفين شو نختار...؟

[طير الحب]

حد يقدر ايب لي معلومات من الدائرة الاقتصادية في كذا امارة ولا مواقعهم على الاقل اذا فيها معلومات عن طريقة اختيار الاسم لانه لازم احط كذا اسم عسب ما اتم رايحه راده

[أنامل قلب]

:
.

السلام عليكم ..

ودي أفيدج اختي لكن ماعندي علم بالموضوع ..
وان شاء الله يعينج من يملك الافاده ..

موفقه باذن الرحمن ..

:.