احم احم ..
ماشاء الله لا إله إلا الله ..

امممم >>> دومي أمر على موضوع النقاش .. وكنت متابعه لتسلسل طرحج للوحه ..
وكله أقول " اشفيها عمو مب طايعه تخلصها " .. ^_^ ..

وشفت اللوحة أول ماطرحتيها بنفس الموضوع بس مادري ليش مارديت ..
" قلت هذي يبالها قعده وانا وراي همشة تقارير طايحين بجبدي ؟!؟! "

والا أتفاجأ بإنج طرحتي الرسمه بموضوع مستقل .. >>> جان استانس لأنها بتاخذ حقها بشكل أكبر
ووووو عاشت أم الجين جونك جينك >> ذكرتيني باسم مستشفى بسنغافوره
" تانج تونج سينج " >>> شبيه بالياباني ..

وجان أغوص بذكريات مولان #_# ..
من صدقي أحسها تعبر عن الاجواء اليابانيه .. >>> ماحيدج تقربين لمولان @_#

امممم ..
وننتقل عالرسمه >>> اللي يسمعني يقول فنانه قديره . ^_^ ..
.
.

بصراحة بصراحة ..
الرسمه واااايد ناعمه .. وألوانها مميزة .. عاطيه اللوحة طله خاصه وغريبه بتعبيرها ..
عيبني التجمع اللي بالجهه الشمالية الغربية .. #_@ >>> سكتو عني لازم أفصل ..
يعني حسيت شكل الازهار والوريقات يايه بشكل أجمل هاك الصوب ..
أما عن الغصون فحركتج وايد طيبه ووايد عيبتني ..
يعني هالتمايل الرقيق وخفة يدج عليها ..
وكونج اخترتي ان يكون الجزء اللي بترسمينه اطراف الغصون >>> شي جدا جميل وجدا معبر

وووو شو بعد يا أنامل .. اممم .. خلوني أفصصها عدل .. ؟!؟!؟!؟!؟!؟!

هيه .. حلوة حركة الورود اللي بعدها ماتفتحت ..
وأحس الرسمة كلها على بعضها نوع من الخيال .. >> ودومه الرسم خيال ..
يعني طريقة رسمج للورد .. والخلفية .. وتناسق الالوان .. >> مادري أحسني عايشة الجو بزود ..
خاطري أييبلي كرسي واقعد بنص الرسمه أشوف أجواءها شلون صاير >> ماخذه راحتي .. مو جنه وراي امتحان مابديت فيه #_#

بس جد حبوبه رسمج جدا طيب .. سواء بهالرسمه ولا ماسبق وطرحتيه ..
وان شاء الله انكون من المستفيدين دوم .. وناخذ كل ذرة طيبة نثرتوها ولا زلتو تنثروها بهالساحه ..
ما شاء الله عليج وعلى كل من طرح أو بيطرح رسومه ..
وعسانا لكم دوم متابعين ..
ومن طيب فنكم شاربين .. >>> ناوية أظهر بيت شعري لكم خخخ
واشوفج على خير بلوحة ثانية ..


.
.

سامحوني عالقصور والاطاله الزايده ..
وودي واحترامي لكم دوم ..
اختكم أنامل قلب ..

^_^ ..