الســــلااام عليــــكم ورحمــــة الله وبركـــــاتـه
مرحبــــا بكــل من بقــى وفــي للواحــة العبقـــة .. واحــة الترااااث والأجـــدااد ,, واحــة التميـــز لمــن يريــد التميــــز .. فهي عنوان للرقي والمواضيع الشيقـــة .. التي لا يستطيـــع أن يطرحهـــا إلا من يتذوق معنـــى الترااااث بجميــــع أذواقـــــه ( الحلو والمـّــر وان كان المـــر أقل بكثيــر من الحلوووو يا حلويــــن) ,, عدنـــا من جديد لهذه الواحــــة التي لا نستطيـــع أن نفارقهـــا أو نتركهــا لفترة فهي كالأم الحنووونة التي لا تستطيـــع التخلــي عن أي من أبنائهــا مهمـــا صااار أو حـــدث ودائماً ما نستمد منها طاقاتنــا الخامدة والتي تحتاج الى اثااارة ,,
مرحباااااا مليوووووووون
لم يبقــى لنــا من التراااث في ظــل هذه التطورات العمرانيــة والمدنيــة والحضاريـــة والفسيولوجيــة ( اذا حد منكم يبى يتفلسف زيااادة) إلا الشوّاااب الله يطول بأعمـــارهم ’’ منهـــم نسمع المااااضي الذي كما أطلقنــا عليــه سالفاً ( هب السلف شرات المكي .. لا لا يعني مسبقاً
) هم المتاحف التراثيــة الخاصــة في كل منزل .. أدامهــم الله وأطال في أعمـــارهـــم ’’
يالسيــن في الحوووي أنا واخويه العوووود وابويه وخاليه ويديه ( ابو امايـــــه ) .. وانسولف اشويه عن الجامعــة واشويه عن التدريس واشويه عن السياسيــة ( ضاربين ملاسنـــا بكل حايـــه ) .. بعد اشويه ياا اخويه الصغير وعيال عمتيه ( عيال عمتيه = عيال خاليه .. اللي يروم يفسر هالمعادلة العائلة المعقدة له جائزة مقدمة من خنفرووووش (( وهقنـــااااه وخاصة في آخر الشهــــر)) ) .. اتخبروا يديه يوم انه قال ما اروم آكل الحب المصري ( البزر كما يطلق عليه المصرييين ) ,, وين اضروووسك يا يديه ,, عااااد ابويه يلس يضحــــك وقااااااال // الثوووووور طيحهــــن ,, عاااد يا في بالي بأنه الثووور مسوي حادث مع يديه وكاسر ضروووسه ( شكله هب فل بيمــه ( التأمين ماله تعبـــااان )
) .. نشدت ابويه هل كيف الثووور طايحنهـــن
قال ليه انشد يدّك وبيخبرك ,, نشدت يديه وقلت له :: اي ثووور هذا اللي طيـّــح ضروووســك,, ضحك ليه ضحكــة استاااانس عليهـــــا وااايد وقاااال :: ما فيه ثووور ما عضيتـــه من ذيلــــه ( حشى هب يـــد صدق انه مجرم حرب )
اشووووف ابويه يتنهد قبل ما اكمل رمستيــه مع يديه ويقووول // الله يرحم الشيـّــاب برحمـتـــه ويغفر لهـــم اللي كانوا يسوووونــــه,, عاد خويكم بهـّــــت وما عرف شو السالفـــة ,, نشدت ابويه قلت له شو السالفة شو كانوا يسووووون ؟؟!!\
قال ليه :: اتعرف على ايااام اول الريال من أصبح يسير المزرعة وخاصة وقت الحصاااد والحرمة اتسير اتييب الماي من الطوي للغسيل والطبخ ومرات تلحق الريال للمزرعة اتساعده في ما بعد الحصـــــــااااد .. فالريال يشتغل من غبشــة من بعد صلاة الفير لين صلااااة المغرب واللي يسااااعده غالبـــاً في المزرعــة الثووور .. الثور يسحب الماااي من الطوي وخاصة اذا كان الطوي غزير ويبووون كميات كبيرة من الماي ,, ويساعد في الحراث ,, ويساعدهم في وايد اشيــاااء ,, يعني من دووونه ما يرومون يسووون شي ,, والثووور شرات ما اتعرف حيوووان له طاقة معيـنــه ما يروم يشتغل طول اليوم فمرااات ييلس على الارض من التعـــب .. فشووو يسووون بـــه ؟؟!!
قلت له شو يسووون بـــه ,, قال ليه يعضوووون ذيلــــه عشان يقوووووم,, ومرات شو يسووون اذا ما نفع معاااه العض ؟ ايمعوووون فوقه الحشيش اليابس والخشب اللي قابل وبسرعة للاحتراق ويولعووووونـــه ,, وحليله الثووور على طووول ينـــش من النااار اللي فووووقــــه ’’
تذكرت هالسالفة من كذا يوم .. يوم كنت يالس اخبر اربيعي ( الغفلي ) عن سالفة ضروووس يدي .. لأنيه في اللاب ( المختبر ) اقص الوايرات الصغــااار في بعض الاحيــــان يوم ما يكووون عندنا الكتر ( اللي يقص الوايرات ) بأسناني .. قلت له يا خوووفي يصير بيـّــه شرررررات ما صااار بيــديه
حياة جداً صعبــة عاشوووها الأجداد .. شكراً لهم على كل قطرة عرق نزلت من أجســــاااادهم من أجل بنــااء هذا الوطن ومن أجلنــــا .. والله نحبكم
حقوق الطبع اذا كان هناك من يفكر بسرقة الموضوع محفوظة للكاتب // المنصوووري
ترقبووووا كل يديد .. واليديد يعتمد على نشااااطكم ,,
يديدي القريب ,, يم يمي في واحة التراث
شكراً لكل من وصل للنهايــــة
والسموحة عالقصوووور
أخوكم
الصغير
المنصوري
رد مع اقتباس
مواقع النشر (المفضلة)