.. ساهم بمشاركتك ..

[المقاتل]

.. :: بســـم الله الرحمن الرحيم :: ..

- السلام عليكم ورحمة الله وبركاته ..

احبابي .. بما أن الكثير من الأعضاء هنا لديه ميول لـ هواية التصوير .. جميل لو أستغللنا تلك الهوايه في شيء قد ينبه الغافلين .. أو .. المخالفين .. أو .. يشجع المتميزين .. أو .. الملتزمين .. !!

أعتقد ما فهمتوا شو أقصد بالضبط .. أعزائي .. أحيانا نشوف جدامنا منظر غير لائق .. أو .. تصرفات لا تليق بالمظهر العام .. فـ يصور العضو هذه اللقطه .. ويكتب تعليقه ..!! (( مثل ما انشوف في الجريده أحيانا )) و أحيانا اتشوفون منظر جميل لأبناء الوطن .. يستحق التشجيع .. فأتصور اللقطه + تكتب تعليقك على إي صوره أتحب إتضيفها هنا في هذا الموضوع .

الهدف من هذا الموضوع هو التوعيه والتشجيع وإستغلال تلك المهاره لـ هدف جميل !! وأعلموا إن الله لا يضيع أجر العاملين على نشر الخير .. !!

- والصور لا تخصص أو تحدد شيء معين وأنما هو شامل وعام (( في الطرق - الأماكن العامه - محلات - نفايات في أماكن سياحيه - تلوث .. إلخ )) وهذه أمثله للتوضيح .

ملاحظه : هنا لا أقصد بتصوير الشخص ( وجهه ) أو إظهار لوحة السياره في الصوره وإنما إخفائهم بعملية التظليل باللون الأسود أو بطريقة أخرى لا تظهر ما ذكرت .

أتمنى وأتمنى وأتمنى أن لا يتم تجاهل الموضوع لأني أشوف الفكره حلوه .. خصوصا إذا شفنا أشيا يمكن نحن ما ننتبه لها .. شكرا لمروركم وأترقب مشاركاتكم وإن شاء الله أذا صادفني وشفت شي بصورلكم عما قريب .

[الدلووووعة]

فكره واااااااااااايد حلوه اخويه وهب غريب عليك يالمقاتل هاي الافكار

وان شاءالله بنتواصل على ها الموضوع

[هزاايم]

في اشياا تعجيزيه

لكن الفكره بشكل عام يديده و

[تنينه]

فكره حلواااه ؛؛ وذكـرتني في جريدة شباب الخليج في آخـر صفحه كانوا يحطون صوره من عدسة *اسكندر* واتكون الصوره مظهر من المظاهر السلبيه اللي انجوفها يومياً ومرات الإيجابيه اللي انجوفها بعد يومياً وتعليق عليها ؛

تسلم اخويه وان شااء الله بتكون لنا مشاركـه هنااا ؛؛

[المقاتل]

.. بسم الله الرحمن الرحيم ..

- أختي الدلوووعه شكرا على تعقيبج ونترقب تواصلج دائما دائما .

- هزايم تعجيزيه ؟؟ كح كح .. ما عليج .. الاعضاء عفاريت ما يخلون شي ما يصورونه .. لا معنى لـ تعجيزيه لدينا .. وتعقيبج بشكل عام جميل ويحمسني على العمل بتطوير الموضوع .

- تنينه .. كلامج صح مثل إلي نشوفه في الجرايد .. بس أتوقع بكون شي تنافس بين الجريده والواحات في هالشي !! ونترقب مشاركتج في أقرب وقت .

تسلمون على مروكم :) ..

المقاتل

[الـيـاه]

فكــره حلـوه ..
ماعندي ولا صوره عن هالشي .. ان شاء الله إذا حصلت وقدرت بشارك وياكم ..

[العجيبة]

موضوع جمييــل ، ومضمونه جيد ..

واسمحـولي أشارك بأول صـورة فيه ..

ليش دايمــا المناطق الصناعية قذرة وغيـر مرتبة ؟
بصراحة منظر غير حضاري ولا يعكس الصورة المشرقة للدولة

أتمــنــى يخـلونـي أسـبــوع في المكـان اللي يخلي عنـدي السلطة على تغييــر كل هذا


الصورة مأخوذة من المنطقة الصناعية في أبوظبي ( مصـفـح )

[بنت الدلع]

شو يعني ؟

ممكن توضح !

[شمعة أمل]

فكـــره حلوووه
اولريدي أعرف شو ابا أصور D=
تسلم على الفكره والموضوووع

[هزاايم]

للأسف حااطه في باالي لقطات اريد اصورها بس ربكم شي يصير وانسى

=========

إضاافه "سريعه "لرفع الموضوع للأعلى

قالوا:العلم بالصغر كالنقش على الحجر



فانقش في قلوووبهم "حب الصلاه واقامتها وأدائها"

========

واليايات افضل ان شاء الله

[بنت الدلع]

احم

لا شكرا مابا ماي

--

كل اسبوع ونحن نسمع بحريجه مستويه في المكان الفلاني
يا بنايه محترقه
يا مصنع

وين السلامه ؟



الدخان الاسود له سلبيااااات كثييييييره
اول شي محد يقدر يتنصخ
كله CO2

والرؤيه تكون مضببه وغير واضحه

واهم شي ماننسى
انه يؤثر على طبقة الاوزون

منو بيحمينا بعد هذي الطبقه من بعد الله سبحانه
المسأله مش مصخره

تسمعون عن الـ Global warming ؟

الجليد بدا يذوب
صوب القطب الشمالي اذا ماخاب ظني
الفقمات يوم يربون مايحصلون مكان عشان يحطون عيالهم
بالعاده الفقمه يوم تربي تحط ولدها على a piece of ice
بس لان الجليد ذاب كل ما يحطون الطفل يطيح في الماي ويموت
يعني لدرجة ان قطعة جليد مب متوفره
ملاااااين منهم قامو يموتون

كل هذا بسبب التلوث والكهربااء الي نصرفها بالهبل

امسات في قناه اسبانيه رمسو عن هالشي
ان نحن بامكانا نتجنب

ابسط واسخف مثال
شاشة الكمبيوتر
تكون شغاله على طول وحتى لو مانستخدمها
في المكاتب في البيوت في القهاوي
وهالشي واااااااااايد يصرف كهربا لدرجه نحن ماندركها

هالشي في ايادينا
ونقدر نتجنبه
بس منو الي يطبق
بس لان الشخص تعود يخليه شغال او انه lazy عسب يطفي الجهاز

--

احم خلصت
الحين ابا ماي

الصوره مأخوذه في الشارجه
مصنع تواير كان محترق
وتم الدخان لأكثر من يومين

can u imagine !!

[بنت ناس و عرب]

^ شي طبيعي ..

من وين تينا الامراض الا من هالسوالف