يا اللي حبك قطع أنفاسي قصايد
يا اللي ذنبك لوع حروف الجرايد
انت وأنا اثنين ..
والثالث هوانا
والهوى مسكين ..
ليته ما لقانا
صدفه وحنا صغار .. صدفه
الهوى لبسنا عطفه
والهوى مسكين ليته ما لقانا
والأمل (مقرود) يبكي في قفانا
والحزن مرتاح كل حزنه هدانا
وحنا بس اثنين ..
والثالث .. هوانا
والهوى مسكين
ليته ما لقانا
انت أقوى منّي .. وأنا اعترف
أنا خطوة نار .. خلتني أجف
بس مصير النار
يقولون الرماد
وانت نارك
غير نيران العباد
في وسط عيني أشوف انك تخون
واسدل جفوني على طول العيون
يا اللي حبك صبغ الدنيا ذنوب
وبدل شموسي المنيره في الغروب
من طفولتنا .. أتوب ... وما أتوب
.
.
.
فينا واحد بيلعب
فينا واحد بيلعب .. فينا واحد يعاني
اعتقد فينا واحد .. ما يستاهل الثاني
فينا واحد تمنى .. يكون ظل لخليله
فينا واحد تجنى .. الف ليله و ليله
و اعتقد فينا واحد .. ما يستاهل الثاني
فينا واحد تصبر .. و عطر الدنيا طيبه
فينا واحد تنكر .. للمحبه و حبيبه
و اعتقد فينا واحد .. ما يستاهل الثاني
فينا واحد تغرب .. عن حياته و مكانه
فينا واحد تمادى .. حتى خان الأمانه
و اعتقد فينا واحد .. ما يستاهل الثاني
بعد كل ماجرالي .. منك و من زماني
حس و شعر بحالي .. صير انت بمكاني
شوف منهو اللي فينا .. ما يستاهل الثاني
.
.
.
طــيـــب
طيب و صدقت الحكي
غلطان غرتني العيون
مادري ان الناس في لحظة تحب
و الناس في لحظة تخون
الناس آه يالناس
حتى في المحبه يكذبون
كنت اتصور حبي في عيونك كبير
همزة وصل تبدى و لا تعرف اخير
كنت اتصور كل شي ممكن يصير
نشوف الكثير ... نعاني الكثير
نروح نتفارق
الا اللي شفته .. ماهقيت انه يصير
شي خطير
الناس آه يالناس
حتى في المحبه يكذبون
اجرح مشاعر حبتك .. اكذب علي
اكذب و صدق كذبتك .. اكذب علي
الطيب أنا عادتي .. و الظلم يمكن عادتك
مسامحك روح .. رغم الجروح
نشوف الكثير ... نعاني الكثير
نروح نتفارق
الا اللي شفته .. ماهقيت انه يصير
شي خطير
.
.
.
أتحداك
اتحداك
إذا تقدر تخاصمني
اتحداك
ما تقدر تخاصمني
ولا أقدر أنا انساك
اتحداك
في عيونك
أشوف أشواق تكلمني
تقول لا يمكن
أنت في يوم تخاصمني
وسطورك لما تبعثها
بحنين وحب
تذوّب كل شيء بيننا
يصد الحب
وتتحدى الزمن بالشوق
مثل ما انا اتحداك
تقول انساك
وانت اللي قضيت جنبي
ليالي ما عرفها الحب
من قبلك ومن قبلي
تقول انساك
وانت اللي تعيش الحب
في عيوني ومن اجلي
ماتقدر تخاصمني
ولا اقدر انا انساك
اتحداك
.
.
.
بيني وبينك
بينى وبينك اعترف...انك قدرتى
واعترف انك عزفتى
واعترف انك كسرتى
سور صمتى
كان قبلك عمرى ساكت
بيتى ساكت
نبضى ساكت
كان لون الشمس...
فى ايامى باهت
جيتى مثل الغيمه فى صدرك مطر
جيتى اكبر معجزه..
واحلى قدر
جيتى داهمتى جفافى بالمطر
جيتى طرشتى عناوينى الجديده للقمر
جيتى خليتينى انقل
لغة الماى..
وطيور الماى
من قبل الغرق
جيتى رجعتى السما للصيف
رجعتى الربيع اللى انسرق
جيتى جمعتى رماد اشعار
ديوان احترق
.
.
.
لذه الاصرار فائق عبد الجليل
حبيبى اختار
لاتنهار اعصابك
لاتنهار
اعترف بالسر..قول للناس
من حقنا نحب ونعيش
رغم الكون والاقدار
انت النبض فى شوقى
انت الدم فى عروقى
انت انسان خلق عمرى
وخلا لحظتى اعمار
وانا من غير حبك
ريشه فى تيار
ومعاك انته
يموت الفرق...
بين الشوك والازهار
وينبت فى حزن قلبى
فرح واشعار
انا وانت يمكن يوم
نروح عند القمر زوار
ونكتب فوق اشجاره سوالفنا
ونزرع سطحه وضلوعه
هوى واسرار
اوقف ارحم اعصابك
ارحمنى من الافكار
لاتتركنى دمعة حب
على ساحل هواك احتار
تعال نعلنها ثورة حب
تعال نذوق مره
لذة الاصرار
رد مع اقتباس
مواقع النشر (المفضلة)