لا من غديتي شمس

[المحاق المشتعل]

انا مووول ما يخصني في التصميم

بس حبيت إني اشارك طول ما انه نشاطاتي في الرسم متوقفه في الوقت الحالي

فتميت ألعب في الصور أمس

وحسيت في نهاية التوقيع إني لو أكتب كلام

بيكون التوقيع شكله اشويه افضل عن يوم مافيه كلام

فتذكرت كلمات قديمة كتبتها بس عشان أملى الفراغ

وان شالله اسمع انتقاداتكم الطيبه

محاق

.
.
.
.

[الدلووووعة]

واااااااااااااااااااايد حلو التصميم

والكلمات حلوه بعد

[المحاق المشتعل]

الدلووووعة




ما ننحرم من هاي الإضافات أبد

محاق

[بنوتة جميرا]

المحاق
تصميم عجيييب الصراحه
عيبني وااايد
تسلم ايدك

[قرموشة]

السلام عليـكم والرحمــه

ماشاء الله عليــك يا المحــااق
وايـد أحـب هـ الالــوان في التصــاميييم
عيبتنــي طريقـه التصـميم وفكرتـه ..
والكلمـات ما عليـها زود طـال عمرك
تســلم ونرقــب يديدك بفارغ الصــبررر

.
.

[المحاق المشتعل]

بنوتة جميرا

الله يسلم ذوقج الطيب أختي

مشكورة جداً عالإضافة الروعه

[بنت الدلع]

مرحبااا

يا سلاام رسامنا قام يلعب في الفوتوشوب ^_^

تصميم جميل والوانه همممممم حلوه بس واااايد نااااريه لول

واااايد اشيااء في التصميم
لو شليتهم بيكون احلى
اقصد الـ اشكال الي مستخدمنهم

واحس ان اغلبيتهم مايلعبون دور مهم في التصميم

في انتظاار ماهو اجمل منك ^_^

اسمحلي عالمداخله $:

[المحاق المشتعل]

قرموشه

مرورج الطيب .. وإضافتج الجميلة
أعطت حافز كبير للمحاق بأن يجرب المزيد
أِشكر لج ذوقج الفني المرهف
وأشكر لج تشجيعج المتواصل
وربي ما يحرمنا من إضافاتج الطيبة ابد قرموشة الفن

ننتظر جديدك أيضاً بفارغ الصبر



محاق

[المحاق المشتعل]

بنت الدلع

جداً سعيد بإضافتج والله
أنا ابغي وايد انتقادات عشان
أعرف شو الغلط في تصميمي أو شو
إلي لازم اسويه عشان يكون التصميم متناسق
أنا مشكلتي سويت التصميم مثل رسمة
وماعرف هل هالشي منبوذ في عالم التصميم ولا شو ؟
أنا محتاج اعرف كل هاي الاجوبة عشان اطور في هالمجال
وشو الالوان المناسبة إلي لازم التصميم يحصل عليها

...
بنت الدلع الفنانه
أشكر لج إضافتج كثيراً
ودايماً سأنتظر هالرد الطيب عشان أطور في مهاراتي بإذن الله تعالى

جل أحترامي

محاق

[حلم الطفوله]

السلام عليكم

ما شاء الله عليك يالمحاق صدق أشعلتها بهالتصميم الحلو

من رائع لأروع

[تنينه]

السـلام عـليكم والرحـمـه ^^"؛

مـبدعـنا الرائـع والراقي أبـداً محاق الواحات ؛؛ عـادي انـتقد طشوونـه بقولـك رايي بصراحـه ؛؛


أنـا أول ما جفت التـصميم قلت حلووو والله وتعـيبني هالألـوان واايـد ؛؛ كـنظره أولـى لفتت انتـباهـي الألـوان والدمـج الحلوو ؛؛ لــكــن شـرات ما قلـت انت بالضبـط :

إلي لازم اسويه عشان يكون التصميم متناسق
أنا مشكلتي سويت التصميم مثل رسمة
وماعرف هل هالشي منبوذ في عالم التصميم ولا شو ؟

التـصميم لازم يــكون متنـاسق مع محتوياتـه يعني الصور اللي أتـحطـهم في التـصميم اتـكون بينهم صـلة ربـط وبين كـلمات التـصميم هالشي مهم جداً ؛؛ يـعني انا متـخيلـه تصميمـك من دون هالصـور اللي حـاطنـهم أو لـو اتغيرهم بيكون التصميم رائـع ؛؛ مثلاً ؛؛ صـورة الكـرسي والحلزون اعتقد او القوقعـه والفراشـه ماخذه مسـاحة التصميم كـله وهـي انـا اجوفها برايي المتواضـع لـو كانت ع صـوب أو أصغر حجماً كان بيكون مناسبها أنـسب ؛؛ والأشـواك في التصميم بـعد أجوفها مـخربـه لأن التصميم يـتكلم عـن مـدح ووصـف فــ الأشـواك حسيت تـواجدها شـائك لو كـان عـلى الأطراف شي رقيق برتقالي جان ظـهر أحـلى ؛؛ والخلفيه فووق حلووه يعني لو اتـشل جمن شي وتبـدلـهم بشي ينااسب الكلمات بيكون التصميم بيرفكت ؛؛


وووووووووووالسموووووووحــ ه يـا أستااذنـا ؛؛ وتسلم الأنـامل المبـدعــه

[المحاق المشتعل]

حلم الطفولة

جداً سعيد لإضافتج اللطيفة

وان شالله أصمم إلي يحبه ذوقكم الطيب

تقديري الدائم

محاق

[المحاق المشتعل]

تنينه

هلا والله بالفن كله

حياج يا فنانه ومرحبا فيج في موضوعي المتواضع هذا

وكل إلي قلتيه صدقتي فيه

أنا بالفعل ما اتقنت وايد اشياء

ومنها اني ما ضبطت الكلمات والصور في نفس الوقت

لأني كنت محتار وما عندي كلام اكتبه اصلاً

ويت على بالي هاي الكلمات لكن بالفعل ما سويت حسابي

انها لازم اطابق التصميم نفسه

ومثل ما قلتي تنينه

في اشيا مالها داعي مثل الكرسي

والكرسي هذا كان موجود في احد لوحاتي القديمة

فحبيت اني اكرر نفس الفكره لكن مب كل مرة تسلم الجرة

فنانتنا المتألقة

أنا ابغي تواجدكم الطيب هذا دوم ونصايحكم دايماً

عشان اطور مهاراتي بإذن الله تعالى

جداً شاكر لج إضافتج الرائعه ولا تحرمينا

من جديدج في عالم الفن يا فنون

محاق

[طير الغرام]

وعالم التصميم يرحب بك من أوسع أبوابه

اللون عجيب >> وهالفتره انا كله امعلقه عليه
التصميم أحس فيه نوع من الغموض بس هذا عاطنه حلاه
اممم احس القوقعه اللي فوق ع الزاويه مالها داعي

وبس التصميم حلوو ماشاءالله
ولاتحرمنا من يديدك فـ هالمجال
لنه لك مستقبل فيــه =)

[مايهزك ريح]

ما شاء الله عليك اخويه المحاق .. ما كنت اعرف انك اتصمم ..
بس التصميم رهيب .. والألوان الناريه حلوه طالعه غير في التصميم .. بالتوفيق اخوي المحاق ..