تعالوا نعلم بعض ونصـور ..

[ذنـيـنـي]

دمعة عين اسمحيلي اختيه توني اشوف استفسارج

هممم بالنسبة للفيو فايندر
يبالج فرشاه خاصة بتنظيفه،، بتحصلين هالفرشاه مع عدة تنظيف العدسات و السنسر
و غير جي مرات تكون المنظره الي داخل الكاميرا هي الوصخه و تحتاج الى تنظيف

[ذنـيـنـي]

مايد شوف هالشنط من لوي برو

ان شاء الله باخذ الي في النص للسفر
http://products.lowepro.com/catalog/Sling-bags,4.htm

بتحصلها في شرف ديجي
و بتحصلها في السلام


الحلو فيها انك تقدر تشل منها الكاميرا بدون ما تشلها عن ظهرك

[مايهزك ريح]

انا عايبتني هاي حق الطياره .. وسهل اني اسحبها .. وتشل اللابتوب بعد ^_^
ما بحاتي شي .. تقريبا سعرها بـ700 درهم

http://products.lowepro.com/product/...AW,2023,17.htm

[ذنـيـنـي]

حلوة الشنطه بس ما تحس انها بتكون متعبة في التنقلات و في الرحلات ؟؟

[مجموعة إنسان]

ذنيني وبنت ناس وعرب
تسلمووون

بقولك شي
انا مستحييل اني بخسر فلووسي على عدسات غالية ولا عدة غالية
بس ان شاء الله هالفلوس بتكون كدعم لي

اكثر شي احتاجه اني اصور لمجله قاعدين نسويها الحين
وبعد للصور الجماعية
وصور عبيطه

بس حزة ما احصل الفلوس طبعا شي اكيييد نصور اول واحد بطلب رايه

[ا ل غ ل ا]

ذكرتوني أنا أبا آخذالي شنطة تكفي كنونتي + عدساتي الهنتين

حق السفر عشان ما أتبهدل ويا العدسات

ثانكس على السايت يا شباب ^_^

[خيال الروح]

انا عايبتني هاي حق الطياره .. وسهل اني اسحبها .. وتشل اللابتوب بعد ^_^
ما بحاتي شي .. تقريبا سعرها بـ700 درهم

http://products.lowepro.com/product/...AW,2023,17.htm

انا ابى من هالشنطه
كنت ادور شراتها بس مالقى ..

حجمها كبير ولا زوين ..
لاني ما ابى شي كبير ..

؟

[مايهزك ريح]

ناصر ..
اعتقد انها بتكون عوده بس ما عندي مشكله لأني بأجر موتر هالمره ..
وبتكون الشنطة في الدبه ^_^

[المزوحي]

ماشاء الله عليكم

كلكم يبون تصورون لنا المناطق اللي بتزورونها .. ^_^

[دمعة عين]

:
.


مســـآآء الخيـــر ~ ..

يقولكم وأنا أحــوط فـ المواقع اليوم !~
شفت هـ الدرس عن سرعه الغالق ، ووايــد عيبني ، حسيته سهل
ويدش المخ !!~ واحيييييم وحق إلي مايفهموون وايد فـ الكيمره شراتي !!~


:
.

سرعة الغالق Shutter Speed

المقصود بسرعة الغالق Shutter Speed هي الفترة الزمنية لانفتاح او انغلاق الغالق
وبالتالي الفترة الزمنية لتعريض الحساس sensor للضوء المار. وبالطبع يمكن التحكم في
الغالق عن طريق الكاميرا فاذا كان الضوء كثير زدنا سرعة الغالق لتحديد الاضاءة وتقليل
التعريض والعكس صحيح.



بتغيير قيم سرعة الغالق بامكانك تجميد الحركة Freez او اضافة الضبابية Blurred في الصورة


تتراوح القيم القياسية لسرعة الغالق بين 1 (بطئ) و 1/4000 (سريع)



السرعات المنحفضة للغالق:


الحركة تكون غير واضحة او ضبابية Blurred ..



مثلا الصورة السابقة استخدم المصور سرعة 1/3 sec وهكذا ظهرت الصورة ضبابية Blurred بعض
الشئ



السرعات العالية للغالق:


الحركة مجمدة Freez

بامكان المصور ان يحصل على لقطة مجمدة حتى في حالة الحركة السريعة. فيقوم بتسجيل لقطة
لا يمكن حتى للعين البشرية ان تلتقطها.





كلما زادت سرعة الغالق كلما زاد تجميد الحركة Freez وكلما قلت سرعة الغالق كلما زادت
الضبابية Blurring


المثال التالي يوضح التأثيرات الناتجة عن تغيير سرعة الغالق:



يقوم المصور بتوثيق لحظة من الزمن وهذه اللحظة قد تكون صغيرة جدا (سريعة جدا) مثل:
نصوير ماء يتدفق من منبع بسرعة عالية او تصوير صقر وهو ينقض على فريسته وهذا النوع من
الصور يحتاج الى سرعات عالية للغالق حتى يكون الضوس الذي يصل الى الحساس sensor فقط
لوقت قصير وبالتالي تتجمد الحركة.


اما عند ضبط سرعة الغالق على سرعة قليلة فان اي حركة اثناء التصوير ستتسبب بنوع من
الضبابية اBlurring.


وعموما فان التأثيرات الناتجة في كلتا الحالتين ستعطي نتائج جميلة لا يمكن للعين
المجردة ان تراها...


ملاحظة هامة: عند اختيار سرعة غالق قليلة فيفضل استخدام حامل لتفادي ارتجاج الصورة
وبالتالي حدوث ضبابية Blurring غير مرغوبة



ومن هذا نستنج ايضا ان سرعة الغالق لا تمكننا من التحكم بمقدار الضوء النافذ فحسب بل
انها تضع تأثيرات حركية للصورة ..~

/

تم بحمد الله !~


،
.
.

[مايهزك ريح]

ناصر عندي سؤال .. شو احسن عدسه للتغطيات .. مثلا عندك حفله ..او تخرج .. وبتكون في قاعه ..
الإضاءه نوعا ما تعبانه ..
شو العدسة المناسبه .. اذا بتكون واقف بعيد .. وشو الإعدادات للكاميرا ..

امسات كانت عندنا حفله في قاعه ..واختبصت .. وما عرفت اصور عدل ..
فأحين ابا اعرف كيف ..
عشان احتمال اتكون في حفله ثانيه آخر الشهر .. لتخرج ولد الرضيعه .. وابا اصوره ..وهو على منصة التكريم ..!
واسمحلي حشرتك ^_^

بس اسميه امسات شفت مصورين في الحفله كلهم عندهم .. D3 .. ومادري شو من العدسات عليها.. بس صدق كانوا شي ..
خذت رقم واحد منهم اسكتلندي .. بشوف اذا بيطيع يعطيني lessons !

[ذنـيـنـي]

ما في شي من عقب الـ 70-200 VR حق المسارح و حفلات التخرج و المباريات و الاماكن الي الاضائة فيها تعبانه


و اذا تبغي شي حق داخل البيت،،
17-55 او 24-70 f2.8

بس طبعا الاسعار غالية

عندي 17-55 و وزنها مع الكاميرا كيلوين الا ربع
وزنتها على الميزان و طلع وزنها 1780 جرام


طبعا سيجما و تامرون يوفرون بدائل "جيدة" للعدسات المذكورة بأقل من نص السعر لو كنت تبغي شي يأدي الغرض بكفائة و بتكلفة أقل

[ذنـيـنـي]

http://www.bhphotovideo.com/

مايد جان بتشتري عدسات خذهن من هالموقع

طبعا محل B&H معروف بأنه أكبر محل لمعدات التصوير في نيويورك و عنده افرع ضخمه في كل الولايات المتحدة


عدستي 17-55 سعرها في المحلات الكبرى 5800 درهم
من هالموقع طلعت علي بـ 4300

و طلبت حق ناس ضمن نفس الطلبية عدسة 18-200 بسعر 2400 درهم
و سعر هالعدسة عندنا 3600 درهم !!


طبعا ضمان عدسات نيكور عالمي،، يعني لا تخاف من مسألة الضمان

[ملاك الروووح]

دمعووووووووووووووووووووه

مشكوووووووووووووووووووووو ووووووووووووووووره فديتج ع الدرس الحلوووووووووووووووووووو

وايد عيبني

كثري منه دخيلج

حق اللي ما يعرفون شي ف أصول التصوير شراتي

[مايهزك ريح]

ناصر.. الأهل سايرين امريكا .. جان ما آخذ من هناك واطرش الأغراض على الشقه .. ^_^!!

انا الحين عايبتني وداخله مخي ..الـ 70 -200 .. 2.8 = 7055 درهم
وبعد ابا 24 -70 .. اليوم شفتها وطلعت هي نفس العدسه اللي شفتها عند المصورين .. وسعرها 7999 درهم
وحصلت الـفلاش SB800 ..بـــ 1450 درهم



بس تعرف انا حاليا ادور حد يعلمني .. اكثر .. محتاج دورات تدريبيه .. بس ما اعرف وين .. !