تعالوا نعلم بعض ونصـور ..

[صريح]

خيم التصويـر


من الادوات المهمه عندي فالتصوير .. خصوصا الماكروو
و اللي عنده معلومات اكثر عن الخيم يفيدني ويفيد الاعضاء










بعض الصور ع السريع عسب اروايكم كيف الصور يطلعن فالخيمه
السموحه ع ردائه الصور لانه ما خذنهن ع السريع و ما عندي عدسه ماكرو

الصوره الاول بعدسه Nikkor 50mm F-1.8D
الصوره الثاني Nikkor 18 - 135MM






نرضي جمييع الاطراف Nikon & Canon

[قرموشة]

^
لول هي جي تعجبني xD
حلوة هـ الخيم ! يبالنـا ون منهـم xD

[ذنـيـنـي]

ما يهزك ريح

العدسة الي فوق تعتبر غير عن الي تحت
12-24 تعتبر سوبر وايد آنقل و سعرها وايد غالي بصراحة
4675 مبلغ مب بسيط

مثل ما قلتلك عليك بـ sigma 10-20 و انته و الخير رباعه
و سعرها 1700 درهم

و لو تبغي عدسه بنفس مسوى النيكور عليك بعدسة اسمها توكينا 12-24
الشركه هذه مش موجوده عندنا لكن تقدر تطلب العدسة من النت

و تعتبر العدسة هذه من اجود العدسات و الي صمموها هم نفسهم الي صمموا عدسات نيكور


بس صدقني السيجما 10-20 بتبهرك بجودتها

=========


بالنسبة للعدسة الثانية

تعتبر هالعدسة عدسة ستاندارد و مثل ما تشوف العدسة هذه تتميز بفتحتها الكبيرة لكن ايضا سعرها جدا غالي
و ما في سبب في العالم يخليني اشتري عدسة ستاندارد بهالسعر و فوق هذا مافيها مضاد اهتزاز

يعني بالمختصر شل هالعدسات من بالك لأنها ما بتعطيك شي كبير مقابل المبالغ الكبيره الي بتدفعها فيها


صدقني يا مايد 18-200 و 10-20 و 50mm و الماكرو الي عندك يعتبرون عدة متكامله
و يبالك فوقهم فلاش sb600 or sb800

[مايهزك ريح]

لعوزتك ناصر .. بس انا من النوع اللي ما يقتنع بالراحة .. ^_^
لازم ادور وادور واتأكد انه هذا الأحسن عشان اقتنع واخذه ..

بس اتصدق طفرت من سالفة تبديل العدسات يوم كنت في الرحله الثانيه .. دخلنا حديقة الفراشات .. عقب دخلنا حديقة الطيور .. طلعنا منها دخلنا حديقة الأوركيد .. حسيت اني بنفجر .. اجلع هاي اركب الثانيه ..
وما شي وقت .. في كل مكان عندي نص ساعة بس احوط .. واصور .. وفي نفس الوقت احاتي هلي .. صدق اتبهدلت .. وما شي وقت اني ارجع مره ثانيه .. >_<




صريح فنانه الخيمه .. من وين شارنها وبكم ..لأني ابا وحده .. ^_^!!

[ملاك الروووح]

حتى أحبيت الخيمه ..

سو كيوت ..

وحبيت الليت بعد

أبا شراتها هالأبجوره ..

من وين ماخذنها ؟

تنفع حق التصوير والله

[صريح]

[ ما يهزك ريح ]


ماخذنها من محلات السلام .. سعرها 740 ..
و الحين عليها سييل سعرها 559
ماركتها Lastolite




[ ملاك الروووح ]


كل الابجورات من ايكيا

[مايهزك ريح]

انا وصلت ..
اليوم الصبح اشوف ويا الجريده .. بروشور مال شرف دج .. مسوين نتزيلات من 25 -50 %
وشفت من بين الأشياء اغراض الكيمره .. عدسات سيجما .. ترايبود .. case للكيمره .. وغيره وغيره ..
يبالي اسوي زياره دامني فاضي ..

[مايهزك ريح]

=========

و أبغي هالعدسة من كانون
طبعا هالعدسه تعتبر الفئة L و الي تعتبر افضل العدسات الي تصنع من قبل كانون
و تتميز بالخط الاحمر

ذنيني ..
ممكن بعض المعلومات عن هاي العدسه ..
وشو يقابلها من عدسات النيكون ..
لو سمحت

[ذنـيـنـي]

العدسه هذه تعتبر من الفئة L و الي معناها Lexury
و الي يميزها انه الزجاج الي تنصنع منه العدسات يعتبر من انقى انواع الزجاج
طبعا الشاربنس و التشبع اللوني ما عليهم كلام في هالعدسات
و وجود مثبت الاهتزاز فيها يعتبر ميزه رائعة

طبعا هالعدسه لا يوجد لها عدسة تقابلها من نيكور
لأنها تعتبر فئة بحد ذاتها، لأنه في هالعدسه تم التنازل عن الفتحه الكبيره 2.8
لكن ما تم التنازل عن جودة الزجاج و تم تزويدها بمثبت للصورة و هالشي يعتبر اضافه ممتازة

و الي اهم من هذا كله انهم عطوها مجال تغطية ممتاز و الحلو فيها انه مسافة الفوكس فيها قريبة نوعا ما و هالشي ممكن انه يغنيني عن شراء عدسة ماكرو >> هالشي في حالتي لأنه تصوير الماكرو ما يستهويني وايد و هالعدسة بتكون اكثر من كافية في اوقات الحاجة

[مايهزك ريح]

زين يعني 2 في 1 ..
انزين .. شو العدسات اللي عندك وتحس انهن اهم العدسات ..

[ذنـيـنـي]

انا عندي حاليا عدستين بالاضافة الى العدسة الاصلية الي ويا الكاميرا

الاولى هي سيجما 70-200 f2.8 و تتميز بفتحتها الكبيره و سرعتها و استعملها لتصوير السبورتس
الثانية هي سيجما 10-20 "حبيبتي" و استعملها في تصوير اللاند سكيب و استعملها يوم ابغي اصور بورتريتس اتضحك و بطريقة غريبه

[مايهزك ريح]

انا بس ابغي عدستين .. زياده
وحده منهن زوم .. ويالس اتشاور .. بين 18 -200 اللي حد يمدحها وحد يذمها .. وبين 70 -300 وكلهن VR
والثانيه .. ابا 12-24 من نيكور .. او 10 -20 من سيجما .. ( كنت محتاجنها في تصوير التوين تاور .. بس للأسف ما كانت عندي )
وجيه بتكون عندي معظم العدسات اللي احتاجهن ..

من غير الشنطه .. اللي تشل الأغراض كلهن .. وترايبود عدل مب المقرقع اللي عندي


وبسسسسسس

[ذنـيـنـي]

انصحك بـ 70-300 Vr

لأنه مداها ابعد و انته الردي عندك تغطية من 18-135
و الـ70-300 بتكون مكملة للعدسة الي عندك و الي اصلا تعتبر جيدة

بالنسبة للوايد آنجل عند السيجما اعرض من النيكور و هذا السبب اكثر من كافي لشرائك هالعدسه

يمكن تشوفني شوي متعصب لهالعدسة و وايد انصح فيها و طبعا عندي اسبابي
اولا الجوده الي بتحصلها مقابل الي بتدفعه,, العدسة بكل صراحه تسوى اكثر من سعرها مقابل جوداها
ثانيا ما اعتقد انه في سبب في العالم يخليني ادفع فوق 4000 درهم على عدسة استعمالها شبه محدود و بتعطيني نفس النتيجه الي بحصلها من العدسة الي سعرها اقل من نص سعر النيكور !!

ثالثا العدسة هذه اثبتت جدارتها و بقوة و اعرف الكثير من المصورين المحترفين يستعملونها نظرا لجودة عدساتها الداخلية و نظرا للحده و الالوان الجميلة الي بتحصلها من هالعدسة



لا تنسى الـ 50 mm سعرها في حدود الـ 500 يعني وجودها is a must for every photographer

[مايهزك ريح]

50 mm من زمااااااااان شارنها .. من اول ما قلتلي ..
عن عدسة السيجما ..
توه قالولي انه محلات السلام في وافي مسوين تنزيلات عليها .. بس ما ادري اذا هاي العدسة بالذات موجوده ولا لأ ..
ثانيا معظم العدسات مال سيجما اللي اشوفهن يكون الخط اللي فوق ذهبي ..
وانته قلتلي خذ اللي الخط اللي فوق احمر .. فما اعرف شو الفرق بينهن !
Please advice Me

[ذنـيـنـي]

الي عليهن خط ذهبي هي العدسات الممتازة من سيجما

انا نصحتك بالخط الاحمر في الـ70-300 لأنه ماشي 70-300 بخط ذهبي،، شي بخط احمر و بدون خط
الي بدون خط واايد تعيسه