تعالوا نعلم بعض ونصـور ..

[مايهزك ريح]

خيال الحب لا تغلط وتاخذ ترايبود كحيان .. خذ واحد زين مره وحده .. بو 60 ربيه ما ينفع ..
خذ قوم بو 400 ربيه ابرك لك ..


ذنيني .. اذا اتطورت باخذ الـ D 300 لأنه عندي عده نيكون ..
احلى شي فيها عايبني الفوكس بوينت 51

[ذنـيـنـي]

على فكره مايد هالميزة تعتبر ميزة تسويقية فقط
لا اكثر ولا اقل،، بل انها قد تعتبر مؤذية في بعض الاحيان لأنك يوم تبغي تسوي فوكس على شي معين راسك بيعورك من كثر النقاط الي لازم تختار منها

بس طبعا وايد اشياء ثانيه تشفعلها
و منها انها 6 فريمات في الثانيه و ممكن تزيد السرعه الى 8 فريمات في الثانيه لو ركبت عليها بتري جريب battery grip و بطارية نيكون D2X

و عندك الرزليوشن 12.3 ميحا بكسل

[خيال الحب]

انزين ياحلوين ..

وين هالمكان الي يبيع الترايبود .. يوم الخميس وانا رايح بوظبي بخطف عليه

[ذنـيـنـي]

ديره سيتي سنتر

شرف دي جي الي عند باريس غالاري في الطابق الثاني

[قرموشة]

حرام عليج الريال صوته بح وآخر شي تقولين D50 هاي للحين مانزلوها
حاليا بس عندهم 40D، جان بتصبرين جيه كم
سنه يمكن ينزلون 50D

ترى لين ما اتمكـن من اللي عندي ~ بينزلون الـ D50 ما عليك انته
مب ناويه عليها الحين ~ واايد awesome بالنسبه لـمستواي التصويري
.
.[/CENTER]

[ذنـيـنـي]

تم حجزها مع عدسة 24-105 هععع هععععع

أخيرا بمتلك عدسة من الفئة الفاخرة L و ان شاء الله ما تكون آخر عدسة من هالفئة
بس الحين انتظر رد شخص معين قالي بانه بييبلي خصم جيد على الكاميرا و العدسة

D=

[قرموشة]

نصووررركـــااااا | مبروك بن عمي تتهنـى بهـــا ان شاء الله ..
وعقبالنـا D=
.
.
حـصلت درس حـلووو ~\ وانا أتحـوط أمـس في موقع علي النعيمـي
كيف نخلي الشمـس على شكـل نجمـه
وااايد سهله الاعداااداات ..
http://www.aalnaimi.com/show_lessons.php?nid=1186787329

الكاميرا المستخدمة Canon 350D

.

ان شا ءالله تستفيدوون منه

[ايه احبك]

قرمش حولت ادش الموقع بسما رمت
راوينا عاد نتايج الدرس
--
انزين انا باستفسر عن هالصوره


عيبتني الونها مع العلم انه صاحبة الصوره تستخدم هال
كميرا Samsung <Digimax S1000 /

Kenox S1000>.

هالكاميرات السمسونغ زينات حق التصوير السريع و قوم بو الأنتي شيكنغ
او الصوره ملعوب فيها ؟؟

[ذنـيـنـي]

ايه احبك

دائما يقولون انه الخيل بخيّاله
و جمال الصورة يكون من الي ورا الكاميرا
مب من الكاميرا نفسها


===========

ما يهزك ريح

امس خذنا ترايبود من هذا الي يبيعونه في المحلات الكبرى

بصراحه واااااااااااااااااااااايد قووووووي
جد جد ترابود "جامد" بس مشكلته انه شوي ثجيل
لكن لو تاخذ نسخه الكربون اعتقد انه بيكون تماام "بس طبعا غالي الكربون"

بصورلك اياه يوم بسير عند كلكلوووش، لأنه هو صاحب الترايبود

[مايهزك ريح]

مشكور ذنيني .. خلاص اتريا الصور لأنه الترايبود اللي عندي لوعلي جبدي ..
خصوصا يوم كنت اصور التون تاور .. طفرت من كثر ما يهتز .. خرب لي كمن صورة ..

[ملاك الروووح]

اللللللللللللله

وايد حبيت الموضوع !!

واستفدت أحس وايد من المعلومات والدروس اللي حاطينها !!




صريح مب بس انته ميح في التصوير كلنا في الهوى سوى !



قرموشتي فديتها هاك اليوم علمتني بعد وايد أشيا ..



:

ثاااااااااااااااانكس حق الكل ..

تسلمون والله ..

وأكيد بنستفيد من هالدروس في التصوير


وشكر خاص لاستاذنا نصوركا أكيد

[صريح]

محلات السلام في بوظبي مول مسوين سييل على اغراض الكيمرات و عدسات Sigma
خصمـ 25% .. اليوم كنت هناك و خذتلي اغراض حق الكيمره
بالصراحه شي ما يتفوت .. الـ sale بس في بوظبي مول و لين اخر هالاسبوع

[خيال الحب]

^ هالاسبوع يمكن اروح بوظبي >>يمكن اخطف صوبهم

اخوي ناصر ع كم الترايبود؟

[ذنـيـنـي]

الترايبود بروحه على 485 درهم
و الراس على 193 درهم

طبعا في اشياء ارخص،، و اذا تحس انك ما تبا شي بهالسعر،، عليك بـ slik الي قلتلك عنه من قبل

[مايهزك ريح]

دار راسي .. يعني اي وحده احسن .. كـ wide angle



عدسة مميزة Super Wide Angle لتصوير الطبيعة و الزوايا الفنية
for crop sensor 1.5x only
NIKKOR DX 12-24mm f4G AF IF-ED SWM = 4675 AED


-


افضل عدسة Wide Angle لتصوير الطبيعة و غيرها و رائعه لتصوير الأشخاص
Best lens for crop sensor 1.5x only
NIKKOR DX 17-55mm f2.8G AF IF-ED SWM = 5835 AED