تعالوا نعلم بعض ونصـور ..

[ذنـيـنـي]

ايواااااا

و انا اقول اي مسيرة الي ترمس عنها لول

[مايهزك ريح]

ذنيني .. حصلت ترايبود نفس اللي عندك بس ماركة ثانيه اسمه benro عند المحلات الكبرى ..
جد سمعت عنه !

http://www.benro.cn/Product/1/pa4.html

سعره .. 479 درهم ..

http://www.benro.cn/Product/2/pb5.html
والراس ماله نفس اللي عندك ( كوره ) وسعره 206 درهم

[ذنـيـنـي]

هالماركه زينه

كلكلووش يمكن ياخذ من عندهم
بس الي عيبنا سعره الف و شوي لأنه مصنوع من الكربون

بس بالنسبة لي شخصيا افضل مانفروتو لأنه اكسسواراته متوفره بكثرة
و الترايبود الي عندي على خذ جائزة افضل اكسسوار لعام 2007

[مايهزك ريح]

مشكور ذنيني .. وانا بعد افكر آخذ نفس مالك لأنه تقريبا نفس الأسعار .. بس الزين في اللي عندك انه القواعد اللي يوقف عليهن احسن من بينرو .. احس به اوثق

العدسه اللي عندك 10 -20 امخلصه عندهم.. وب1660 استوت ..
بس انا بعد ابا الزوم 70-300 من نيكور واللي حصلتهن نوعين وحده ب628 بدون VR والثانيه 2550 بـVR
مب عارف آخذ اللي بـ VR والا العاديه لأنه وايد فرق في السعر .. !!!
شور عليه ذنيني ..

[ذنـيـنـي]

الي مع VR زينه لكن سعرها غالي
الي بدون VR جودتها مب بالمستوى المطلوب

شوف عمرك اذا وايد محتاج للزوم خذ الغالية
و اذا ما بتستخدمها وايد ما اشوف انه لها داعي و الي بدون VR بتأدي الغرض

[مايهزك ريح]

شكرا ذنيني .. ^_^
شكلي بحط بدجت 5000 وباخذ اللي في خاطري

[ذنـيـنـي]

اخويه مايد انته ناوي تحترف ولا التصوير عندك مجرد هوايه لا أكثر ولا اقل
لأنه اذا مش ناوي تحترف التصوير اشوف انه حرام تعق مبالغ كبيره على العدسات
العدسه الي بدون VR بتأدي الغرض المطلوب منها و بشكل ممتاز


لو انا مكانك بسوي شي واحد
باخذ عدسه 18-200 VR و خلاص
بفتك من الصدعه و من تبديل العدسات
و بكملها بعدسة 10-20 من سيجما
و الردي عندك ماكرو

بيبقالك فلاش خارجي

[المزوحي]

كيف أكون محترف في التصوير ؟؟؟

البدايات بدون سالفة الكاميرات الكبيرة هااي واس ال ار

[مايهزك ريح]

ناصر ..اني احترف هاي بعدني ما فكرت فيها .. !!
هواية لا اكثر ..

بس ساعات العدسه اتحدني من اني اصور شي اباه .. فأكتشف اني احتاج غيرها !!
يعني العدسه ام 18-135 ملوعة جبدي (الوحيده اللي زوم عندي ) ..
احس لو كنت شاري الكيمره بدي وخذت روحي عدسات ابرك .. >_<
بس اول ما خذت الكيمره ما كنت اعرف هالشي !!

لو ينزلون 18- 300 بدون ما افكر بشتريها ..

طيب سؤال هل 70 -300 الزووم قوي ولا احسن 18-200 .. لأني ما اعرف شو آخذ محتار ..

والبدجت اللي حاطنه عشان آخذ عدستين وريموت مع الترايبود ..
لأنه الترايبود اللي عندي وايد ممل .. ومب مستحمل الكيمره .. ويوم اصور وااااايد يهتز .. !!
ما حسيت بهالسالفه إلا يوم يلست اصور الألعاب النارية

[مايهزك ريح]

اي وااااحد احسن ^_^

هذا ..


ولا هذا ..

[ذنـيـنـي]

المزوحي

للأسف كل ربعنا يقولون نبغي "نحترف" بس بدون كاميرا كبيرة و هالشي شبه مستحيل
يعني كأنك تقول ابغي اكون سائق سباق محترف بس بدون سيارة سباق

في كامتينرا مب احترافيه لكنها فيها وايد ميزات مأخوذه من الكاميرات البروفشنال
الاولى هي كانون G9
و الثانية هي فوجي 9600

[ذنـيـنـي]

ما يهزك ريح البارحه كنت يالس اقرى ريبورت عن عدسه 70-300 VR

بصراحه ماااااااااااا عليها كلاااااااااااااام
فعلا عدسه ممتازة بكل معنى الكلمه

لو كنت استعمل نيكون جان خذتها بدون تردد

==============

الحين يبالك زوم تيليفوتو و انصحك بالعدسه الي ذكرتها فوق و بشده
و العدسة الثانيه خذلك سيجما 10-20 >> روعه هالعدسه
و عن الترايبود اذا ما تبغي تخسر وايد و تبغي ترايبود قوي خذلك ترايبود من ماركه SLIK
وااايد قوي و سعره حلو


بالنسبة للرموت

كل واحد له استخدام

في شي في الكاميرات اسمه BULB
و بهذه الوضعيه الشتر يتم مفتووح الين ما انته تحدد وقت غلقه بنفسك
يعني ممكن تخلي الشتر مفتوح لمده نص ساعه لو تبغي
هالشي بيكون صعب لو سويته بالرموت اللاسلكي

و في نفس الوقت اللاسلكي فليكسبل اكثر

شوف الي ترتاحله اكثر "الاعتمادية ولا المرونه" ؟

[مايهزك ريح]

ما عندي مشكله في السعر ذنيني يالنسبة للترايبود .. بس يوم سرت شرف دج حصلت جريب من الترايبود الي عندك وبدون الراس .. ما رمت اشتريه .. وكان اسمه 190 xb !

الريموت .. اذا استخدمت البلب ما بقدر استعمله ! يعني آخذ العادي بو واير !!

حاط في بالي 70-300 VR
+ 10-20 + ترايبود + ريموت .. ^_^!!

[ذنـيـنـي]

بتقدر تستعمله يا مايد بس بو واير شغله مظمون اكثر....عالعموم انته ما بتستعمله بالساعات، الوايرلس رموت بيكون افظل بالنسبة لك...... بالنسبة للترايبود امسات كنت ويا كلكلووش ندورله شرات الي عندي بس ما حصلناله كان آوت أوف ستوك

[مايهزك ريح]

ظنك اتوكل على الله واخذ الوايرلس رموت..

الترابود >> عشان جيه انا ما لقيته .. انزين الله يخليك يوم بتحصلونه قولي وين عشان آخذ لي انا بعد ^_^

واسمحلي لعوزتك ويايه