تعالوا نعلم بعض ونصـور ..

[ذنـيـنـي]

ركز على الخط الاحمر الي على العدسه،، لا يقصون عليك و يبيعون لك العاديه

[مايهزك ريح]

عدسات سيجما .. قالولي انها مب اوكيه ويا النيكون .. يعني سالفة الألوان .. ما تكون الألوان زينه ..

هذا طبعا اللي قالولي اياه اللي يستخدمون نيكون والله اعلم .. !!!!!!

بالنسبة للترايبود .. هل في معيار خاص عشان اشتري ولا حيالله واحد والسلام .. ( انا خذت من كارفور ترايبود بس وايد ثجيل .. )
<< العربي مقطع بعضه

[ذنـيـنـي]

انا اعرف وايد ناس يستعملون السيجما مع النيكون و مافيها مشاكل
و اذا عن الالوان،، خلنا نكون شوي واقعيين،،
نحن دااائما نعدل الالوان بالفوتوشوب،، حتى لو تعديل خفيف!!
حتى مع عدسات النيكون او الكانون
============

و ثانيا،، العدسات الممتازة من كانون مستواها ما يقل ابدا عن مستوى عدسات النيكون او الكانون
بالعكس بتعطيك قيمه افضل لفلوسك

ربعي فازوا بجوايز بعديات سيجما،، سواء على مستوى العالمي،، اخويه عارف العارف من قطر فاز بجايزه العام في 2006 في مجال التصوير الرياضي في فيينا و العدسه المستعمله كانت سيجما

كلكلووش فاز بعدسه سيجما 70-300
شرات الي حطيتلك اياها في ردي الاخير

===========

اذا عدسات نيكون جودتها 100%
عدسات سيجما جودتها 95%

و هالشي مب مستاهل انك تدفع دبل السعر عليه او اكثر من الدبل
ولا شو رايك بو مييد

[ذنـيـنـي]

و عن الترايبود

طبعا الترايبودات مال كارفور ما تنفعنا لأنه نحن نستخدم SLR
و من تحط الكاميرا العوده عليه بتحصله يرتقل و يتنافض
هاك مصمم للكاميرات الصغيرة

يعني انا عن نفسي مستعد ادفع 500-600 درهم على ترايبود محترم و heavy duty و يعيش وياي سنين ولا اني كل شهر اشتري ترايبود رخيص و ينكسر او ينعوي عندي


سير شرف دي جي و شوف ترايبودات مانفروتو او سليك
غالية لكن جودتها عالية

[تحفه]

ذنيني انا ابدن ماستخدم الفوتوشوب يوم اصور صور نفس الناس =/
ومادري ليش بس احس الصوره من دون فوتوشوب في عيوني تكون احلى

[مايهزك ريح]

والله مادري .. شورك وهداية الله .. بشوف شو باخذ ..

عن الترايبود .. المشكله اني ما كنت ابا آخذ من كارفور بس يوم سرت جمبو كانوا مخلصينهن .. والمحلات الكبرى بعد نفس الشي ..عشان جيه اتدبست في هالترايبود .. بس نفس الترايبود يبعونه في شرف دج ..
اللي عندي اسمه vivitar >> VPT 1200 >>



شو رايك ابدله واخذ واحد ثاني ولا هذا زين .. لأنه انا ما عندي خبره في هالأشياء ..

احس اني صدعتك .. ما عليه استحملني .. ما عندي غيرك اسأله في هالأشياء

[ذنـيـنـي]

اليوم خذت ترايبود يديد


مانفروتو 190 اكس برو

خذت الترايبود بروحه و الراس بروحه




ممكن احط القطعه الي في النص بشكل افقي و هالشي بينفعني في تصوير الماكرو




الراس عبارة عن ball head
و وااايد مرن و اقدر احركه على كيفي و ينرص بسرعه





=====================

و خذت عدسة يديدة

سيجما 10-20 super wide angel




و هذه نتيجتها شوفوها كيف تعطي زاويه عريييضة

[ذنـيـنـي]

ما يهزك ريح

انصحك بترايبود اسمه SLIK 400 pro
او SLIK 500 pro

سعر الاول 280 و الثاني 325
الترايبود تحسبه وثييج و قوي
===============
و اذا تبغي شرات الي خذته،، سعر الترايبود بروحه 516 درهم
و الراس بـ 216

و طبعا تقدر تاخذ الراس الي تباه و الي يناسبك
شي راس فنان اسمه جويستيك هيد

شرات الجوي ستيك مال الاتاري لول

بس انا عيبني الي عندي اكثر
هذا يتحمل 2.5 كيلو
الي عندي يتحمل 4 كيلو و انا مشكلتي انه عندي عدسه ثجيلة شوي،، فـ فضلت
ball head




هييه صح،، سألتلك عن العدسه

سعرها 700 و شوي على ما اذكر عند شرف دي جي

[مايهزك ريح]

اولا مبرووووك على الترايبود والعدسة اليديده ..
ثانيا مشكووووووووووووووووور .. على المعلومات ..
شرف د ج عدالنا في التايمز سكوير .. بحاول امر اليوم واشوف التريبودات ..
عندي عدسة الماكرو وايد ثجيله ..وبعد ويا الكيمره .. تستوي رصاصه .. شكلي باخذ الأقوى ..
بس عيبني مانفروتو لأنه تقدر تخليه افقي .. يوم ايي اصور بالماكرو ايدي تتكسر من الثجل ..



سؤال .. يديد .. شكلك بتشرد .. O_o
لو بغيت اسوي استوديو صغير وبسيط .. في الحجرة عندي عشان اتعلم عدل على الكيمرة ..
شو الأشياء اللي تحس اني بحتاجها ..

[ذنـيـنـي]

عدسة الماكرو مب وايد ثجيله
عيل لو مستخدم الـ 70-200 الي هي "أخف الثجال" شو بتسوي
ولا عدسه 50-500 هاييج صدق بتجلع جتفك

سألتني السؤال الي ادور اجابته خخخخخخخ
بصراحه ما اعرف حق سوالف الاستوديوهات

[مايهزك ريح]

تميت ادور في السايتات .. وما شاء الله وايد حصلت افكار ..

http://store.tabletopstudio-store.com/clacri.html


بس تتوقع هالأشياء يبيعونها عندنا .. ادخل السايت عشان اتعرف عن شو اتكلم ..خخخخخخ

وهذا بعد اوكيه .. كورس في الإضاءة والتعامل مع الكيمره ..
http://www.shortcourses.com/tabletop/

وهذا بعد فيه اشياء ..
http://www.sharpics.com/Products/photo_studio.html

بعد هذا فيه معلومات وايده .. من الصبح يالس اقرا .. لأنه ما عندي شغل .. مخلص كل شي ويالس ..
http://photo.net/learn/studio/primer

واذا حصلت شي زياده .. بعد برد أحط ..

[مايهزك ريح]

عدسة الماكرو مب وايد ثجيله
عيل لو مستخدم الـ 70-200 الي هي "أخف الثجال" شو بتسوي
ولا عدسه 50-500 هاييج صدق بتجلع جتفك

مادري اللي عندي اثجل من الكيمره .. وحتى من العدسة الثانيه ..

[مايهزك ريح]

Using Your Digital Camera
A Guide To Great Photographs
كورس ..

http://www.shortcourses.com/use/

[مايهزك ريح]

حلو للي عندهم نيكون D80 >>

http://www.nikondigitutor.com/eng/d80

tutorial بالفيديو عن استخدام كيمره .. بمعظم الخصائص اللي فيها ..

[تحفه]

احب هالموضوووووووووووع