تعالوا نعلم بعض ونصـور ..

[ذنـيـنـي]

العجيبة

كل عدسة تحتلف عن الثانية في عدة امور و منها
- حجم فتحة العدسة،، كل ما كبرت الفتحة كل ما غلا سعرها و اصبحت تصنف من ضمن العدسات البروفشنال
- نوع الزجاج المستخدم يأثر بشكل كبير على جودة العدسة

على سبيل المثال

شوفي العدسة الي ختها بنت ناس و عرب
مكتوب عليها حرف الـ N و هالشي معناه انه عدساتها الداخلية مطلية بطبقة من النانو كرستال و هالشي يقلل من الانعكاسات و التوهج الغير مرغوب فيه لكن طبعا يزيد السعر بشكل كبير

- جسم العدسة،، توجد عدسات بجسم معدني و صلب و مقاومة لعوامل الطقس
و يوجد عدسات بلاستيكية رخيصة و زجاجها الداخلي "مش حالك" و فتحتها صغيرة

بالمختصر يوجد عدة عوامل تحدد جودة العدسة و سعرها


اتمنى انه اكون قدرت اوصل الفكرة و لو بشكل بسيط
=)

[ذنـيـنـي]

البرقع

الله يعطيج خيرها و يكفيج شرها
عدسة من اروع ما يمكن D=

[بنت ناس و عرب]

شكرا شكرا

[خيال الروح]

بنت ناس وعرب ..

مبرووك على العدسه ^^

[بنت ناس و عرب]

الله يبارك فيج ... عقبال SB900

[بنت ناس و عرب]

[دمعة عين]

[ذنـيـنـي]

That IS HOT lol
الله يباركلج فيها
نتريا النتايج

[ايه احبك]

بليز ساعدوني بليز
كميرتي الجي 9 طاحت من عندي والظاهر انه مكان الشتر والأون والاوف اتحرك مب طايعه تعتدل شو اسوي وين اوديها او اعدلها بليز ساعدوني
:*_*:
:(
=(

[ذنـيـنـي]

وديها الوكيل المتاجر الوطنية

اتصلي فيهم و اسأليهم عن موقعهم

[ذنـيـنـي]

دمعة عيين

لو سمحتي يعني
انتي كانونية،،
عندج المارك 3 و الفايف دي تغزلي فيهم على راحتج


النيكون مالكم خص فيها p=

[دمعة عين]

^
مآأقدر هآي من بني عمنى . . !
من شفتهآآ هآك اليوم في المحل وآنآ هآوتنهآآ ..

بس حرآم آخذهآ وأنآ إلا هآويه ، هآي حق المحترفين . . !!
يعني بيزآتهم مآبتروح ع الفآضي . . بيعوضونهآآآ بالصور إلي بيبيعونهآآ ..


كآنونيـَـه وكلي فخـَـر
> عآآآآآآآآآآآآآآآشووو هع
،
.
.

[رمــش الغـــلا]

مرحباااا ...~


بغيت أسألكم ؟؟ ربيعتي ماخذة نيكون دي 60 امس

ويوم اتصور الصور كلها مضببة ..!!

.
؟

ضبطت السيتينق بس بعدها الصور نفس الشي ...!

بليييييييييييييز ردوا as soon as possible ...~

[مايهزك ريح]

اعتقد انه هالكاميرا ..كمن عدسة ما تتوافق وياها واتكون الصور اوت اوف فوكس .. !
لها عدسات معينه تركب عليها وفي عدسات ايكون الفوكاس مانيوال لازم تظبطه روحها !

شو العدسة اللي عندها !

[ذنـيـنـي]

صح كلام مايد

الدي 60 و قبلها دي 40 و دي 40 اكس
كلهم فيهم هالشي،، بعض العدسات ما يشتغل فيها الاوتو فوكس
لازم الفوكس يكون يدوي