تعالوا نعلم بعض ونصـور ..

[المزوحي]

بنت الدلع، بس ما اتحسين إنه الآدمي بيكون عملاق، بسبب إنه يصور من الريل ... :)

خلاص كله بسوي جيه

[العجيبة]

بنت الدلع، بس ما اتحسين إنه الآدمي بيكون عملاق، بسبب إنه يصور من الريل ... :)

خلاص كله بسوي جيه

عادي يصورون من تحـت ( زاوية العظمة ) أو عين النملة

لكني شخصيا ما أحب الاوادم يتصورون بهالطريقة ، أحس تعطي احساااس بان هالانسان متكبر او حاجة زي كده

لكن لتصوير شجرة مثل النخلة ، أو مبنى عالي ، أو أشياء ثانية ، تظهر الصورة وايد حلوة .....

[ذنـيـنـي]

الله يبارك فيكم




المزوحي

مثل ما قالت بنت الدلع,, عشان يظهر المنظر الي وراهم بالكامل

[دمعة عين]

اتذكرت أخوي .. كله يقول تبون الصوره تطلع حلوه ..
انسدحوا ع الرمل .. وبيظهر كل شي أوكي لول .. !

هع وتراني أطبقها .. وكل شي يكون أوكي .!
*.. مبروك ذنيني ، أحس النيكون حق إلي يحبون يطلعون الصوره من دون تعديل
وانته منهم لول ..*
،
.
.

[المزوحي]

ذنيني كل ما اشوف كاميرات البروفشنال ابغي اشتري، لكن ماعرف اصور

[ذنـيـنـي]

مثل ما تصور بالصغيره صور صور بالعوده

ما يبالها شي

[ذنـيـنـي]

هالموقع واايد حلو لكل من يبغي يتعلم اساسيات التصوير بطريقة حلوة و مبسطه

http://web.canon.jp/imaging/enjoydslr/index.html

[المزوحي]

ذنيني .. ماشاء الله عليك انته وبعض من الاعضاء الشباب والبنات، يوم تصورون في انتقادات أحيانا

وين نحن ؟؟

بس إن شاء الله بتعلم، مشكور على الموقع

[مايهزك ريح]

مبروك ذنيني على الكاميرا اليديده .. وحياك ويانا .. استويت نيكون user =)

[ذنـيـنـي]

اليوم استلمت المحروسه

صدددددددددددددددق كاميرا بكل معنى الكلمة

بختفي عنكم كمن يوم و عقب براويكم نتايجها p=

الاسطوري
بعت كل شي كانون

[صريح]

مبررروك نصووووور

يعطيك خيرها و يكفيك شرها

شو من العدسات خذتها ويا الكيمره ؟



::
:

اليوم صاحبك متصل يتخبرني عن الـ D300 و D80
مادريبه اذا خذها و لا لا .. يوم اتصلبي كان فالفلك

[ذنـيـنـي]

ههههههههههههه

ترى الصبح كان متصل فيني يسألني عن الدي 80
هو يسأل عن الصغيرونه و انا امدح العوده لول

اشوفه فليل متصل من الفلك و يقولي حصلتها على 7200 بس بضمان المحل p=
لا ما خذاها


ياخي العده الي عندي اغرب عدة في العالم !
فيش آي و ماكرو و 80-200 !

و ما عندي عدسة ستاندارد لول


مرات افكر صدددق اعميييها و آخذ 17-55 2.8
بس غميضه ياخي !
على 4800 في النت و عند الوكيل بـ 5400 درهم "على ما اذكر"

احس حرام

مرات اقول باخذ 18-200 بس اغير رايي لأنه مجالها وايد كبير و الكواليتي يقل مع كثرة العدسات الداخلية
مرات اقول باخذ سيجما 18-50 2.8,, وايد يمدحونها و يقولون انها شارب
مرات اقول باخذ 18-70 او 18-135 من هاييل الي يشلونهن من الكت


مب عارف مب عارف مب عارف =(

[الـيـاه]

^

مبرووووووووك نسوووور

أنا بعد باخذ nikon d300 حق السفر تعبتوني نفسيا ً لول

[ذنـيـنـي]

Yahoo !

الله يبارك في حيااااتج
عقبالج مع اني ما انصحج فيها لأنها وايد متعبة و ثجيلة
احسبها كاميرا رجالية لول

كيمرتج وايد فنانه،، و اذا تبغين تغيرينها تريي بديلتها
بطرشلج اياها بالبريد على طول من مكتبنا عسب تجربينها p=

[مايهزك ريح]

ذنيني .. على العده اللي عندك بس ناقصتنك العدسة الستاندر .. وهي اكثر وحده اتخلي الواحد يحتار شو ياخذ !

http://imaging.nikon.com/products/im...lens/index.htm


انزين سؤال عن الـ Monopod شو رايك فيه هل جربته ... وشو استخداماته !