تعالوا نعلم بعض ونصـور ..

[مايهزك ريح]

في معرض للتصوير في قاعة المؤتمرات رقم 1 في المعارض ( المركز التجاري )
وبينتهي يوم الخميس 10 - 4 .. ويبيعون فيه اغراض الكاميرات وفيه ورش ..
اللي يعرف معلومات ازياده .. لا يبخل علينا

[مجموعة إنسان]

والله ماعرف عنه

صح مايهزك ريح ليش ما تشارك في مسابقة نور علي للتصوير؟

[بنت الدلع]

مرحبااا ,, احس مايناسب اكون في هالموضوع لول

انزين يا حلوين
انا ابا اخذ كاميرا
وطبعا أكيد نيكون
بس احس دي 80 استوت شوي جديمه

في شي يديد منزلينه من نيكون
فكرت في نيكون دي 300 بس احس انها "شوي" توو مج
( من ناحية الحجم )

فشو رايكم ؟

[بنت الدلع]

وغير عن جي
مابا شي واااايد مكلف
عدسات الدي 300 وايد غلّي

[مجموعة إنسان]

بنت الدلع

اتري شوي وبتنزل canon يديده
نسيت اسمها
اضن d450
وااااااااااايد حلوة
وسعرها فيها

يعني ما بتندمين لو اخذتيها

[بنت الدلع]

بس انا مب من عشاق الكانون >.<

يمكن تحس انه هالشي مايعطي اهميه وايد

بس الي في بيتنا كلهم من مستخدمين النيكون
ولو خذت كانون مابيمدحونها لي

توه سئلت اختي قلت لها كانون عادي اخذها؟
قالت لا
كانون عاديه مب بفخافة نيكون

انا عندي نيكون بس اختربت وما صلحتها بس خلاص استوت جديمه

عسب جيه ابا نيكون

[صريح]

استخدامج داايم للكيمره ولا حسب المزااج ؟

[بنت الدلع]

حسب المزاج
in a way
i'm inerested in photography
احب اقرا الدروس احب اتأمل الصور واحب افكر في اللقطه وزاويتها قبل لا اصور

بس مشكلتي استحي اصور في اي مكان
يعني مثلا لو سرت جميرا بستحي اشل الكيمره واصور جدام الخلق

ولو سافرت ما اقدر اشل كاميرا بهالحجم لانها مب وايد عمليه في المشي والتنقل وهالاشيا

[تحفه]

مافي شي يسمونه تومج من ناحيه الحجم بنت الدلع

D200 فنانه .. فكري فيها بعد.....

[تحفه]

لاماعليج لاتستحين ... قوي ويهج نفسي D:

[صريح]

عيل ما تفيدج الـ D300 ..
حرام تدفعين عليها فلوس و اغلب الوقت محطوطه فالبيت


خذي الـ D80 ... صح نازله من سنه و شي بس مواصفاتها فيها
و سعرها مناسب + عدستها وايد حلوه



شي هالكيمرات اليدايد من نيكون D40 and D40X - D60 الـ D60 نازله من فتره قريبه

بس حاسبي هالكيمرات اليدييده كلهن Auto Focus only for AF-S or AF-I lenses

doesn't have an built-in focus drive motor
which means it can auto focus only with lenses which have their own drive motor (AF-S and AF-I lenses).



يعني ما ترومين تستخدمين عدسات النيكون اللي يركبن على الـ D70, D80, D200,D300


و انتي تقولين كل اللي فالبيت عندهم نيكون فـ برااي تاخذين الـ D80 عسب تقدرون تتبادلون عدسات
او تأخذين D300 الـ body بس و تستخدمين العدسات اللي عندكم فالبيت


و فالنهايه شوفي الكيمره اللي بتعيبج و خذيها
و اي شي ثاني انا حاضر
^_^

[بنت الدلع]

تحفه
انا بالنسبه لي عندي شي اسمه توو مج من ناحية الحجم ^_^
يعني ماباخذ شي احسبه ثجيل علي وما اقدر اتم ماسكتنه وايد واصور
(الحجم المناسب دي 80 استخدمتها كذا مره واحسبها مريحه)

لازم ون دي بيخوز المستحى XD

---

صريح
عيل هالكاميرات ماينفعن
لاني احب اتحكم في الفوكس
يعني ابا شي يكون مريح في التصوير ومايكون عندي اي عائق

يبالي أسأل اكثر عن الدي 200
بس شو الي تميزنها عن الدي 80 ؟

تحفه & صريح شكراااااان ماتقصرون =)

[تحفه]

هي صح مافي شي "جديم"!!

مادام الصور تطلع فنانه مافي داعي ادورين كل ماهو يديد!

انا بعدني عل دي سفنتي اس وما افكر في غيرها :S والخيار لج طبعا

[تحفه]

دي 200 قوو!! اختي ماخذتنها وصورها اتينن

[بنت الدلع]

انا اقصد جديم يعني جديم
بروفشنال اس ال آر بس قوم بو فلم
تصويرها واايد حلو والصور صدق تطلع بيرفكت بس هالكاميرات استوت مب عمليه هالايام
شغلانه سيري الاستيديو وحمضي او حطي الصور في السيدي