تعالوا نعلم بعض ونصـور ..

[ماوحشتك]

الاسبوع الي طاف رحت خذت عدسه


SIGMA 50mm F2.8 MACRO
وخذت وياه فلتر بعد ويه العدسه بـ 1000

هو الفلتر روحه ب 50 يمكن قتله باابا ما لازم لول
وما كنت فايجه له بعد اخليه ينزل زياده



و إيدي كلتني ما قدرت ما ابطلها لول


خذتهن مايكرو دجتل الي فمول الامارات
بس مب لي هديه
خخ عقولة خواتي انتي اخذيلج اول عدسه بعدين قعدي اهدي الناس عدسات

[ذنـيـنـي]

ما وحشتك

حلوة العدسة,, ربيعي عنده شراتها و نتايجها روعة


شي عدستين بعد غير الـ 50 ماكرو من سيجما
عندهم 70 ماكرو
و 105 ماكرو

[ماوحشتك]

هلوو ذنيني
ادريبها حلوه لول

وانا شفت الـ 70 و 105 بس مخليتهن حقي بخذهن بعدين(وحده منهن يعني) لول
يوم بيـتعدل مزاجي وبتفيـج بروح اخذ لي العدسات مأجله هالسالفه احينه احس ماشي وقت

وبعد غيـر يوم تاخذون الشي بمـزاج

[ايه احبك]

مبروك ما وحشتك نبي انشوف نتايج هاي العدسه XD
زعتور مرات لسانه يصير طويل -_-

[قرموشة]

^
لوول حـرام .. زعتوور أكثر انسان كووول قابلته واشتغلت وياه xD وايد فنان هـ الانسان واسلوبه بعد حلوو ماشا ءالله
احترمـه وايد وااااااايد واااااااااااايد D=

[ذنـيـنـي]

بقولكم شي ما بتصدقونه

قررت رسميا اني احول الى نــيكــون !!

في كميرا اسمها D300 لعنت خييييييييييري و خبلتبببببببببببببي و قمت احلم فيها 24 ساعة
لدرجه اني في الدوام حاط صورتها كـ خلفية لول
^هوسوا على اللينك"D300"

ما يهزك ريح
صريح
لماح
ما وحشتك
الياه
شمعة امل

بترحبون فيني في فريقكم ولا اتم ويا قوم بو الكانون

[خيال الروح]

بقولكم شي ما بتصدقونه

قررت رسميا اني احول الى نــيكــون !!

في كميرا اسمها D300 لعنت خييييييييييري و خبلتبببببببببببببي و قمت احلم فيها 24 ساعة
لدرجه اني في الدوام حاط صورتها كـ خلفية لول
^هوسوا على اللينك"D300"

نفس حالتي قبل ما اشتريها ..

[ذنـيـنـي]

شو رايكم فيهااااا
خبال "لاااه"

[المزوحي]

صدقني نصوور لو اعرف في التصوير بشتريها لو غاليه ، انا جيه الصراحه ..

بس إذا بيفدونك الجماعه ..

[صريح]

صدقيني ما بتندم يا نصوور


رووحك بتقوول انا ليش كنت استخدم الكانون لول .. اسأل لمجرب ولا تسأل طبييب

[ذنـيـنـي]

بداية الغيث قطرة

كنت شاري عدسات من ربيعي بسعر حلو على اساس اني ببيعها
بس قررت اني اخليها لنفسي D=

نيكور 70-200 f2.8
نيكور ماكرو 105 f2.8
سيجما فيش آي f2.8


الحين محتار في العدسة الستاندارد

صرّوح شو رايك بالـ 18-135 ؟
ولا آخذ 16-85 VR اليديدة

[ذنـيـنـي]

خيال الروح

انا صدددددق بتخبل !
المصيبه اني مطلع موتر يديد و تامينه خذ نص الراتب لول
يعني لازم اتريا الين الشهر الياي
الا اذا استوت معجزة و طلعتلي 8000 من تحت الارض لول



انزين شو رايج فيها،،
شو اكثر شي تشوفينه مميز فيها

شو من العدسات عندج ؟

[خيال الروح]

خيال الروح

انا صدددددق بتخبل !
المصيبه اني مطلع موتر يديد و تامينه خذ نص الراتب لول
يعني لازم اتريا الين الشهر الياي
الا اذا استوت معجزة و طلعتلي 8000 من تحت الارض لول



انزين شو رايج فيها،،
شو اكثر شي تشوفينه مميز فيها

شو من العدسات عندج ؟

انا اشتريتها من السعوديه لانه في الفتره الى كنت اباها ما كانت موجوده في البلاد ..
وطلبتها من المحلات الكبرى بس اتاخرو علي
فخذيتها من السعوديه ..

هي وي العدسه طلعت ب 8450

العدسه الى عندي الحين NIKKOR AF Nikkor 50mm f/1.4D

وناويه اشترى عدسه هالشهر بس بعدني محتاره .. لاني ابى عدسه تكون شامله

وبالنسبه للصور .. بصراحه ما عليها كلام ( حتى الى ما كان يحب يتصور من الاهل قامو يتصورون الحين )

وما شاء الله عليك تعرف المواصفات أكثر عني ,,


ومبروك مقدما لك ولصريح ..

:

[صريح]

الـ 18-135 .. عسسل

و اغلب صوري بهاي العدسه .. و تنفع لكل شي

حتى احسها احسن عن الـ 18 - 200 .. من ناحيه العزل و الـ Sharpness



و انا بعد انتظروني بالـ D300 قريبا ان شاء الله

[ذنـيـنـي]

لا تقلدني ولا تراني بتهور و باخذ D3
لول



تدري انه D300 أحسن من الـ D2X و اسرع
الدي 300 ركب عليها grip و بطارية D2x و بتزيد سرعتها من 6 فريم في الثانيه الى 8 فريمات في الثانية
و يقولك الدي 300 تقدر تصور فيها الف صورة مقابل 350 صور بالدي 200 بالبطارية الوحده "الستاندارد"

و عيبتني فيها ميزة التحكم بالفلاش الخارجي وايرلس
بدون ما تركب القطعه فوق شرات الكانون >> موجوده في الدي 80 بعد


عيل تقول 18-135،،
الريال قالي انها على 1200 درهم