السلام عليكم والرحمة
في بعض الأحيان يفكر الشخص في اشيا ما تـستاهل التـفكير والتأمل فيها بس نحن مرات نتعمق في الموضوع أكـثر بشكل أكبر ألييين ما نتوصل لأستنتاجات عجيبه غريبه وأسئله غبيه مالها إجابـه.
يقولكم هالحاله مـرت على تنيـنه في الجامعه؛ بعد ما سارت الكافتريا هي وقلب دبـي وخـذوا غداهم سـاروا ييلسون يتغدون
تـعرفون بعد الواحد يوم ييلس يتغدا في جامعتنا ويالله انـحصل أكـل حلو ينأكلوبعد تأثير كلاسات الصبح والملل والجو العام المحيط بـ الجامعه في كل بقعه هندي ياا يالس يصبغ أو يالس يعدل ويسوي خخخ
؛؛
المهم كان شي حذالنـا باب زجاجـي عـاكـس ؛؛
وانا يالسـه اتغدا أجوف القلب يالسه اتجوف انعكاسها ويوم صديت صوب الباب ما جفت عمريي 0.0 ؛؛ وعقب صديت على القلب وقلت لها اوييه انا ما جوف انعكااسي ع الباب ؛؛ جان تضحك واتقولي تنيينه عيل انتي دراكولاا من فصيلة مصاص الدماء؛؛
قلت لها هاا شووو دراكولاا ليش شو يـخصـه؛؛
قالت لي اونـه تنينه ما اتعرفييـن هالشي بأنـه دراكولا ما يروم يجوف انعكاسـه في المرايـه ؛؛
تنينه استغربت وانصدمت واستوى ويهها جي
وعقب قلت لها شو السالفـه ومنو قال هالشي !
القلب: هـاي أسطووره ما ادري قصه خرافيـه ومعرووفه بأن دراكولا ما يروم يجوف عمره في المنظره وحتى في الرسوم كانوا يراوون ويذكرون هالشي؛؛
تنينه منصدمـه حليلها وبـدى عقلها الباطـني في التفكير: بس ليش دراكولا ما يقدر يجوف انعكااسـه في المرايـه ليش يعني ما يقدر ؟
القلب: لأنـه اللي اخترع شخصية دراكولاا هـو وصفه بهالطريقه وخلااه جيي ؛؛
تنييينه تمت اتفكر واتفكر:: بس شي غريب جداَ يعني ليش ما يقدر يجوف انعكاسـه ليش دراكولاا مب صدقـي !
اهني طفرت القلب : أكـيد شخصية الدراكولا مب صدقييه شرات شخصية التنيين !
تنيينه : لييش شخصية التنيين مب صدقيـه ؛!
القلب : هيي مب صدقيـه؛ كيف كائن جي !
تنينه : لييش شدرااج يمكن صدقيـه ؛؛ وانـوجدت قبل بلاايين السنييـن بس ما تـم لها أثـر أو عـظام شرات الديناصورات يعني لولا آثار الديناصورات وعظامها جان ما عرفـنا عن الديناصورات وتاريـخها ؛؛ بس التنيين للأسـف انقرض وما تـم لـه أثـر !
القلب : تـضحك : تنيينه شو تستهبليين الكل يعرف انه التنين كائن خرافي من الصين ؛ وأصلاً بالعقل لو كان موجود قبل كيف قدر يطييير وهو بهالحجم !
تنيينه : انزين حتى كان شي ديناااصورات أطـير !
القلب : انزيين اللي كانوا يطيرون كـانت أحجامهم صغيره مب كبييره واايد شرات التنيين !
تنينه : امبلي شي اللي أحجامهم صغيره وشي الكبيره ودام جـناحه كبير بيقدر يطير التنين عادي يوم جـناحـه أكـبر عن حجمـه شوي !
القلب طفرت وبغت تنفجر : موووول ما تقتنع هالبنيـه !؛
وجان تستوي الساعه 3 وبدى كلاس القلب ؛؛ راحت القلب كلااسها وانا تميت طول اليوم أفـكر هل التنين صـدقي وكان موجود والدراكولا ليش ما يقدر يجوف انعكاسـه ع المرايا !
ومازالت أسئلتي حاائره في عقلي تـبحث عـن إجابه؛؛
تنون دراكولا
رد مع اقتباس
؛؛ 
المشاركة الأصلية كتبت بواسطة تنينه
؛؛ وعـن الضرب تـرى قلب دبي بالـهااا واايد طوويل حليلها 
مواقع النشر (المفضلة)