المجموعة الكلكلوشيه الاولى

[كـلـكـلـووش]

الـســلام عــليــكم

هــذي اول مجموعة صور لي خذتــها اليــوم ..

اتـمنى انها تنـال عــلى اعــجابــكم ..

حــاولت اعــدل الالوان بالفوتوشوب .. بس مثل ما تعــرفون ان عــلاقتي بالفوتوشوب مب لين هـناك .. .. حتى الـصور صغرتها و كتبت النك عليها بالبيـنت .. بس لا تضحــكون

و مــع الــصـــور






( راح فيها الطير)





رايــكم و انتـقــاداتـكم تهــمني ..

ســلام
كـلـكـلـووش

[بنوتة جميرا]

اخر صوره عيبتني اكثر شي
شكرا كلكلوش ع الصور

[مــهــابه]

وعـــليكم الســلام والرحمـــه أخويــه كلكلوش




حـبيـت كـل الـصور ،

بس الأخيــرة لـوول حسيـتها تخـوف شويـه


بشكـل عـام ، الـصور حلــوة

ولأنـها أول محــاولـه ، اعـتبرهـا صور مميـزة


أن شـاء الله مـاتكون أخر مجموعه كلكلوشيــه ، ومـن تـميز لـتميـز



وبـالـتوفـــيج أن شـــاء الله

[الـيـاه]

اوه اوه لا ماصدق ! كلكلوش يصّور من وراااانا ؟

بما أنها أول تجربـة
فـ هي حلوه لكن فيها وايد ملاحظات ههه والألوان باهته شويه .. بس وااااايد زين يوم أنه أول مره جي

أنا عيبتني الأولى والثانيــه بس مره ثانيـه لا تستخدم الـ بينت .. لانه يخرب الصوره ( يشوشها )

وتسسسسلم عدستك

[تنينه]

ههههه والله واتـطورت العزبـه عقبالنا إن شااء الله ؛؛


حبيييت أول صـوره حلووواه صدق والفووكس حلوو ؛؛

موفج إن شااء الله

[الاسطوري]

وعليكم السلام ..

"كلكلووش"

ماشاء الله على طول نزلت الصور وأنا أتحراك تسولف يوم قلت لي الصبح إنك بتحطهم ،، صور
حلوه كـ بداية بس عليهم ملاحظات عديده وإذا كنت ناوي تستمر فـ أنصحك تقرا
وايد وتتعمق في الأساسيات عشان تتوضح لك الرؤية
وتطبق بدون أي صعوبه وللأمام
يا بو شهــاب


الاســـطـــوري
أخوكم

[ذنـيـنـي]

الصور وايد حلوة بو شهاب

بس تمنيت لو انك ما استعيلت و سويتهن بالبينت
لأنه يدمر الصور و يلعن خيرها

اذا ييت بيتكم المرة الياية او اذا ييت بيتنا بعلمك شوي حركات لتعديل الصور في الفوتوشوب

[فركوشه]

احلى صوره اخر صوره.. :)

بالتوفيج ان شا الله.. مع كل صووره

[بنوتة وردية]

ما شاء الله عليك الصراااحة تصويرك روووعة

وما عليه كلام والصورة خطيرررة

وان شاء الله الصور اللي في المجموعة

الثانية تكون احلى واحلى ...

ويسلمووووووووو

[شمه]

المجموعــه كلها على بعضهــا حلووه..
ما شاء الله.. اطورنــا..وقمنا انصور...
انت ما شاء الله دوم ويا ناصر اتعلم منـــه..وان شاء الله المره اليايــه بنشوف ابداع بطريقه كلكلوشيــه

بس صدق كلهن حلوات..

[وحي القلم]

وايد عيبتني الاولى

و حتى باقي الصور حلوات

..

[شمعة أمل]

حبيييت الصورره الأولى اكثثر شيييييييي
بس عندي سؤال
وين هالمكان؟؟

[بنت الدلع]

زين ماشالله قمنا نصور ^^

اول صوره حلوه
بس يبالك تدرب اكثر

مب جنه الصور مأخوذه في محمية شبه الجزيره العربيه ؟

[الدمعة الحزينه]

كـلـكـلـووش

لاني ماعرف شي فالفوتوشوب والصور مابقول شي

والصور الصراحه ماعليهن كلام ....


وتسلم اخوويه


الدمعة الحزينه

[أمواج]

.
.
ممكن سؤال
أي حديقة حيوانات ساير لها ؟\

عيبتني أول صورة
.
.