.:. ]|[ شو مشكلة هاللنك ..!! ]|[ .:.

[طير الغرام]

:-) http://mailfreepostcards.com/joke.html

بغيتك مساعدتكم يا جماعة الخير

الله يسلمكم في لنك يابليه المرض يظهرليه ف كل رد من فوق ومن تحت
شرى اللي ظاهرين أحينه

مادري شو ها بالضبط فيروس ولا شو
وللعلم انا عندي الأنتي فايروس >> NOD32

ختيه الله يهداها كانت حادره منتدى وحد من الاعضاء ظاهرله هاللنك وهيه ضغطت عليه
أضظني سوت Run شي جيه

>> كيف أقدر أخوزه <<

اللي عنده الحل ،، مايبخل به علينــا
والسمووحه منكم ع المغثه =)

just look http://postcardsbargain.com/clip.html

[بوزايد]

يعني الحين تبينا نسوي رن عشان يعلق عندنا شراتج ههههه

اكيد شفتي في الكنترول بنل وما حصلتي البرنامج

يعني لازم تسوي استعاده النظام

اتمنى فدتج

تعالي انتي وينج من زمان

الحمدلله ع السلامه

[قرموشة]

مممم والله مـادري يا طـير
يمكـن بـن الحـب يعررف .. !

[سلفر]

السلام عليكم ورحمة الله وبركاته

هذا فيروس اسمه دودة العاصفة ، الله يعينك لأنه ضرب كمبيوترك وضرب غيرك الملايين من الكمبيوترات

و اسمه بالإنجليزي Storm Worm

و إنتشاره هو عن طريق Spam أو الرسائل المباشرة عن طريق البريد الإلكتروني و يحمل صيغة Small.DAM

و أنا أحذر أي شخص مايفتح الرسايل اللي تحمل ها العناوين :
• 230 dead as storm batters Europe.
• A killer at 11, he's free at 21 and...
• British Muslims Genocide
• Naked teens attack home director.
• U.S. Secretary of State Condoleezza...
كما قد يأتي مع إحدى الملفات الملحقة التالية:
• Full Clip.exe
• Full Story.exe
• Read More.exe
• Video.exe

أنصحك بالكاسبر أقوى عن أي برنامج حماية

و بحاول أظهرلك الحل ، انتظر الرد مني

سلفر

[خيال الحب]

اذا عندج هالفايروس يعني يقدرون يتحكمون بجهازج ويستخدمونه في اعمال تخريبيه.. ويقدرون يسرقون البيانات من كمبيوترج

فلو فيه صور شخصيه سويلهم ديليت

انصحج بالفورمات

وهالفايروس ما لقوله حل

[طير الغرام]

بوزايد

لا وحليلي اتمنالكم الخير
:

واستعادة النظام اظني بغير اشيا وااايد !

:

تسلم أخويه ع المرور والله يسلمك
وانا موجوده بس عشان الدراسه لنه بدينا امتحانات!

قرموشة

شاكره لج مرورج

سلفر

وعليكم السلام والرحمه
الله يعين ..!!

شعور هب حلوو الصراحه

وإن شاءالله تلقاله حل ويزاك الله كل خير

خيال الحب

اخس شي عندي الفورمات
تسلم ع المرور أخويه

[سلفر]

همم ماشالله كمبيوترك بعده عايش ؟؟

الملف Clip.exe لفيروس ستورم وورم ، بعدك تتنفس يعني لاتحمل الملف لأنه يمكن كمبيوترك ماصابه الفيروس ، الفيروس قوي ويدمر الكمبيوتر بسرعة

[طير الغرام]

سلفر

هههه هيه الحمدالله بعدنا عايشين
انا دورت هالفايل ما حصلته عندي
العله بس فـ النت وفـ ردود المنتديات بس ..!!

ع العموم مشكوور أخويه وماقصرت
و انا بنيه هب ولد =)

[إسهر معي ليله]

من فتحت اللنك اشتغل مال الفايرس عندي..

الله يعينج والله،، كمبيوترج احين مب مصاب.. بس حامل الفايرس خخخ

جربي تسوين Scan وان شالله يعتدل

[طير الغرام]

اسهر معي ليله

حتى انا يوم اول مره لاحظت هاللنك هوست عليه وظهرتليه الرساله مالت الفيروس
وياما سويت Scan ستين الف مره فـ اليوم >> صيغة مبالغه ههه

تسلم أخويه ع المرور والمساعده
بس لاتزال المشكله مستمره
وللعلم الكمبيوتر اوكي مافيه شي بس العله فـ ردود المنتديات !!

[إسهر معي ليله]

سوي سيرج للكمات Joke و Clip في السستم كامل (Start > Search )

وشوفي الملفات اللي تطلع.. اي ملف تشوفين انه له علاقة في الموقع حذفيه
خصوصاُ اللي ينتهون بـ .exe

يمكن يكون سوفت وير من الموقع يسويلهم دعايات كل ما كتبتي شي !

[طير الغرام]

اسهر معي ليله

هلا اخويه
سويت قبل بس ما نفع
والحمدالله المشكله انحلت من اسبوع تقريباً
ومن كثر الاشيا اللي سويتها ما أذكر ولا أعرف اي طريقه هيه اللي نفعت

أهم شي انيه افتكيت من هاللنك العله

ومشكوور والله وما اتقصر