الزواج من اجنبيات

[سليم الحص]

حبيت ابدي رأيي في هذا الموضوع

اولاً استغرب لمن يأتي شخص ويقول الرسول فعل والرسول سوى احب اذكر اننا لسنا الرسول فالرسول خير البشر ولا نستطيع ان نقارن انفسنا فيه


ثالث شي المجتمع لازم يتغير والجهل لازم يتبدل عشان الشاب يتزوج من مواطنة يدفع ما واره وما دونه ليش طيب انا اعتقد ان النساء لهم دور كبير في ذلك في كثير من النساء جاهلات مع احترامي لهم فهم ينظرون دائما للغير هاذي الفلانه سوت وهاذي العلانه عطوها وهاذي دفعوا لها وهكذا وبعدين يحتجون ليس المواطن ما يتزوج منهم

(العادات البدوية المتخلفة لازم نبدلها فالزمن تغير والعلم تطور واحنا مكانك سر)

تقبلوا تحياتي

[بنوتة جميرا]

سليم الحص

شكرا ع المشاركه

[هيمان بوظبي]

الريال ريال ويقدر ياخذ اللي يباها
وهو حر منو الحرمه اللي يبى يكمل وياها باقي حياته
لو كانت مواطنه او عربيه او اجنبيه
المهم الحب وراحة البال

[بنوتة جميرا]

هيمان بوظبي
اول شاب تقريبا يرد ع الموضوع وهو مأيد للفكره
كل اللي ردوا علي مايرضون الا ببنت البلاد
هذا رايك واحترمه
انت حر

شكرا ع المشاركه

[ولد الشحوح]

أو كما قال صلى الله عليه وسلم( أقلهن مهرا أكثرهن بركة )

[بنوتة جميرا]

ولد الشحوح
وضح كلامك اكثر؟؟
شو تقصد به

وبعد قال الرسول -صلى الله عليه وسلم-:
تنكح المراه لاربع لدينها ومالها وجمالها ونسبها<ماعرف اذا الترتيب صح بس بهالمعنى
وحط تحت دينها مليون خط

شكرا ع مشاركتك

[تحفه]

حبيت ابدي رأيي في هذا الموضوع

اولاً استغرب لمن يأتي شخص ويقول الرسول فعل والرسول سوى احب اذكر اننا لسنا الرسول فالرسول خير البشر ولا نستطيع ان نقارن انفسنا فيه

[FONT=Comic Sans MS][SIZE=6][COLOR=blue]
ثالث شي المجتمع لازم يتغير والجهل لازم يتبدل عشان الشاب يتزوج من مواطنة يدفع ما واره وما دونه ليش طيب انا اعتقد ان النساء لهم دور كبير في ذلك في كثير من النساء جاهلات مع احترامي لهم فهم ينظرون دائما للغير هاذي الفلانه سوت وهاذي العلانه عطوها وهاذي دفعوا لها وهكذا وبعدين يحتجون ليس المواطن ما يتزوج منهم

(العادات البدوية المتخلفة لازم نبدلها فالزمن تغير والعلم تطور واحنا مكانك سر)

تقبلوا تحياتي

تتكلم عن الرسول و العادات والتقاليد وتضرب بتصرف ..... انه تزوج وخذ أجنبيه على قولتك مثال سلبي؟

الرسول صلى الله عليه وسلم تزوج من مختلف الديانات والأقوام .....

اذا هالبنت أصلح من غيرها ليش لأ؟!


خبروني ليش لأ؟

[تحفه]

^آسفه إذا متكلمه بـ"خشونه"

خذاني الحماس ........ احب شيخنا (L)

[ولد الشحوح]

قال رسول الله صلى الله عليه وسلم :[أقلهن مهراً أكثرهن بركه ] يعني هايلا البنات اللي يطلبون شي وشويات تقل بركتهن بايدهن انا ما يبت الكلام من عندي ..؟!؟

[بنوتة جميرا]

تحفه
نحن ما نقدر انقارن شبابنا بالرسول-صلى الله عليه وسلم-
او حتى حاكم دوله مثل الشيخ محمد بن راشد
لانه هم غير
حياتهم غير
مسؤولياتهم غير
فالشباب لا يقولون مثلا شيخنا سوا وبنسوي مثله
لا ما يصير


شكرا لج وللأخ سليم الحص

[بنوتة جميرا]

ولد الشحوح
كلامك صح
بس ترا مب كل البنات جي
مب كل وحده تطلب وايد
ويكون مهرها غالي
المهر 20000 واللي تطلب زياده
هاي تكون من مستوى معين وما تبغي تعيش اقل من مستواها
تطلب وايد وتكسر ظهر اللي يباها
واخر شي هي اللي بتعيش في نكد وتعاسه من الديون اللي هي سببها

شكرا ع مشاركتك مرة ثانيه

[ولد الشحوح]

اللي يكسر ظهر الريال مب بس المهر والله نبا حفلة الملجة تكون جي وجي وجي لان بنت يارتنا سوت جي وجي ونبا نكون أحسن عنها وفكل زيارة خمس جنط هدايا يعني تنصرف البيزات اللي المفروض يستانسون فيها الزوج والزوجة على اشياء تافه جدا ؟!؟

[بنوتة جميرا]

ولد الشحوح
تدري في واحد يا يخطب خالتي
بس خالتي رفضت لان الريال طلع بخيل وااايد
المهم يوم عرف الريال ان خالتي رفضت
قال لها زين مني بسوي ليله حنا واخر ليله شو تبين زياده
ضحكت عليه من الخاطر يوم جي قال
اقولهم جي هو شو بيسوي زود
غصبن عنه يسوي هالليلتين
كل الناس جي تسوي
بس اللي يسون بدل الليلتين 4 ليالي مادري 5 هذيل صدق يصرفون من الخاطر
والله يعين اللي بياخذهم
بس الليلتين ضروريات بس بدون مصاريف زايده

شكرا مره ثانيه

[أتمنى]

أخي الكريم .. سليم الحص

عندما يتعدى شخص على الآخرين
بفعله و تصرفاته
من الممكن ان نعيب عليه ذلك

لكن لا أدري كيف كان التعدي
بزواج سليم صحيح
لتأتي و تقول للأسف اتخذتموه قدوه !

نحترم رأيك بكل تأكيد
و لكن نتمنى منك عدم التعرض
للحكومة أو الأشخاص عند التعبير عن اعتقاداتك

فكلمة للأسف
لن يتقبلها محبي الشخص او غيره

لذلك نتمى منك الالتزام و عدم التعدي
على الشخصيات السياسية أو غيرها
فكل انسان له حرية التصرف خصوصاً ان لم
يتعدى بتصرفه على أحد

سيتم تعديل ردك .. و أتمنى أن لا يتكرر منك ذلك
اجمل التحايا

[عذبة الروح]

عذبه الروح
وشو اللي ما عيبج في رمستي؟؟!
انا ارد ع كل شخص رد ع موضوعي بالطريقه اللي اباها
واشكرهم ع رايهم واذكر انا بعد رايي
شرات ما انا احترم رايهم يحترمون رايي
انا ضد هالفكره
والا مع انا احترم رايه
واللي ضد انا معاه

الشي اللي مستغربه منه ان البنات مع الفكره
والشباب هم اللي ضدها
مع ان المضررين من هالموضوع كله هم البنات

شكرا ع مشاركتج

اختي
منو قالج اني مع الفكره ؟!!

لا حبوبه
انا مب وياها ... ومب ضدها
يعني متحيزه ...
فيها الزين وفيها الشي .. لكن ما اقدر ارفضها

...

لاني لو كنت وياها .. اكون ضد الزواج من بنات لـ بلاد // وهـ الشي مستحيل
ولو ضدها .. يعني نكرت ورفضت شي الشرع محلله

...

الموضوع تحكمه ظروف وحالات مختلفه
يعني انا وافقت الموضوع على أساس مبدأ
ولكن لو دخلنا فـ تفاصيل أكثر
مثل اللي ذكرتيها انت والباقيين
ارفض مثلا انه ياخذ الاجنبيه الغربيه سواء روسيه او انجليزيه او .... الخ
لانه ما تعرف تربي عيالنا عـ الدين

لكن العربيه الملتزمه ... ممكن يكفي انها مسلمه ولها من عاداتنا وتقاليدنا لو بـ الشي القليل

بغض النظر عن بنت لـ بلاد
اللي كل همها السفر والسوق والصيحات
ولو كان عندها عيال ...
ما تجيسهن وما تعرف عنهن شي
وعاقتنهن عـ البشاكير من يوم ولدها عمره اسبوع ان ما كان أقل

هـ الشي ما يشرف .. ولا اتيين تقولين العكس
لانه هـ الشي منتشر بين الحريم 90 - 95 % إن ما كان 100%