الزواج من اجنبيات

[بنوتة جميرا]

عبرات حالمه
صح في مواطنات تصرفاتهن مانرضى فيها طبعا
بس الوافده اخص
اخص في شو؟؟
اخص في كل شي
يعني لبسها اخص عن لبس المواطنه
يعني المواطنه لو شو ما لبست وسوت يبقى تحت العباه
بس الوافده نص جسمها برا والشعر برا
فاكيد اخص

شكرا مره ثانيه

[سليم الحص]

حبيت ابدي رأيي في هذا الموضوع

اولاً استغرب لمن يأتي شخص ويقول الرسول فعل والرسول سوى احب اذكر اننا لسنا الرسول فالرسول خير البشر ولا نستطيع ان نقارن انفسنا فيه


ثالث شي المجتمع لازم يتغير والجهل لازم يتبدل عشان الشاب يتزوج من مواطنة يدفع ما واره وما دونه ليش طيب انا اعتقد ان النساء لهم دور كبير في ذلك في كثير من النساء جاهلات مع احترامي لهم فهم ينظرون دائما للغير هاذي الفلانه سوت وهاذي العلانه عطوها وهاذي دفعوا لها وهكذا وبعدين يحتجون ليس المواطن ما يتزوج منهم

(العادات البدوية المتخلفة لازم نبدلها فالزمن تغير والعلم تطور واحنا مكانك سر)

تقبلوا تحياتي

[تحفه]

حبيت ابدي رأيي في هذا الموضوع

اولاً استغرب لمن يأتي شخص ويقول الرسول فعل والرسول سوى احب اذكر اننا لسنا الرسول فالرسول خير البشر ولا نستطيع ان نقارن انفسنا فيه

[FONT=Comic Sans MS][SIZE=6][COLOR=blue]
ثالث شي المجتمع لازم يتغير والجهل لازم يتبدل عشان الشاب يتزوج من مواطنة يدفع ما واره وما دونه ليش طيب انا اعتقد ان النساء لهم دور كبير في ذلك في كثير من النساء جاهلات مع احترامي لهم فهم ينظرون دائما للغير هاذي الفلانه سوت وهاذي العلانه عطوها وهاذي دفعوا لها وهكذا وبعدين يحتجون ليس المواطن ما يتزوج منهم

(العادات البدوية المتخلفة لازم نبدلها فالزمن تغير والعلم تطور واحنا مكانك سر)

تقبلوا تحياتي

تتكلم عن الرسول و العادات والتقاليد وتضرب بتصرف ..... انه تزوج وخذ أجنبيه على قولتك مثال سلبي؟

الرسول صلى الله عليه وسلم تزوج من مختلف الديانات والأقوام .....

اذا هالبنت أصلح من غيرها ليش لأ؟!


خبروني ليش لأ؟

[بنوتة جميرا]

تحفه
المشكله لو المواطنه خذت وافد
عيالها بتطلع عينهم لين يحصلون الجواز الاماراتي
هذا اذا حصلوا عليه
بس عيال الوافده بكل بساطه وسهوله عندهم الجواز

عسب جي المواطنه عندها وايد فرص انها تاخذ وافد بس ما ترضى الا بالمواطن
لانها تفكر بحياتها وبمستقبل عيالها
بس المواطن ما يفكر بمستقبل عياله

شكرا مرة ثانيه

[تحفه]

تحفه
المشكله لو المواطنه خذت وافد
عيالها بتطلع عينهم لين يحصلون الجواز الاماراتي
هذا اذا حصلوا عليه
بس عيال الوافده بكل بساطه وسهوله عندهم الجواز

عسب جي المواطنه عندها وايد فرص انها تاخذ وافد بس ما ترضى الا بالمواطن
لانها تفكر بحياتها وبمستقبل عيالها
بس المواطن ما يفكر بمستقبل عياله

شكرا مرة ثانيه

حبيبتي انتي دبي .. المواطن و الوافد واحد

[همس الدماني]

السلام عليكم

اختي بنوتة جميرا

ترى كل يرى الناس بعين طبعه

وكل واحد يبغي الأحسن حق عمره

وانا مو ويااج ولا ويا الأخت شمعت امل
اولا صدق البعض يوم قال انا بنات البلاد استوو فاسخين الحيا((وانا ما اعمم))
بس هاج المثال اليازيه محمد واللي في المولات هاذيل شو يطلعوون وانتي شفتي بعينج في المسيره
يوم خذينا الكااس بصرااحه كانت اكبر صدمه لي يووم اشووف بنات البلاد في الشوارع واللي ترقص
واللي فل ميكب واللي مطله عبااته عسب يشووفون شو لابسه عشان يرقموونها وين الدين وين العادات والتقاليد والله ثم والله لو كنت ولد وعرضوا علي هاذيل البنات لو كانوا اخر بنات في الكون كله ما اخذهم ومصيرهم يعنسون واذا شفتي هذا بس في الشكل الخارجي يعني لو شفتي البنات اللي في الجات واللي يرمسوون شباب بالأيميل اغلبيتهم بنات قبايل يعني شو يوم بترمسين واحد في الأيميل ولا الجات او التلفوون مو حراام لا هي كل تفكيرها انها بهاي الطريقه بتتسلا وهو ما بيعرف منو هي ولا بيشوف صورتها بس الغلط غلط مهما كانت المبررات هذا اذا كان في مبررات اصلا
ويوم الواحد بياخذ وحده اجنبيه هو عارف ان هاذي عاداتها وتقاليدها مب سارت وخانت ثقت اهلها وسوت اللي سوته وما حشمت سمعت بلادها
السموحه انا خرجت شوي عن ايطار الموضوع
المهم الموطنه الحين بزمانا تتطلب اشياء مالها داعي ومهر يكسر الظهر هي ما فكرت في الأنسان اللي بياخذها من وين بيب كل هاذا ما فكرت وللعلم ترى الأغلبيه من اللي سوو جي فنهايه ما عااشوا حياه سعيد بلعكس حياه مليئه بديوون والريال همه كيف بيسدد كل هذا ولو خذاله وحده اجنيه ما بيصر فيه كل هذا

وعلى قولت اختي في الزين وفي الشين وانا اشهد ان في بناات ما يبغن إلا الستر بس للأسف تشوهت سمعتهن بسبب الغير يعني نحن يوم نشوف وحده هنديه ((اللهم لا شماته)) صايعه ضايعه مو نعمم على كل الهنود وناخذ عن الكل فكره هب زينه بس نحن شفنا وحده بس انزين شفنا الباقياات لا

واذا واحد ما خذ ووحده اجنبيه عن حب انا اوقف ويااه لأن الأنسان يوووم ايحب مستعد يبيع الدنيا علشان محبوبه واذا كان الحب موجود وبتكون السعاده موجوده اصلا ما في سعاده بدوون حب وتفااهم
بس المشكله العيال دوووم ايكونون الضحيه يعني انا كمن مره اسمع في المدرسه الشباب يتمصخروون على واحد ويزقرززنه ولد المصريه او الهنديه او ولد الأجنبيه يعني حرااام العياال يتعقدوون في شي مالهم ذب فيه

يعني لازم كل واحد منا يفكر لبعيد قبل ما يفكر بالقريب انت اليوم فرحااان بس ما تعرف هل بتم على هذا الحاال وشو بيكوون مصيرر عياالك

وانا انصحكم نصيحه في وجه الله لا تحكم على الناس من الظااهر
وسوء الظن عقاابه شديد يعني لا تعممين على كل الأجاانب انتي ما تعرفينهم كلهم فليش تغلطين عليهم كلهم

ويم ان الرسوول نشر الأسلام نشره على الكل وما فرق بين حد يعني ان اعرف واحد ماخذ وحده اجنبيه

بس والله انا اشووف انها احسن عني اسلمت وتصلي فرضها بكل اوقاتها وتربي عيااله احسن تربيه
يعني شوفي هاي الغريبه شقايل سوت يوم اسلمت ونحن الله كاتب ان نطلع مسلمين بس تعالي شوفي حياتنا (( بدوون تعميم)) الفرووض تفوتنا ومايهمنا شي غير اللعب يعني مسلمين بس بالأسم
نفس ما قال اخوي خياال الحب

وتسلمين على المووضووع المجذب

والغلا لا تزعلين من بس حد هالموضووع فيله تجاادل بالأرااء

اختجـ

هموووووووووس...

[بنوتة جميرا]

همس الدماني
اول شي بالعكس انا مازعل من حد
انا حطيت هالموضوع وعارفه انه بيكون فيه وجهات نظر
واحترم كل وجهات النظر

الاسبوع اللي طاف كنت سايره محطه البترول
ونزلت السوبرماركت اللي فيه عسب اخذ اورنامين..شرابي المفضل..خخخخ
وانا نازله نزلت وحده من رنج لابسه عباه وشيله ع الجتف
شكلها مواطنه
بس يوم سمعتها اترمس الكاشيير رمستها مغربيه
يعني مب كل وحده لابسه عباه ولبسها مب محتشم بتقول هاي مواطنه
ترا الكل الحين قاموا يلبسون عبي وشيل

شكرا الغلا ع مشاركتج

[همس الدماني]

اعرف الغلا ان مو كل وحده لابسه عبااه وشيله هب لازم تكوون موااطنه

بس صدقيني الأغليبه يمكن هذا يكوون في نظري انا

تسلمين..

[الـيـاه]

سلام

وايد أعرف بنات أمهم أجنبية والعكس .. يعني مواطنات ماخذين مش أجانب بس من دول عربية نفس سورييا - لبنان - المغرب وهالمواطنات لهم دور فالدوله بعد تدرون ..

المهم

أنا صراحه ما عندي راي محدد لهالموضوع ! لانه كله يعتمد على الظروف

يعني ؟ لا زواج المواطن بأجنبية هو سبب المشاكل والطلاق وغيره
ولا إنه هالأجنبيـة داشه على طمع - لان ساعات تكون هي أغنى عنه إذا ماعندكم علم -

لكن كل شيييييي يرجع لظروف هالأسرة
- سلوكهم
- طبيعة تربيتهم
- ثقافتهم + دينهم

يعني أنا أكيد مب من اللي أشجع المواطن يتجه لبرع البلاد وياخذ من هناك
لكن مول ما أقول أنه زواجه من برع هو سبب التفكك الأسري .. لانه في ناس وايد أعرفهم ومن هالرياييل في منهم من هلي بعد .. ومستانسين وعايشين بشكل طبيعي جدا ً وحلو

بس ترد بنت لبلاد عضيد لولد البلاد


والسموحه

.
.
.

[بنوتة جميرا]

همس الدماني

شكرا غاليتي ع المشاركه مره ثانيه

[بنوتة جميرا]

تحفه
للأسف هاللي صاير في هالايام
ويمكن الوافد احسن
بس يخسوون
لو شو ما سووا ما يوصلون ظفر المواطن

[بنوتة جميرا]

الياه
شكرا الغلا ع المشاركه

[بنوتة جميرا]

بنت الدلع
اكيد مب جي
لاني اعرفج عدل

شكرا مره ثانيه الغلا

[نور الإيمان]

سلام عليكم

شحالكم؟؟

مو كأنه الموضوع يخصني

أمي و بكل فخر اجنبية .. و انا بنتها مواطنة من تراب هالدولة .. عشت فيها حياتي كلها و الحمدلله ..

أبوي عربي اصيل الله يحفظه .. و امي و ان كانت ياية من بلاد الصين - قريبة من هالدولة - لكنها تعرف كتاب الله .. و مداومة على صلاتها... و جدتي الله يرحمها و اللي هي ام امي .. حافظة القرآن و الحمدلله .. ناس مسلمين ..

صح كانوا و مازالوا ينادونا بعيال الهندية .. رغم اني دايما اصحح المعلومة عندهم و اقول لهم نحن عيال البورمية لو سمحتوا مب الهندية ...

و امي وافدة تعتبر .. و الكلام اللي انقال اهني .. فيه شوية شتايم على ناس مثل امي و غيرها من الأمهات ..

و ما يخصه الدم في الموضوع ولا اصل الإنسان او فصله .. يخصه تقوى الله و بس .. سواءا كانت هاي الإنسانة سودا او بيضا او حمرا ...

زوج ربيعتي كندي ... و ربيعتي مواطنة من هالدولة الطيبة .. و من عايلة معروفة .. و الحمدلله .. الله يهنيها .. دام انها كانت سبب في دخول هالإنسان للإسلام ..

و شباب الديرة .. ما عليهم كلام .. و مب كلهم فاسقين ولا كلهم ملائكة .. و كل البشر يغلطون سواءا ولد اللبنانية او الهندية او ولد البدوية .. و هاي حرية شخصية سواءا كان يبا اجنبية ولا بنت البلاد ..

و كلامي ما يزيد على كلام همس الدماني كفت ووفت .. و اتمنى الحرص كل الحرص على انتقاء الكلمات ولا نظلم الناس .. و لا ان نكون من القوم الجاهلين و العياذ بالله ..

شكرا

[بنوتة جميرا]

نور الايمان
نحن نرمس من واقع حياتنا وتجاربنا
وبعدين لو قلنا شي فهذا راينا
ولازم نحترم كل الاراء
لو كانت تعيبنا والا ما تعيبنا

شكرا ع المشاركه