العجيبة في مَرْكَـز الوَثَـــائق وَالبُحُوث

[العجيبة]

بسم الله الرحمن الرحيم


كنـت في زيـارة لمركـز الوثـائـق والبحوث في أبوظبي يوم الاثنين 26 فبراير 2007

كنت هنـاك لمهمة خاصة جدا جدا ( وكنت سايرة أأدي من ورا خاطري ) ، وبعد ما خلصت المهمه قلت آخذ لفة في المركز اللي خفف من الكآبة اللي أمـر فيهـا ..

وهذي بعض الصور اللي خذتهـا .. أتمنى تعيبكم ، لأني صدق انبهـرت باللي شفته ، أشياء ما شفتها قبل ..

خذوا راحتكم في التـأمــل ، ولا تنسـون تدعـون لأطيب قلـب في العالم بالرحمة والجنة



باسم الله نبـدأ


المدخــل


افتتح المركز في 27 نوفمبر 2005

ما قبــل قيــام الاتحـــاد



توقيــع الشيخ زايد بن سلطان - رحمه الله -

علم إمــارة أبوظبي

قيــام دولــة الإمــارات العــربيــة المـتــحــدة


المباحثات حول تأسيس اتحاد الامارات السبع بتاريخ 25 مايـو 1968


الشيخ زايد بن سلطان - رحمه الله - في الدورة الثالثة لاجتماعات إقامة الاتحاد ، بتاريخ 25 مايـو 1968


مؤسسي الإمـارات - رحمهما الله -


حاكم الامارات في مناسبة رفع علم الامارات العربية المتحدة في الثاني من ديسمبر 1971


التوقيع على إتفاقية الاستقلال في يوم الاتحاد 1971


أحمــد بن خـليفة السـويدي يتلو على الملأ إعلان قيـام اتحاد الإمارات العربية المتحدة 2 ديسمبر 1971
( يا حييييييه والله )


حاكم الامارات في مناسبة رفع علم الامارات العربية المتحدة


الاجتمـاع الأول للمجلس الأعلى للاتحاد بعد انضمام امارة رأس الخيمة للإتحاد في فبراير 1972


الاجتماع الاول للمجلس الوطني الاتحادي في الأول من مارس 1972


اتفاقية اتحاد امارتي أبوظبي والشارقة
عندي الاتفاقيات لكل الامارات مع أبوظبي ، بس الظاهر هاي بروحها اللي استوت في النت


وتوقيع الشيخ زايــــد


صـــور للشيــــخ زايــد بن سلطــان آل نهيـــان - رحمه الله -


شجـرة عائلـة آل نهيــان الكـرام




ما أدري ليش الصور مب واضحة




الشيخ زايد بن سلطان آل نهيان رحمه الله يتحدث إلى الصحافة بمناسبة
قرار حاكم الشارقة إدماج المؤسسات والأجهزة المحلية إلى المؤسسات الاتحادية
19 نوفمبر ( السنة مب واضحة )






الشيخ زايد بن سلطان - رحمه الله - أثناء توزيع الجوائز على الخريجين في تدريبات الرماية لكلية الشرطة 1 مايو 1979



ويُقلّد وسام البيئة الباكستاني 1997



وأثناء تأدية صلاة العشاء بالمسجد النبوي بالمملكة العربية السعودية 14 مايـو 1985


وفي زيارة لليابان 1990
هالصورة إهداء لـ خطــر


ومع بعثة التلفزيون الامريكي - فبراير 1976


والشيخ زايــد اييـــــول





وأخيـــــــــررررا



طلعنــا من المركز على أمل انه نسيــر باجر ويوم الاحــد


وبس


يا مرحبـــا بكم


كنــتـم مع
العجــيــبــة

[بنت الدلع]

اشوف الصور والدمعه في عيوني

صور بابا زايد كلها هيبه وجرأه
الله يرحمه يااارب

==

صور حلوه يالعجيبه
واهم شي ان المهمه انتهت بنجاح
والله يوفقج








مسويه عمرها توم كروز

[المنصوري]

ملاحظــة // أتوقع في الصورة الأخيــرة الشيــخ زايـــد الله يرحمه ويغمد روحه الجنــه يرزف هب يالس اييول ,,

ولو سمحتــي العجيــبـــة //
عطيني فكرة عامــة عن هذا المركز اللي دوم امر حذاه وما ادري شو فيـــه ،،
هل فيــه كــــتــب غيــر الصور .. وهل هالكتب تختص بالإمارات ولا كيف
ابى ملخص لو سمحتي


وشكراً كثيــــراً ( أول مرة استخدم كثيراً بدل جداً ) يا عجيبــة مديـنــة الضبـــاااااب

انا
اخوج

[عنود الريف]

ذكريات يمكن ما عشناها نحن في هذيج الفترة ..
لكن هاي الصورة تعيشنا معاهم وخلال المباحثات والاتفاقيات ..

الله يرحم الشيخ زايد والشيخ راشد ...

تسلمين الغاليه

[الدلووووعة]

تسلمين اختيه العجيمة عالموضوع والصور

[شمه]

تسلمين ع الرحلــه اللي خذتينا فيها وياج..

حتى انا ابا اعرف اكثر عن هالمركز.. بدل ما امر من صوبــه ولا ادري شو سالفــته... انا كنت اتحرى شرات الارشيف فيه فايلات و سي ديات ..لانه مكتوب عليه بحوث.. لوول

ف قلت اللي يبي يسوي دراسه ولا شي يسير يشوف الوثائق ..


ف نبى نعرف نبذه عنه مثل ما قال المنصوري

[تنينه]

السلام عليكم ؛؛

تسسسلمـين يالعجيبه ع الموضوع والصـور ؛ اسمتعت


ما ننحرم مـنج

[بوزايد]

الله يرحمك ابوي


تسلمين العجيبهــــ

[طير الحب]

ننتظر منج عجيبتنا بقية التفاصيل عن هذا المركز الثري بمحتوياته

[العجيبة]

بنت الدلـــع
شكرا لتواجــدج
ودعــواتــج لنــا إذا تأهلـنا على مستوى الدولة بيي أقدم في جامعتكم



المنــصوري
ههههه والله توقعــت حد يعلق على هالكلمــة ، يالله سامحنـي عليها هالمره، وصدقني ما بعيدها
بخصوص المركز ، أنا ما سايرة اتعرف على المركز وعـ اللي فيه ،
بس من اللي لاحظته يخزن كل شي عن الدولة ، والوثائق الرسمية في الدولة
يقـولون بعـد إنهم يحطون فيه بحوث عيال الجامعــات ..
واسكــت لا تذكـرني بالكتب ، دخلنا قاعة الشيخ زايد بن سلطـان ، هالقاعة كلهـا كتب من اصدرات المركز،
وكتبهم وايد حلووووة ، أذكر عنوان " يوميات الشيخ زايد " وأبوظبي أظن .. المهم كتب عن الامارات
وفيه كتاب كبير عن عـدن .. يعني كتب تاريخية تقريبا .. المهم اللي يقهر ما طاعوا يعطوني ولا كتاب
لازم أسير عند مدير العلاقات وهو بيشوف اذا بيعطيني مجموعة كتب كهدية أو لا ..

سرت البارحـة ، وعلى اساس يوم أطلع أسألهم عن منشورات خاصة بالمركز ، بس يوم طلعت الساعة
عشر المسا ما لقيت حد عالرسبشن .. فـ ان شاء الله أحاول أشوف منشورات عن المركز يوم الاحد ..


عنــود الـريـف
الله يسلمــج عزيزتي ..
شكرا على التواجد الجميل ..


الدلوووعـــة
الله يسلمــج ، شكرا


شمـــه
الله يسلمـــج
إن شاء الله أحــاول ، بس ما أوعـدكم


تنيــنــه
وأنا شاكــرة لج حضورج المميــز


بو زايـــد
الله يسلمــك يا أخـوي ، شكرا لك


طيــر الحــب
إن شاء الله خيـــــر

[شهوووودة الأمورة]

تسلميين يالعجيبه ع المووضووع..
زين يووم يبتيلنا فكره عنه .. يبالي والله أروح اتطلع باللي فييه

حلوه الصور ..

تسلميين عزيزتي

[الشيـــن]

هالـمركز دوووم يسـووون مسابقـاات حق المدارس وجـي ..
بس على حظي يكـون موعدها نفس موعد مسابقة ثانيه انا مشتركه فيها ..
ربيعاتي ساروا العـااام ..

استويت من قوم الي يذكرون ايام المدارس لول ^^

مشكـووره العجيبه ع الموضـوع والصور الغاويه (=
وربي يرحـم زايد ويجعله من هل الجنه ..

[سفير الخيال]

ما شاء الله عليج لج بااارض على التصوير ولو انا جان سويت له بولالابس


الصراحه جهد + مضمون رائع

متشكرااااات

[العجيبة]

شهووودة الامووورة
الله يسلمــج ، مشكووورة على الرد الحلو ..


الشــين
منو قالج انهم مسويين مسابقة حق المدارس ؟
المنطقة حاجزة عندهم قاعة لانه عندهم قاعات فاضية وبس
والعفــو .. مشكورة على التواجد ...


سفيــر الخيــال
أحـب أصور الأمـاكن اليديدة اللي انزل فيهـا ، عشان اتذكرهـا بتفاصيلهـا كلها،
وأشكرك على تواجدك وردك ..

[خيال الحب]

الله يرحمه ويغفر له

افتقدت بابا زايد وايد :(


وتسلم ايدج على التغطيه الغاويه ^____^