دورولي هالسياره ربي يسعدكم !

[المزوحي]

خلاص عيل توكل وإن شاء الله تحصل السيارة الزينه

[ألم ترى]

الحمدلله حصلنا اللي نبيه
والشكر موصول لكل من ساعدني سواء ف الواحات او خارجها!

شفروليه ابيض كبينتين ونص ومخصر ودبل تاير بـ 85 ألف
طبعآ عليه تواير عراض قيمتهم بـ 3500 تقريبآ ورنجات كروم بـ 4000 تقريبآ
يعني الموتر معدل ع الخفيف !
واللي عليه اني اركب اقزوزات حق الصوت وشوي حلويات لـ اعضاء الواحات واهلها الطيبين

باجر بعون الله بشتريه والله يتمم البيعه ع خير قولوا امين

[سفير الخيال]

باجر بعون الله بشتريه والله يتمم البيعه ع خير قولوا امين

ومتى سفير بيركب معاك وهو لابس نظارتة الشمسيه

بالبركه علييك عزيزي والله يعطيك خيرها ويكفيك شرها

والله استانست لك

[ألم ترى]

كيف تبي تركب وانته بعدك ما امنت !
وانا مستانس لمعرفت واحد شرواك

كل الود

[الدلووووعة]

مبروك اخويه الم ترا ^_^

يله يوم بتخلص من المرور ومادري شو ها اللي تسونها يوم تشترون سياره يديده

المهم ودنا حوطنا فيها وردنا الوحات مره ثانيه ^_^

اللي يبا اي من الحينه يحجر مكان ^_^

[إسهر معي ليله]

بالبركه اخوي.. اهم شي الصور نبا نشووفها

[صريح]

بالبركه يا معـاذ
شووف اول ما تيبه اتصل بي

15 دقيقه بالكثير و انا بكون جدام المنــار اتريااك

[مجموعة إنسان]

مبرووووووووووك

من الغلطان اللي بيلف علييييك الحين

[ألم ترى]

مبروك اخويه الم ترا ^_^

يله يوم بتخلص من المرور ومادري شو ها اللي تسونها يوم تشترون سياره يديده

المهم ودنا حوطنا فيها وردنا الوحات مره ثانيه ^_^

اللي يبا اي من الحينه يحجر مكان ^_^

الله يبارك بحياتج ياختي
إن شاء الله يوم الأحد يسجل الموتر بأسمي وبعطي الريال باجي الفلوس
لا لا بنات ممنوع !

شكرآ ع التواصل

[ألم ترى]

بالبركه اخوي.. اهم شي الصور نبا نشووفها

هلا بالغلا
تامر امر انت

وإن شاء الله بصوره وبطرش الصور لـ سفير او ابن الخطاب وهم اللي بيحطونهم
ادري إني بوهقهم وياي بس يتحملوني شوي ولا اكنسل مواترهم ههههه

شاكر لك تواصل ياخوي

[ألم ترى]

بالبركه يا معـاذ
شووف اول ما تيبه اتصل بي

15 دقيقه بالكثير و انا بكون جدام المنــار اتريااك

افا توني اشوف ردك !

يلا ما علينا واليايات اكثر إن شاء الله
بس تعال اشوفك وايد ماخذ ع المنار هاليومين

شكرآ ع تواصلك حبوب

[ألم ترى]

مبرووووووووووك

من الغلطان اللي بيلف علييييك الحين

الله يبارك بحياتي شيخي
ههه اتصدق عاد سواقته اتخوف ولكن فيه هيبه وثبات ملعون ماشاء الله

انزين خذ اليديد عاد !
كنت موصل واحد من الربع وجان اسمع صوت ونانات صوب الخران
وجان اضغط الموتر ضغاط لين ما وصلت لـ مطار رآس الخيمة صوب شارع طويين
ولا احصل شرطة رآس الخيمة كلهم هناك !
موتر محترق والموتر الثاني طايح ف قص صوب الشارع
نزلت وجان اشوف اسيويين متوفين واحد برع الموتر والثاني محصور ف الموتر
عاد الأسعافات ما تقدر تنزل تحت لئن الرمه جامده شوي وجان انزل الشفروليه
واحمل المتوفين ف الكريل طبعآ محطينهم ف اكياس اخلاء موتى
ونقلتهم لـ الشارع وبعدين حملناهم ف الأسعاف
الحمدلله الموتر طلع ف الصوره وبيض الويه
والشاهد الله واحد من قسم الأسفاف والأنقاذ قالي :
يا معاذ والله انك عن عشر رياييل سواء مداوم او مجاز !
لله الحمد والشكر الموتر منه فايده لئن الوالده طايحه فيه طيح وشوي وبطلعني برع البيت ههههه

طولت لاااااه ؟
بحفظ الرحمن

[ابن الخطاب]

بسم الله الرحمن الرحيم

أنا قلت يمكن من حوباتي ما بتحصل الموتر بعد الخيانة اللي سويتها فيني .

لكني من الحين أخبرك صدقني إذا ما عزمتني بمناسبة الموتر اليديد بدعي عليك

ولا مب جذه بعد ، الجماعة اللي ويانا هنه لازم تعزمهم ، وكل واحد منا لازم يصحل عمولة أتعابه .

ها شو قلت ؟

بنحصل العزيمة + العمولة ...؟ ولا أدعي ...؟

[ذنـيـنـي]

مبروك عليك الموتر يا معاذ

الله يعطيك خيره و يكفيك شره و عقبال السوبر جارج D=



في انتظار العزيمة D=

[ألم ترى]

بسم الله الرحمن الرحيم ..

ابن الخطاب

استوى الضر عاد ! ..

انا انسان ع قد حالي وبعزمكم ع شرط ..

شرطي هو إن ميري تجهز الوليمه مع الوالده ! ..

ها شو رايك ؟ ..

ذنيني

الله يبارك بحياتك يا بونصره ..

سبر جارج ! ..

انزين انا ما افهم بهاي السوالف وابيك تزع اللي ف بطنك عشان اعرف ..

السبر يضر الموتر يعني اوكيه ولا لأ ؟ ..

وسالفة العزيمه بتكون عند بوعبدالله ..

بحفظ الرحمن ..

تم تعديل الرد ! ..