ربمـا أجـد عنـدكم حــلا.. !!

[دموع قلم]

السـلام عليـكم ورحمـة الله وبركاتـه


مســاكـم الله بالخيـر والعـافيـة
أعضـاء واحـاتـي ..



اممممم تـدرون مـالي غيـركم استفسـر وأسـأل ..
وأنتـوا ما شـاء الله عليـكم أصحـاب خبـرة.. وإن شـاء الله آراءكم بتفيـدنـي وبتفيـد غيـري ..
ويمكـن تكـون أسئلـة بسيطـة وسهلـة وتـــافهــــــــة.. لكــن للأسـف أنـا أجهلهــا ..

..
..


امممممم النقطـة الأولـى.. تخـصص طـب الأسنـان ..
اللـي دراسيـن الطـب وخاصة فرع طب الأسنان.. أو اللي يعرفـون حـد بهـالتخـصص..
شـرايـكم فيـه من كل النواحـي.. وشو اللي تعرفـونـه عن هالمجـال.. ؟؟
وشرايكم الدراسة في جامعة الإمارات اللي بالعين..
بـاعتبـار انهـا الجامعة الحكومية الوحيدة اللي فيها مجال الطـب.. ؟؟
وشـرايكم بـدراسـة الطـب في جامعـة الشارقـة.. ؟؟
ووووطـب الأسنـان كم سنـة يبـالـه.. ؟!

وشـو الفـرق بيـن طـب العـام وطـب الأسنـان في مـدتهـا وسهـولتهـا وكل شي ..؟!

..
..



امممممم النقطـة الثـانـية.. الهنـدسـة..

أبا أعـرف شو هـي هندسـة معمـاريـة.. وشـو هندسـة مـدنيـة.. ؟؟
وصحيـح اللـي يقـولـون أن هالتخصصيـن مـا ينفـعون للبنـات.. يعني للشبـاب أحسـن.. ؟؟
وبعـد يقـولون لأن هالتخـصصات يبـالهـن جـرأة..

وكـم سنـة يبـالهـم عشـان نـاخـذ بـاكليريـوس.. ؟!

..
..


النقطـة الثـالثــة .. اممممممم ..

مثـل مـا تـدرون دمـوع قلـم في الثـانـوية العـامة
وهـي وحليلهــا مادري شو يـالهـا.. هبلــة.. تفكـر في

تخــصص طـب الأسنـان..
لكـن للأسـف اللي حولهـا يقـولون لهـا انهـا مو ويـه الدراسـة.. ويـه بيـت وأمور الحيـاة ووو.. !!!
فـ كيـف تبـا تـدش الطــب .. يعنـي لازم البنـت تقـدر تـوازن بيـن حيـاتها العادية والدراسيـة..
والشي الثـاني..
ان درجـاتها في الأحيـاء اللي تتطلب في الطب مو ذيـج الـزود كثـر درجـاتهـا فـي ريـاضيـات وفيـزيـاء..
المـادتيـن اللي تحبـهم..
فـ قـالو لهـا تـدش الهنـدسة أحسـن لهـا اللي تكثــر فيهـا دراسـة هالمـادتـين..
ولا أنتوا تشوفون الدراسـة في الجـامعـة تختـلف اختـلاف كبيـر من المنـاهـج المـدرسة.. ؟!!
أنـا مـاعـرف.. !!


مـلاحظــة ..
على فكرة تـرا خجلـــي زاااااد عن حـده بشكـل فضيــع.. لدرجة إني عندي أفكار واااايـد..
وإدارة المدرسة دايمـا يطلبـون رأيي - الحمدلله - لكن مستحيـل أوقف جـدام الصف واتكلـم..
وللأسـف هالطبـع متعبنـي واااايــد.. وضيـع عنـي فـــرص كثييييييــــرة.. ونصحونـي وكلمـوني
وحـاولت.. لكـن ماشي فايـدة.. أبـد مـا تغيـرت.. للأســف.. !!



فــ يعنـي شـرايكم..
وأفيـدونـي ربي يحفـظكم ويجـازيـكم الخيـــر .. ؟!!


وطبعـا بصلـي صـلاة الاستخـارة
قبـل ما أقـرر أي تخـصص وأي جامعـة إن شـاء الله..
..
..



أشكـر كـل عيـن مـرت على هـذه الصفحـة

واسمحـــولـــي إذا فـي أي ســؤال مضحـــك.. !!

[المنصوري]

بكره اذا احياني الله برد على الموضوع

[دموع قلم]

حيــاااك بـأي وقـت أخـوي المنصــوري ..
وأشكـرك على مـرورك الكـريم ..

[عذبة الروح]

وعليكم السلام والرحمه

بـ التوفيق ان شا الله
ان شا الله اقدر افيدج بـ خصوص طب الأسنان
لاني انا أدرسه حاليا ... سنه ثالثه

لكن عندي نقطه حبيت اوضحها لج قبل
انه دراستي في جامعة عيمان - بـ عيمان
مدة الدراسه عندنا خمس سنين
وبداية الكورس اللي طاف صار في عندنا امتحان التوفل
اللي الله فكنا منه <--- الحمد الله لحقنا على اعمارنا

طبعا الدراسه في اول سنه ونص تخصص تكون صعبه وايد
لأنه المواد يديده علينا .. والشرح يختلف
واكثر شي يشيب لج شعر راسجالمصطلحات الطبيه

بس يوم تبدين النص الثاني من السنه الثانيه
تحسين كل المواد بدت تسهل عليج باذن الله
خاصه يوم تدخلين اللابات مثل Dental anatomy - Lab
هني يعلمونج تنحتين السن أو الضرس بـ كل الجهات بـ الشمع wax بـ استثناء جذور السن
يعني انصحج تدخلين مجال طب الأسنان لو حسيتي انه لج مهارات فنيه دقيقه مثل الرسم والنحت
لانه وايد مطلوب منج وخاصه في حفر السن وتشكيل الحشو اللي بـ توسينها في سنه ثالثه
وبعد اخذ القياسات في تركيب الاسنان عسب تسوين طقم الاسنان denture سواء كان partial OR complete

يعني المطلوب منج
همه عاليه حق الدراسه
+
شغل حلو .. يتميز بـ الدقه ونظيف
+
طووووولة باااااال قد ما تقدرين
خاصه in the labs لأنه الدكاتره ما يعيبهم شي
ويبون كل الشغل perfect وعادي لو قالوا لج عيدي شغلج مره ومرتين وثلاث

بـ النسبه لي ..
فـ اول سنتين .. كانت تييني اوقات اتندم فيها ليش اني دخلت هـ التخصص
بس الحينه يوم صرت سنة ثالثه ..
كل شي عيبني خاصه الشغل لانه هني تحسين انج تخصصتي في الاسنان
مب شرى اول سنتين

صح المواد وايد وتاخذين 9 مواد فـ الكورس حق سنه ثالثه .. قبل لا تدخلين العيادات في سنة رابعه
لكن لج حريه الاختيار ..
انج ممكن تقسمينها سنتين لو كنت تحسين انه 9 مواد فـ كورس واحد وايد عليج

وبسسسسس
الله يوفقج اختي وين ما كنت
وان شا الله اكون افدتج
واي شي فـ خاطرج اسئلي
وما يردج الا كيبوردج

[دموع قلم]

عـذبـة الـروح ..




أيـوا هـم خبـرونـي إنـي لازم امتحـن بالتـوفـل بالأول إذا فكـرت أدش عالتخـصص ..
وقـالـوا لـي انـه صعـب شـوي.. ويبـاله شـدة حيـل في الإنجـليـزي ..!!

بـس بغيـت أعـرف.. كيـف الدراسـة في جامعـة عيمـان.. ؟!
يعنـي دراستـهم زينـة ونظـامهـم عـدل ولا.. وطالبـاتهم.. وأسـاتـذهم.. ؟!


هيـه هـاللي خـايفـة منـه.. اييلـي وقـت وأنـا خـلاص ماقـدر أواجـه هـالدراسـة .. أو مـا أكـون قـدهـا..
لأن أغلـبهم يعقـدونـي ويـا الطـب.. يقـولون انـه وااااااايــد صعــب.. ويبــاله صبـر وصبـــر..
وأخـاف بـالأخيـر اتنـدم وعقـب تضييـع علـي كم من سنـوات .. !!


انـزيـن.. حـق هالتخـصص لازم تكـون نسبتـي فـوق الـ كم.. ؟!!

..
..


وتسلميـــن الغـاليـة على ردج اللي أسعـدنـي وأفــادنـي ..
وعسـى ربـي يـوفقـج في دراستـج إن شاء الله.. وايي الوقـت اللي سمعيـن فيـه..

دكتـــورة.. عـذبـة الــروح.. !!

[بنوتة وردية]

هلا والله اختي دموع قلم

بخصوص التخصصات انا ما عندي فكره

لاني لين الحين ثانوية عامة وما عندي حد يدرس هالتخصصات

بس بغيت اوضح لج شي ان جامعة الإمارات ما فيها

طـــــــب اسنـــــــــان

والسموووحه منج

[المنصوري]

بسم الله عدنــــا ,,

نقطــة أولى ::
هب شرط انج يايبه علامات عاليــة في الماث ( الرياضيـــات ) والفيزيــاء يعني الهندســة أحســن لــــج .. يوم تخرجت من الثانوية كنت يايب في الكيميــاء 100 وهي المادة الوحيدة اللي يبت ابها علامــة كاملـــة .. ويوم تخصصت ما عطيت هالعلامة أي أهميـــة ,, أهم شي ميووولك شو هو ,, يعني بالمختصر المفيـــد هب شرط كم اتيب عشان اتحدد تخصصك أهم شي راحتك وذوقـــك ورغبــتــك

نقطــة ثانــيـــة ::
الهندسـة المدنيـــة ( civil ) هي تختص بالشبــاب أكثر منها للبــنـــات .. مع انه عندنا بنات في هالتخصص والبنات دخلن كل التخصصات .. والهندسة المدنيــة تخص المبــاني الخارجيـــة والمجاري ( الله يعزكم ) والعمارات والجسوور ودراسة التربة ووين أحسن الأمــاكن للبـنــاء والتعميــر ( اشويه فيه من الجولوجي )
أما الهندسة المعمارية فأشوف بإنها أحسن للبنت من الهندسة المدنيــة .. وتختص هالنوع من الهندسة بالديزان الداخلي للمبــاني وكيــف التوزيع والترتيـــب .. يعني ذوووووق بعص المدنيــة اللي تعتمد على الطابوووق والاسمنت

امممم شي بعد نسيتــه

ما اعرف برجع بعدين اذا ذكرتوني باللي نسيته

والسموحه

موفقة دمووع قلم

..

[عفاريتووو]

السلام عليكم


مثل ما قالولج طب الاسنان مب موجود في جامعة الامارات
بس موجود في الشارجة و عيمان

جامعة الشارجة يطلبون توفل
و اذا ما عديته تاخذون كورس انجليزي
و معدلج لازم يكون فوق الـ 80
بس كل ما كان اكثر تكون لج الاولوية لو كان العدد كبير

عقب ما تعدين التوفل
أول سنة تكون سنة تأسسيسية
و اللي هي اصعب سنة
تاخذون فيها نفس مواد بنات طب البشري و الصيدلة
و المواد اللي خذناها
English for medical science 1
English for medical science 2
Biology for medical sciences 1
Biology for medical science 2
Biology lab
Chemsity for medical sciences 1
Chemistry for medical sciences 2
Chemsitry lab
Physics for medical sciences
Physics lab
و تاخذين بعد كم من مادة من متطلبات الجامعة

عقب ما تخلصين اول سنة بترتاحين
على فكرة يفكرون انهم يلغون هالسنة حق بنات طب الاسنان
ضيعوا سنة من حياتنا :(

من السنة الثانية تبدين في التخصص
و بيكون عندج اربع مواد اللي هم
Dental Biology
( أحياء ,, فيها محاضرات و مختبرات )
Dental Health Sciences
( محاضرات و لابات )
Dental Clinical Practice
( محاضرات و لابات و عيادات )
General Studies
( هالماة كل فصل تكون عن شي مثلا الفصل اللي طاف خذنا احصاء
و هالفصل فيزيا ,, بس نظام المادة هاي self learning
يعني ما فيها امتحانات بس يعطونج كويزات او اوراق تحلينها في البيت
عادي تدورين من النت او من الكتب بس المهم مب من ربعج
و مافيها درجات تكون passاو fail )

امم هيه و من ثاني سنة اللي هي اول سنة تخصص
تبدون تسوون حشو ع الاسنان بس على models
و عنا clinic تقريبا كل اسبوع نطبق اللي خذناه على بعض
تكونون 3 في قروب ,, وحدة المريضة و ووحدة الدكتورة ووحدة المساعدة و تبدلون الادوار

يعني باختصار هو حلوو و ما ينمل منه

و نفس المواد اتم وياج 3 سنوات ,, عقب اخر سنتين يكون عندج بس مادتين
اللي تكون تدريب و جراحة في المستشفى اللي بيبنونه في الجامعة

اممم و شو بعد
الدراسة مب صعبة
يعني كل اللي تاخذينه تطبقينه فيلصق في راسج

وكل شي ناخذه هو من جامعة أديليد في استراليا

امم و بس
اي سؤال عندج نحن حاظرين

..

تخــصص طـب الأسنـان..
لكـن للأسـف اللي حولهـا يقـولون لهـا انهـا مو ويـه الدراسـة.. ويـه بيـت وأمور الحيـاة ووو.. !!!
فـ كيـف تبـا تـدش الطــب .. يعنـي لازم البنـت تقـدر تـوازن بيـن حيـاتها العادية والدراسيـة..

لوول ,, نفس الشي كانو يقولونلي انتي مب ويه دراسة و هالكلام
عشان جي دشيت هالتخصص عشان اثبتلهم اني ويه دراسة لول
بس الحين صدق حبيت هالتخصص
و بالعكس ماجوف دراسته وايييد,, شرات اي تخصص ثاني
و الدكاترة هناك متفهمين و مريحينه ع الآخر



اهم شي استخيري و الله يوفقج ^_^

[عفاريتووو]

هيه و نسيت اقولج الدراسة 6 سنوات

سنة تأسيسية + 5 تخصص

[دموع قلم]

بنـوتـة ورديـــة ..
اهــااا عيــل مـاشي غيـر جامعـة الشـارجـة أو عيمـان ..
مشكـورة أختـي عالمعلـومـة ..

المنصــوري ..

اهــااا.. يعنـي مانفكـر من ناحيـة الدرجـات.. نفكـر من ناحيـة الميـول والرغبــة ..
بـس جـاان زيــن شي تخـصص كلـه يعتمـد على ريـاضيـات وحسـابـات.. بيكـون كشخـــــة.. بدرس وأنـا مستـانسـة.. !!

هيـه ربيعتـي بعـد وحليلهـا تبـا تـدش هندسـة معمـاريـة.. تحـب تـرسم وتخـطط ..
بـس يبـالنـا نيلـس في سكـن جامعـة العيـن إذا ودنـا نـدش هالتخـصص.. أو جامعـة الشارجـة.. !!

تسلـم أخـوي على الـرد الطيـب.. وحيـاك بأي وقـت..
وعسـى ربـي يـوفقك في دراستـك وحيـاتـك

[دموع قلم]

عفـاريتــووو ..

مــا شـاء الله عليـج.. تـدرسين طـب الأسنــان.. !!
وووتـدرسيـن في جامعـة الشارجـة ولا.. ؟!!


اهــااا يعنـي البـدايـة تكـون شـوي صعبـة وبعـدهـا بـالتـدريـج بتتسهـل علـي الدراسـة ..

اممممم الصـراحـة كـلامـج شجعنـي وحسسنـي أن الطـب مو شـي صعـب لـذيـج الدرجـة ..
ولا انهـا معقـدة .. بـس يبـالـه شـوي دراسـة وهمـة ونشـد حيلنــا فيـه .. كـلامج واااايـــد
عيبنـــي.. والحمـدلله لقيـت اللي يـدفعنـي للجـد والاجتهـاد.. وطبعــا بصلـي الاستخـــارة قبـل
مـا أبـدأ في أي قـرار ..


أوووه .. وأنا الود ودي تقـل مـدة الدراسـة.. وإلا هي الحيـن 6 سنـوات.. !!
ووو يعنـي الحيـن إذا بـدش طـب الأسنـان.. إما أدرس في جامعـة الشارجـة أو عيمــان .. ؟!!

..
..


ومشكـوووورة أختـي عـالمـبادرة الطيبـة والرد اللي أسعدنـي..
وإن شاء الله إذا في بـالي شي ما بتـردد..
ربـي يـوفقج ويحفظـج دايمــا

[المنصوري]

عيل اتخصصي مااااث ( شي تخصص رياضيــــااااات )

[عفاريتووو]

وووتـدرسيـن في جامعـة الشارجـة ولا.. ؟!!

هيه ادرس في جامعة الشارجة
و النظام اللي قتلج عنه هو نظام جامعة الشارجة

اهــااا يعنـي البـدايـة تكـون شـوي صعبـة وبعـدهـا بـالتـدريـج بتتسهـل علـي الدراسـة

أول سنة صعبه لانه تاخذين فيها كل شي
بس من ثاني سنة يوم تبدين في التخصص ما بتحسين انه صعب
لانه كل شي ناخذه شوي شوي ,, يعني حبة حبة لوول

أوووه .. وأنا الود ودي تقـل مـدة الدراسـة.. وإلا هي الحيـن 6 سنـوات.. !!

لين الحين هي 6 سنوات ,,يعني اكثر عن جامعة عيمان
و قالنا العميد ان بيكلمهم يشلون أول سنة
بس متى مادري .. !!

..

و ها الموقع
http://www.sharjah.ac.ae/academic/

[دموع قلم]

المنصـــوري ..

شـي تخـصص ريــاضيــاات ..؟!!
أي تخـصص هـا.. ؟!
وويــن.. في أي جامعــة.. ؟!

إذا عنـدك موقـع أو مكـان شي جيـه استفسـر منـه.. أبيـه..
مشكـور ومـاقصـرت.. واسمحلـي تعبتـك ويـاي..







عفــااريتــوو ..

تـرا شـي وحـدة من أهلنـا تـدرس في جامعـة الشارجـة وتقـولي أدرس عنـدهـا ..

هيـه اليـوم كنت نـاويـة أدش على موقـع جـامعـة الشـارجـة وأطالـعه ..
عـالعمـوم مشكـورة ومـاقصـرتي عالمسـاعـدة واسمحيلـي خذيـت من وقتـج ..
وإن شاءا لله إذا عنـدي أي استفسـار بعـد.. بخبـرج..

..
..




السمـوحـة منـكم ..

[المنصوري]

الجامعة الأمريكية في الشارقة واعتبــاراً من السنــة الدراسيــة القادمــة راح تفتح تخصص رياضيــــــاااات ’’

وما اعرف بخصوص جامعة الإمارات .. أتوقع عندهم بس لازم حد يدرس بالجامعة يأكد لنــا هالخبــر

وتخصص الرياضيــات موجود في أغلب الجامعـــات العالميـة الراقيـــة ’’

والله يوفقج

..