هــــــــــلا ..
"أخوي الفارس"
المثل يقول من راقب الناس مات هما يعني لو انا بيلـس أشوف كل واحد وشو يقول وبحط نفسـي مكان
الشخص اللي يقصده إن وجد يعني بتعب لأن مابيتم حد مابفهمه غلط وإرضاء
الناس غايه لاتدرك وكل إنسان ممكن إنه يغلط
لأنه مب معصوم لكن
الواحد إذا غلط لازم يعتـرف بالغلـط اللي سواه جدام النـاس مب يكابر ويبيـن إنه ماسوى شي وهو فـي
داخله مب متأكد من هالشي ولاتنسى (خير الخطائين التوابون) والموضوع
مايحتاي منك كل هالعصبيه بالعكس المفروض
تكون حليم في مثل
هالمواقـف وتحكم عقلـك مب إنفاعليتك وإذا عندك أي تظلـم ضد أي حد تقدر ترفعـه للمشرفين بالأدلـة
والبراهين عن طريق الخاص بدون ما تأثر على الجو العام وإذا لك حق
مابيضيع إن شاء الله بس لاتعكر جو الواحات
كلها بسبب خلاف بسيط
أو ماضي بعيد بينك وبين أي حد ترا مهما كان في كلمات عيب خواتنا يسمعونها في مكان عام مثل هذا
واحنا ماتعودنا على هالشي من دخلنا هالمكان ومانبى هالشي يتغير مهما
صار وياما صارت خلافات مع غيرنا بس
ماطلعنا من طورنا
ولا تهورنـا ولا قلنا كلام بشـع في حقهم لأن كلنـا اخوان في النهاية والدنيـا ماتسوى هذا كله ومانبى
عادات الجاهليه تطلع فينا مره ثانيه ولا نرجع للهجاء وغيره وأتمنى إذا كنت
منفعل وايد تاخذ لك فترة نقاهه تريح فيها أعصابك
وعقب ترجع وتناقش
المشرفين بخصوص هالموضوع وكل مشكله بحلول ، العصبيه عمرها مابتحل لك أي مشكله ولا
بتريحك من أي هم بالعكس بتزيدك وبتعبك صحيا وبتأثر عليك في المسقبل
وكلي أمل إن اللي صار مايتكرر منك أو من أي
حد في هالواحات الطيبه
الاســـطـــوري
أخوكم
رد مع اقتباس
مواقع النشر (المفضلة)