السلام عليكم يا أهل الواحات ،، شحالكم عساكم بخير ^ ^
الويك أند اللي طاف سرنا البر ،، هممممممممممممم اللي بين أم قيوين وراس الخيمة =)
وصورت كم صورة ،،
قلت أنقلها لكم ..
أخليكم مع الصور :-
لون السما + العشب = كشخة ،، حبيت الألوان ههههه
** سفـــيـــنــــة الصـــحــراء **
هني حليلها سفينه الصحراء ،، بس هيكل هههههههه
طبعاً ،، أنتوا إذا قلتوا "الــبر" عقب الأمطار ،، يعني لااااااااااااازم الواحد يلقط حماض ^ ^
وهني باباتي سار يحوط شوي ،، ورد إيده جيه ،، جان أقوله ،، أوقف أوقف // إلا أصورك قبل ما يطيح لي في إيدك خخخخ ..
هذا أخويه الصغنطوطي ،، وأخويه وولد عمتي يالسين يسولفون فوق الدعثور ،، بس بو المشاكل خخخخ ،، يصعد لين هني ،، ويتعب وإييلس ،، ويرد ينزل !! ويرد يصعد ،، وإييلس نفس المكان خخخخ
وهني أخويه ومحاولات للصعود
بائت طبعاً بالفشل لعدة أسباب ،، أهمها أنه الGMC موتر ثجيل ،، مايروم يصعد ..
هني تشجعت وركبت وياه خخخخخ ،،، ولأول مرة سقت الموتر فالبر ^ ^ ...
الموتر تعب ههههههه ،، قلنا نريحه شوي ^ ^
خلاص شلينا عمارنا ،، وقلنا خلاص بنروح ..
وطبعاً ،، قبل ما نرد البيت لازم نمر ناخذ
** آيس كريم تووووووووووت قوم بو نص خخخخ **
أتمنى الصور تعيبكم ،،
وأرحب بكل الانتقادات ^ ^
رد مع اقتباس
المشاركة الأصلية كتبت بواسطة قلوب دبي
أديييته انـا 
مواقع النشر (المفضلة)