لووووومينا !

[ولد الشحوح]

مرحبا الساع
شحااااااااااااااالكم
بس بغيت أسألكم شو رايكم في اللومينا اليديد حد جربه .... ؟!؟
انا ناوي بإذن الله اشتري موتر وميزانيتي 120 وتحت .... محتاج نصايحكم ؟!؟
ع فكرة انا حاط فبالي بعد الاكورد ستة سلندر
شاكر لكم المرور

[مايهزك ريح]

مرحبا ولد الشحوح ..
انا كانت عندي موديل 2000 وبعتها .. وكانت اوكيه ..
والحين عندي موديل 2006 كوبيه اس اس .. ما شفت لين الحين اي مشكله .. بس بالنسبه لليديده احسبها بتكون نفس الشي ما اعتقد انه فيها تغييرات .. اللي زادوه انها 360 حصان والجديمه 350 ..
وحطوا فيها MP3 وليتات اعتقد زينون مب متأكد .. ويقولون مدخلين navigation بس مب القوي .. عادي ما فيه زود .. مجرد يمين يسار ..على حسب كلام الريال اللي في الوكاله .. وبس ..
ما فيها شي غير وعموما اللومينا سياره حلوة .. وعن استخدام شخصي ..
ما تصرف بترول .. صرفيتها في البلاد مثل صرفية موتر 4 سلندر ..
وانا جربت ليبرتي واليوسف .. كلهم اوكيه ..
توكل على الله ..
وسعرها ( اللومينا اس اس فول اوبشن 129 ألف )..
التأمين تقريبا 8000 درهم .. ( انا مأمن عند المتحدة للتأمين ..وعندك العين الأهليه بعد يأمنونها .. )

والسموحة ..

[العجيبة]

فظييعه والله

لو بتاخذ .. خذلك وحده حمرا وتعال حط لها رقم أحمـر - أبوظبي .. شي عجييييب ..

والله يوفقــك ..

[شرجاوي]

اللومينا اليديده فيها شي غريب .. و هو ان الكابرس اليديده دايم اتطوفها .. عالماشي و الواقف و ريوس بعد ... و صرفية البترول احسن عن مليون سياره يابانيه ... انصحك بالكابرس اس اس و اللومينا حلوه بعد و مبروك مقدما ..

ما يهزك ريح .. اللومينا عندك جير عادي ولا توماتيك .. و شو المشي ويال4 ابواب

[مايهزك ريح]

اللي عندي جير اتوماتيك .. بس تغسل ال4 ابواب خخخخخخخخخخخخخ
وعليها من الوكاله غزوز سيستم جنها مزوده ..يعني على كيفك ..
و وقفوها السنه عشان بينزلون الكومارو ..فما يبون منافس ..
ويمكن يردون ينزلون منها على 2010 .. يالله بحياه لين هذاك اليوم ..

بس تعال بقولك شي .. اللومينا اللي تنزل برا 6 جير اتوماتيك .. وعيال الذين ينزلونها عندنا 4 جير بس .. اسميهم قاهريني ..

[شرجاوي]

6 غيار و تبترونك بعد و هنه قاصين علينا عيال الذين ... هالشي اللي خلاني اهون عنها ... الكمارو بينزلونها و سعرها بيكون 180 الف تقريبا ..

[ذنـيـنـي]

خيييييبه 180 بيكون سعر الكامارو

احيد ابويه كان عنده وحده ماخذينها على 93 الف لول, يلد و T top
وين ايام قبل P=

[ولد الشحوح]

اشكركم ع المرور والنصايح وإن شاء الله باخذ اللومينا ...

[المزوحي]

مبروك ....

[مايهزك ريح]

واااااااال 180 الف ..واايد .. وعلى كمارو.. الله يرحم .. ايام اول ..
اتصدق كنا شارين كابريس سنه 90 بـ 68 ألف فول اوبشن .. والحين سير شوف الكابريس ابكم .. وصل 140 الف ..

[ولد الشحوح]

للأسف يا جماعة الخير ما باخذ اللومينا لان ميزانيتي ما بتكفي 130 والتأمين ها من غير فوايد البنك ... خاطري فيها بس لعله خير قدر الله وما شاء فعل
بشو تنصحوني ...

[مايهزك ريح]

مرحبا ولد الشحوح .. اخوي عندك الجارجر .. دودج تبدأ من 80500 .. لين 130 ألف .. تنقى اللي تعيبك ..
وبعد شركة جيب منزلين جيب يديد وصغير وسعره في حدود 80 ألف ..

الكرايسلر 300 C غاليه الفول اوبشن سعرها 156 ألف ..

عندك الهوندا اكورد ربيعنا شارنها بـ65 ألف بس ما اعرف اي وحدة ..

الأوريون تويوتا .. حلوه بس ما عندي معلومات عن سعرها ..

اللكزس الصغيره ال IS الفول اوبشن ب 139 ألف .. يعني اذا تقلل الموصفات يمكن ايكون سعرها اوكيه ..

الميتسوبيشي جالانت .. شكلها حلو .. بس ما عندي معلومات عن سعرها .. اذا حصلت بحط لك ..
والسموحة منك حبوب .. بس ها اللي يحظرني احين

[شرجاوي]

من هالمواتر ارشح اللكزس .. الصراحه فخمه و قويه و سعرها ( شوي ) غالي

و الجارجر لا تقرب منها ... مافيها شي يدل على الفخامه

[ولد الشحوح]

اللكزس أغلى عن اللومينا ..... الميزانية للأسف ما تسمح
بغيت أسأل عن الزد والموستنج بكم اسعارهم وشو رايكم فيهم

[مايهزك ريح]

Z350 upto 140 thousand
mustange 127 thousand as far as i know :P