افلام كرتون القديمة

[بنت النوخذه]

السلام عليكم

طبعا الكل يعرف افلام الكرتون اللي تابعناها يوم كنا صغارية مثل سيدة ملعقة والفتى النبيل ونينجا وبرين وغيرهن الكثير الكثير

الزبدة من الموضوع ان انا ادور على هذي الافلام مب لاقيتهن ابغيهن ضروري سواء اني اشتريهن او احملهن

اللي يعرف عنهن يخبرني


وتسلمون

[طير الحب]

شيء هالمحلات الي تبيعه السي دي على 10 بس صراحه ما اعرف بالضبط وين شيء في البريمي والمنامة

[الحاضر الغايب]

امممممممم حصلت موقع يبيع هذه الرسوم .. بطرش لج اللنك على الخاص

[فركوشه]

انا عندي كبامارو..كاااااامل

بس سايز الحلقه الوحده عووووود.. وحاولت اني احملها مب راضييه.. :(

بنحاول مره ثانيه..

[نجمة دبي]

اعتقد في مسافي بتحصلين ..

[الصامت]

اختي في استوديو اذكر في الشارجه اسمه استوديو الاميره ما اذكر وين هو بالضبط لاني ما اندل وايد في الشارجه بس اضن اذا كان اسم المركز الي موجود فيه صح ولا لا ( اضن اسم المركز حلوان
)

وهذا الموقع مالهم

http://www.alamiravideo.com/

[بنت النوخذه]

طير الحب
الحاضر الغايب
فركوشة
نجمة دبي
الصامت

اشكركم على تفاعلكم معاي
ان شاءالله بشوف كل اللي قلتو عليه وان شاءالله خير

[بن دبي]

السلام عليكم

انا عندي اغلب الرسوم الجديمة بس عندي على الجهاز انا ممكن احملها لكم على التورنت لو حابين بس خبروني باسم الرسوم ..

بن دبي

[الدلووووعة]

كششششخة بن دبي
نبا طمطوم ^_^

[بن دبي]

انا بحط أغلب الرسوم يلي عندي .. جريب

[الاسطوري]

ماتقصر بن دبي

[تنينه]

تسلم والله وما اتقصــر ؛؛


انا اباااااااااااااا رسووووم ماروكو لو عندك ^.^ ,

[حلم الطفوله]

مشكور بن دبي

جان عندك رسوووم هايدي والقصص العالميه الأوليه زين

[الـيـاه]

لول ع قولة بنت عموه ما بخلي عيالي مطورين .. برقدهم على هيا هيا قريندايزرررر هههههه

[خيال الروح]

ابى رسوم
وادي الامان

: