شو أحسـن كيمره موجوده في الـسوق حاليـاً؟

[شمعة أمل]

الـسلام عليكم ورحمة الله وبركاته


الويك اند الى طاف كيمرتي الكبيره اوفشلييي اختربت .. يعني استاهل كيمره عوده حلوه كبيره يديده كـهديه


حـالياً .. اختي عندها النيكون d400 ..ويقولوون انها .. بس طبعا .. انا سبيشل ولازم كيمرتي تكون احسن عن كيمرتها

يعنيي

بالمختصر

يوم ييبولي كيمرتي اليديده .. اباها تقوليي شمعوووه كيمرتج فنانه احسن عن كيمرتي

السـعر مب مهم .. لانه هدية يوم ميلادي من باباتي *بس مب سعر ماصخ يعني نفس خمسين ألف ولا شي جي!!*

ف

لو سمحتو .. خبروني شو احسن كيمره موجوده في السوق حاليا .. واحسن عن كيمرة اختي بمليون مره .. وماتكون صغيروونه .. تكون من هالكيمرات السود الكباار


وبس

[بنت ناس و عرب]

Canon 5d

اختج عندها نيكون ٢٠٠ d

[ذنـيـنـي]

دام انه اختج عندها نيكون, خذي نيكون شرات الي عندها
بس خذي عدسات احسن من الي عندها مع اكسسريز و جي

في نفس الوقت ممكن انكم تتبادلون العدسات مع بعض و جي,
يعني في النهاية بتستفيدين من اختج, خليها تاخذ العدسات و انتي استخدميها عنها D=

[المزوحي]

لو افهم في سوالف الكاميرات جان نصحتج

بس اظن في شي اسمه اس ال ار من سوني ...

مادري عاد من هالنوعية تبين .... وإلا غلطان في النمره .......!

[شمعة أمل]

ذنيني عندها عدسات وجي .. بس مابا مثلها .. لازم احسن p=


المزوحي علمي علمك لول .. استويت ماعرف شي في التصوير والكيمرات p=

[ذنـيـنـي]

عيل خذي Canon 5D

بس خلي في بالج انها مب خفيفة
فيها وزن, لكنها صدق quality product

بتكلفج مع العدسة "الممتازة" الي معاها 16 الف تقريبا

[ذنـيـنـي]

او اذا تبغين خيار الرخص بشوي

خذي Canon 30D بس بدي, بدون عدسه

مع عدسة Canon 24-105 F4 IS

و فلاش 580

و بيكون عندج كاميرا محتررررررممممممممممممة

[شمعة أمل]

الحين شو احسن احسن احسن احسن شي في السوق؟

[ذنـيـنـي]

Canon mark II Ds

16.7 ميجا بكسل

السعر تقريبا 25 الف درهم


عدسه 100 ماكرو

السعر 2000 درهم


عدسة وايد آنقل canon 17-40 L الـ L معناها Luxery

السعر 2500


عدسة للاستخدام الدائم

Canon 24-105 L IS

السعر 3700 درهم


عدسة زووم

Canon 70-200 f2.8L IS
اسرع عدسه زووم موجوده, و هي نفسها الي يستخدمونها لتصوير السباقات

سعرها 7000 درهم


و خذي فلاش كانون 580 سعره 2000 درهم على ما اذكر


يعني التوتال 42 -45 الف درهم

اقل من 50 الف درهم,, مع افضل عدسات موجوده في العااااااااااااااالم
و الي هي كانون L

اذا وايد غالي قوليلنا كم الـلـِميت مالج و بننصحج على حسب اللِـميت

[الاسطوري]

السلام عليكم ..

الكيمرة بروحها ماتطلّع صور حلوه مهما كان نوعها ومهما كان سعرها فـ أنصحج
بـ كيمره وسط تلبي الطلب وتتعلمين عليها وتتقنين إستخدامها
وتكون متداوله في السوق وتكون
على قد حاجتج يعني مايحتاي تاخذين كيمره غاليه ماتفيدج بشي وفي النهاية
تملين منها وتحطينها في بوكس زجاج كـ ديكور للبيت ،،
فكري بتأني ولا تتسرعين !

الاســـطـــوري
أخوكم

[ذنـيـنـي]

السلام عليكم ..

الكيمرة بروحها ماتطلّع صور حلوه مهما كان نوعها ومهما كان سعرها فـ أنصحج

بـ كيمره وسط تلبي الطلب وتتعلمين عليها وتتقنين إستخدامها
وتكون متداوله في السوق وتكون
على قد حاجتج يعني مايحتاي تاخذين كيمره غاليه ماتفيدج بشي وفي النهاية
تملين منها وتحطينها في بوكس زجاج كـ ديكور للبيت ،،
فكري بتأني ولا تتسرعين !

الاســـطـــوري
أخوكم

كلام الاسطوري صحيح،،

خذي كاميرا تناسب احتياجاتج،،
لأنه المسألة مش مسألة تحدي، منو كيمرته احسن

اذا تبغين نصيحتي، خذي Canon 30D مع العدسة الي قلتلج عنها في الردود السابقة


الأسباب الي خلتني انصحج بهذه الكاميرا هي انها اولا مب ثجيلة،، الـ مارك II واااايد ثجيلة و صدقيني عقب فتره بتطلعلج عظلات بسببها

ثانيا الكنترول فيها سهل، بعكس الـ الكاميرات الي وااايد غالية الي تكون مصممه للمصورين الـ واااااااايد بروفشنال، للجرايد و لتصوير الاعلانات و البوسترات

ثالثا الكاميرا هذه واااااااااااااايد سريعة تاخذ 5 frams/second و البدي مالها metal يعني وااايد قوية و heavy duty

رابعا، ما في سبب في العالم يخليج تاخذين اقوى كيمرة في السوق الا اذا كان عندج شركه اعلانات و تصورين بوسترات ((للبنايات))


و لا تنسين، المصور هو الي يصنع الصورة، مش الكاميرا
الكاميرا مجرد وسيلة لنقل الصورة الي المصور متخيلنها

[قلوب دبي]

عليكم السلام ورحمه الله ...

من خلال هالموقع تقدرين تتعرفين على احدث اصدارات الكانون و مواصفات الكاميرات اللي عندهم
وما شاء الشباب ما قصروا في ردودهم ..

http://www.usa.canon.com/consumer/co...categoryid=113

[مايهزك ريح]

مرحبا شمعة امل .. happy birthday مقدما ..
هذا السايت فيه review عن معظم الكاميرات اليديده .. تنقي اللي يعيبج ..

http://www.dpreview.com/reviews/stats.asp


...GoOd LuCk ... ^_^!!

[شمعة أمل]

ذنيني
خمس واربعين ألف! وايد غالي
مابا فوق ال خمس وعشرين الف
شكل ال دي30 اوكي ..
شو الفرق بين الدي 5 و30 بالضبط؟


الأسطوري
صح اني مب بروفشنال .. لكن ما أمل من كيمراتي
ومابخذ وحده واااااااايد غاليه


قلوب دبي & مايهزك ريح
بجييك المواقع وبجوف لو أحصل شي

[بنت ناس و عرب]

تقدرين تعرفين الفرق فهالوصله

http://www.dpreview.com/reviews/canoneos5d/

طبعا فيه اختلاف في السينسور الفايف 5d is full frame

12.8 pixel

iso start from 50 الكيمرات الباقيه يبدا من ١٠٠

كملاحظه عامه انه 5d for professionals

و ال ٣٠ دي \ ٢٠ دي \ ٤٠٠ دي \ ٣٥٠ دي

للهواه