موضوع مهم وحساس جدا..أرجوا المشاركه..

[العجيبة]

هلااا

هل لو انخطبتي بترمسين خطيبج ع التليفون والا لاء؟؟؟؟
ويوم بتكلمينه هل بيكون هالشي بينكم يعني من دون ما اهلج يدرون والا بتكلمينه مع علمهم؟؟؟؟
وهل تظنين ان اهلج بيوافقون انج تكلمينه؟؟؟؟
واذا كلمتيه شو من المواضيع بتتكلمون فيها؟؟؟؟
وهل بتكونين جريئه معاه؟؟؟؟

بخصوص اذا انخطـبت ..
أرووح أكلمه وأدق سوالف وياه .. قـويـّـة
بيقول بلاها هاي مب شايفة خيــر !!

برايي ..
إنـه المفـروض ما يتكلمون مع بعض دام ما في بينهم أي رابط شرعي ..
بس الظاهـر المفروض شيء والواقع شي مختلف تماماً ..

[بنوتة جميرا]

الملهم
ماكنت موجوده في المنتدى يوم انت كتبت الموضوع

المهم من حقك طبعا اترمس خطيبتك
بانك اتسير بيتها وتقعد معاها بوجود حد من اهلها
يعني ماتقعدون بروحكم..لازم عزول..خخخخخخ..
بس عالفون وايد صعبه
وفي اهالي مايرضون بهالشي طبعا

ثانكس اخوي ع المشاركه

[بنوتة جميرا]

الملهم
كلامك صح
الخطيب ممكن يشوف شعر خطيبته اول مره بس
ومب كامل
يعني بس اتظهر قصتها من جدام شوي
وبعدين اهله بيخبرونه اذا شعرها ناعم والا لاء
لانهم بيشوفونها وما بيخشون هالشي عن ولدهم طبعا

وثانكس مره ثانيه

[المزوحي]

كله يرجع على طبيعة العايله ..

يعني لو خطبت .. وأهل الخطيبة يرضوون إني أكلمها .. بتكلم ... وفي مواضيع عادية

ولو أهلها مايرضون ( المفروض هي ماتكلم خطيبها ) ... عسب ماتعطيه المجال ..

ولو إنه مب حرام ... لأنه لو قالت له أكلمك من دون شور هلي ... مهما كان ما بعيبه هالشي

حتى لو ما خبرها ... لكن مافي مجال يقولها مثل ماكلمتيني بتكلمين غيري .. لأنه اولريدي مخطوبين

ومافيها شي لو تكلمت عسب اعرفها بشكل عام ... وفي ناس تفسخ الخطوبة ... لعدم ارتياحهم لبعض

والبعض مايسوي خطوبة من الأساس .. على طول الملجة وفي هالفترة يتكلمون ..

[بنوتة وردية]

اهاااااااا السالفة جي

أكيد في عايلتنا ما يخلون البنت ترمس خطيبها

واصلا لو يبون يتعرفون ع بعض

الأهل ما يقصرون يسألون عن الريال كل شي

والسموووحة منج لاني فهمت الموضوع غلط

[شمعة أمل]

بنوتة جميرا & همس الدماني
همممم.. مادري .. لانه حاليا من بين كل الى شفتهم انخطبو من العايـله .. ولا وحده رمست خطيبها الا من بعد الملجه ..
ف عشان جيي
هو صعب عندنا ..بس اتمننننننننننننننى هالشيييييي ..

[همس الدماني]

السموحه بنوتة جميرا
بس عادي لو ظهرت كل شعرها و

طبعا ها بحسب الرغبه

اصلا شو الفرق لو ظهرت قصته او كل شعرها

ترى القصه بعد شعر ولا شو؟!؟

[بنوتة جميرا]

المزوحي
كلامك صح على حسب العايله
بس اغلب العوايل في مجتمعنا لازالوا محافظين
ويرفضون هالشي رفضا باتا
بس عندك الشي الثاني اللي ممكن تستعيض عنه بدل ما تكلمها بالفوون
انك اتروح عندها واتقابلها وتقعد معاها
هالشي افضل من وجهه نظري

والنقطه الثانيه انهم مخطوبين واكيد ما بيقولها انج كلمتي غيري
هذا بعد على حسب الشاب
لو كان شكاك اكيد بيقول

شكرا اخوي ع المشاركه

[المزوحي]

بنوتة جميرا

بس أحيانا الشاب يبين لخطيبته ( إنه مافيها شي لو تكلمنا - ونحن مخطوبين ) وتسوي اللي هو يباه

( إنهم يتكلمون ويتعمقون في مواضيع ) وعقب ما يشبع ... بيقول إنه هي سهله ...

وممكن ماتعيبه ( طبعا مب الكل .. البعض ) .. بغض النظر عن إنه يكون شكاك ..

[تحفه]

لا مابرمسه ,, هم يختارون الي يعيبهم ونا اعرف انهم ما بيوافقون على اي حد إلا وهم شاخلين ماضيه والـ CV ماله لووول

[المزوحي]

احسن لج ( بوظبي ) لوووووووووول

[تحفه]

شو يضّحك الحين؟

[المزوحي]

بسم الله .. حد قال شي .. يا أميييييه .. أقصد

أحسن لج اللي تقولينه .....

ومهما سألو عنه ... يمكن معاملته لج تكون غير ...

sorry ..

[تحفه]

بسم الله .. حد قال شي .. يا أميييييه .. أقصد

أحسن لج اللي تقولينه .....

ومهما سألو عنه ... يمكن معاملته لج تكون غير ...

sorry ..

ليش تقول بسم الله؟

ليش حطيت نقطتين نقطتين نقطتين .. ليش ليش ليش ليش ليش

[الـيـاه]

بنوتة جميرا
منو قال أنه أنا بتزوج واحد وما أخليه يجوفني لول .. فهمتي غلط ! مستحيل اصلن
لازم بجوفه

بس اقصد مابيقدر ايي بيتنا اكثر من مره .. يعني هي مره وحده عسب يشوفني
لكن يوم حد من الأهل بقدر ايلس وياه كمن مره وأعرف كيف هو أكثر قبل الملجه ..

وعادي انا ما اقول انه مايستوي ياخذون برع العايله
لكن انا ارمس عن عايلتنا
هم عادي عندهم ياخذون من برع العايله .. بس أنا أحس جي