:: عضو في ورطه ::

[الـيـاه]

صح حتى أنا أبا صور حلاقك - خنفروش لوووول XP

[تنينه]

باباتنا خنفروشكااا هناااا

انزين انا انا ابـى اطلب بـعد

خنفرووشـكا صـور لنا أغـلى شي عـندك يعني سـواء من هديـه او تـذكار او اي شي غالي عـليك

نترياا الصـور ولاا

[عهد الوداع]

شو سالفته خنفروش ليكون شرد ,,,

نحنا وراك وراك خخخخخخخخخخخخ

يالله تعال

[المحاق المشتعل]

ألم ترى شرد بس خنفروش لا لأنه يخاف مني ( عضو في المافيا سابقاً )

بيحصل نفس التكفيخ إلي حصله قبل

[خنفروش]

حسبي الله على ابليسكم \\ انا وين بوبل على هالطلبات \\ اولا ً لازم اتعرفون انا ما اعرف اصور \\ وسرت بصور طلب المحاق يودني راعي الكافتيريا و كفخني تكفيخ \\ ما خلالي ولا شعره في راسي \\ حسبي الله عالمحاق - الهندي يتحراني مال البلديه حاولت اوضح له اني مب من البلديه و هو ما عليه مخالفات و انا اصور للمنتدى وقلت له واحات بن دبي و هذا طلب المحاق المشتعل هو مافهم من كلامي الا مخك مشتعل و قال لي مخك انت مشتعل انا خذت لي ساعه اقول شو العلاقه و الهندي يالس عالكشه يمصع شعره شعره \\ كنت بصوره لكم على اساس انه هو الحلاق خخخخخخخخخخخ

انزين بس عطوني فرصه \\ لاني متورط هالفتره بس والله طلباتكم حلوه و ما تنرفض فالي بقدر عليه بنفذه على طول بدون اي جدال و انتوا عليكم ترضون بالصور \\ يعني محد يقول الصور مب واضحه و الا خنفروش بلاك تهتز و انت اتصور \\ و مثل ما قلنا حاضرين للطيبين

[المحاق المشتعل]

ههههههههههههههههههه


خنفروش فطستني من الضحك

اعوذ بالله من ابليسك

احينه الهندي مسكين شو دخله وحليله

شكلك انته عاطنه ربيتين في اييد ومقص في الايد الثانيه

عشان يطلع في الصوره هو الحلاق مالك لكن اقولك ..

ما تركب عاده ... حلاق شال شوربه في قلاص اب اييد

والإييد الثانيه شال مقص .. حضرتك تبا اتسولنا شامبو 2 في 1 ولا شو .. شو العلاقه

وبعد تعال وين صورة البنايه البنفسجيه مال ام خنور ؟؟؟؟

لا يا عمي مافيييييييه

هاي المره انا و الهندي مال الكانتين بنتناولك جهز عمرك عاد

[ألم ترى]

ههههه عيش العذاب اللي عشته ويا راعي البقاله !

[عهد الوداع]

هههههههههههههههه

الله يكون في عونك ,,,

شده وتزووووووووووووووووووول

[مــهــابه]

اتريا انا

[ا ل غ ل ا]

waiting

رغم أني ما أطلب ولا أبهدل الخلق بالطلبات ههههه

[بنت الدلع]

اويه
الحقو على خنفروش
عن يكون الحلاق مسوي به شي P:

[الـيـاه]

هههههههههههههههههههههههه بموت من الضحك ع الـرد .. حسبي الله على بليسك D=

[خنفروش]

حسبي الله و نعم الوكيل \\ صدق حسيت اني في ورطه \\ بقول لكم كيف \\ هذا الله يسلمكم خنفروش مب ما يعرف ايصور بس لالالا \\ حتى رفع الصور لازم استعين فيه بصديق \\ انزين هاتوا لي هالصديق \\ الله يسامحك يالي فبالي \\ اتصل به ما يرد علي \\ حرقت تيلفونه حراق \\ ما يرد يشوف الرقم ويضحك و يضغط صامت \\ انزين قلت بشوف راي الجمهور \\ قام الاخ يتصل بي و متى عاد يوم انا راقد و إذا اتصل بي و تاخرت عليه خمس دقايق كانه ما كان يتصل عنبوه \\ مب ورطه هاااااااي \\ مفتشل ادش الواحات خخخخخخخخخخخ \\ لا ويوم عرفت الطريقه بروحي \\ الاخ قام يتصل بي ويرد بعد طبعا لازم اعامله بالمثل \\ خو اللذينا خلا موبايلي ايعطب من كثر ما يتصل \\ المهم بختصار \\ زغرطي يالي بتعرفي اتزغرطي خنفروش ياب الصور طبعا مع الاعتذار لبعض الاعضاء الي بيغيرون تواقيعهم خخخخخخخخخ

[العجيبة]

ههههههه وين الصور انزين

[خنفروش]

هاي البنايه البنفسجيه او قبل لا يصبغونها بنفسجي المهم ان اللون مب واضح لااسباب امنيه