السلام عليكم
انا حبيت احط هالموضوع بس كنت متردده شوي
خفت تفهومني غلط
انا عندي سؤال انا من اول ما دشيت المنتدى ما شفت ربشه
انا كمن منتدى اشتركت فيه بس نفس منتدنا ما شفت فيه كل شي
بس احس ما فيه ربشه ظحك سوالف
ابغي كلنا نسولف ويا بعض نضحك نتمصخر نستهبل
صح ان في ميلس بس مو جي
خاطري جي كلنا نرمس ويا بعض ترى نحن اخوان
ونرتبش
انا هذا طلبيه منكم
واذا احد يبغي يقول شي يتفضل
اختكمـ
همس الدماني
عليكم السلام ورحمه الله
الله يسلمج المنتدى فيه كل شيء ..
الضحك و السوالف ..
الجد والمنطق ..
الفائده و العلوم ..
وفيه من كل بستان زهور مب زهره ..
الله يوفقج ان شاء الله ..
وعليكم السلام والرحمهالمشاركة الأصلية كتبت بواسطة قلوب دبي
المنتدى اكثره جد ومايوازي السوالف الاستماتع
صح كلامك فيه من كل بستان زهور
بس ليش مانحط رحيق بهالزهور برحيق الابتسامه
حتى يخرج العضو من موضوع وهو مبتسم
نخلي المنتدى فايده ومتعه فيه مع بعض
لان الانسان يمل من الجد ويمل من السوالف الضحك
ليش مانخلط بين الجد والعلوم والفايده والضحك بموضوع واحد
لنبني منتدانا ليغدو افضل وانفع
وليشارك الجميع بابتسامه الاخوة وضحك الطفوله
مشكوور اخويه عالرد الغاوي ..
الله يسلمج المنتدى فيه كل شيء ..
الضحك و السوالف ..
الجد والمنطق ..
الفائده و العلوم ..
وفيه من كل بستان زهور مب زهره ..
الله يوفقج ان شاء الله ..
موفقه
ان بغيت اضيف شي بعد كلام اختي همس الدماني
بعد اذنج اختي همس الدماني
انا بعد احس الأعضاء ما يردون ع المواضيع وااايد
هم اعضاء محددين بس يدخلون كل موضوع ويردون بس يزاهم الله الف خير
انشوف مواضيع عدد المشاهدين 100 والردود ما يوصل الا في حدود 20 تقريبا
وهذي بعد مشكله ثانية
وان شاء الله كل الاعضاء يلبون طلبج عشان يصير المنتدى ربشه
مشكورة اختي ع الموضوع والله كنت بحطي نفس الموضوع بس ما عرفت كيف
اوصل المعلومه للأعضاء
مشكورة مرة ثانية والسموووحة منج
تسلمين الغلا
ونحن اخوان والفروض كل واحد يقول اللي في خاطره
وما اعتقد ان في احد يستحي من اخو
وبعدين (كلمه ولو بجبر خاطر)
انا ما اعتقد ان في احد منكم بيخسر شي لو رد على كل المواضيع
يعني انت دشيت وتعنيت وقريت رد هب خسران شي
واشكرج الغلا على المرور المميز...
تسلمين تنبيه عالمرور
والله يوفج اليميع
[QUOTE=همس الدماني;468550]تسلمين تنبيه عالمرور
والله يوفج اليميع[/QUOTE]
هـب تنبيهتـنيـنه
؛؛
أختي الغاليـه؛؛
الـمنـتدى شرات ما قال اخوي قلبوون فـيه مـن كل بستـان زهـره ؛؛ وإذا تـرمسين عـن الضحـك والسوالف فـ شي واحتيـن للألعاب والتعليق والنـكـت وهـناك تـقدرين تـطرحين موضوع مبدع سـاخر ليش لااء وبتجوفين الكل يشـاركـج في الموضوع وما بيقصرون معاج في الردود إذا كان موضوعـج جميل =) ,, بالنـسبه للجد ؛ فـ كل شي في وقتـه حلوو ؛ ف لا تتوقعين في موضوع نقاش وجااد فجأه انسولف ونـضحك واننـكت ونخرج من الموضوع ومضمـونـه ما يستوي صـح؛؛
حلوه السوالف في حـدود :: بالعـكس مرات أتـحلي الموضوع لـكـن مـب انـه انحول المنـتدي كـله لضحك وسوالـف شرات بعض أو اكثر المنتديات اللي تنتشر فيها الألعاب و المنقول والسوالف والضحك؛؛
في واحـاتنا الغـناء؛؛ كل الأعـضاء أخوان واخوات وانا اجوف انـه الكل متعاون ووقت السوالف كلـنا نضحك وانسـولف ؛؛ يـمكن لأنـج عضوه يديـده ما أتأقلمتي بعدج
وبالنسبه للردود ؛؛ تـرى شي أعضااء هيييازه فيـهم وبس قرااءيقروون كل المواضيـع ونادر ما يردوون
والخير في البقيه من الاعضااء
وشرات ما قال منصوري ان شاء الله انجوف همتكم ونشاطـكم وإبداعاتـكم عسب نتفاعل وانشارك ونستفيد ونفييد؛؛
صراحه حتى انا داشه كم منتدى وشفته ربشه وضحك
بس المنتدى ما شفت ربشه وضحك وسوالف
ابغي كلنا نسولف ويا بعض نضحك نتمصخر نستهبل
الصراحه حتى انا في خاطري هذا شي
كلنا نتمصخر وسوالف
ياليت الكل يسولف ويرتبش
يا مرحبــااا السااااع
ونبى انشوف همتكن عشان انشارك معاكن
..
Coming Soon ..
السلام عليكم
يمكن إنتي تشوفين الواحات من زاوية وحده ...وعلى اعتبارها حكمتي برايج !
بالعكس عزيزتي
الواحات بالنسبه لنا فيها كل هالأشياء مجتمعه بس بحدود!
الضحك له وقت ...والجد له وقت ... وحتى السوالف لها وقت ولها حدود !
والأهم من كل شيء...إنه الواحات عرفتنا بشخصيات متميزه بعلمها وأدبها واحترامها للآخرين
نسولف ونضحك هالشيء طبيعي بالواحات ...لكن نتمصخر ( أحس هالكلمه ثجيله شوي بمعناها)
إن شاء الله باستمرارج ويانا بتتعرفين على الواحات أكثر وأكثر ! ( صدقيني فيها سحر عجيب)
عاد تخيلي أنتي في كل المواضيع ضحك ومصخره ؟ مصاخه زياده عن اللزوم صح
وهني كل شي ماخذ حقه وفي مواضيع مخصصه للسوالف بين الأعضاء ..
لان الناس شخصيات وأطباع
مب كل حد يحب السوالف الزايده .. مايستوي يخلون المنتدى بكبره سوالف وضحك
لاازم يرضون كل حد
ومشكوره
التعديل الأخير تم بواسطة الـيـاه ; 17-02-07 || الساعة 01:35 AM
Status : Back to UAE
H.H.H
صح لسااانج الغلا
الشي اا زاد عن حده ينقلب ضده
بس لكل شي وقته
يعني لضحك وقت والجد وقت
وانا الصراتحه احس ان المنتدى كله جد
وكل واحد له رايه الخاص
وتسلمين على المرور
واشكر صراحتج
جي اباكم
وانا الصراتحه احس ان المنتدى كله جد
وجودج في الواحات ما تعدى الشهرين
وين بتلحقين تتعرفين على الاعضاء وعلى كل اقسام الواحات
الواحات مب قاصرنها شي
ولو صارت كلها سوالف ومصخره
يعني اي حد بيدش يستهبل وبيظهر
اما جيه نحن عندنا اكتفاء من المواضيع العلميه والمفيده
ومواضيع السوالف الحلوه
والواحات ماتخلى من اصحاب الشخصيه المرحه والدم الخفيف
Somewhere over the rainbow bluebirds fly
والله يا همس الوفا هذي منيتي من كل الأعضاء
اني اشوفهم كلهم مرتبشين ودردشون مع بعض
وانا طلبتهم وانشالله ما يردوووني
وتسلمين على المرور
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
رد مع اقتباس
مواقع النشر (المفضلة)