ظاهرة البويات في المدار شوه رايكم فيها (بليز أبغي تفاعل )

[المزوحي]

في واحد عرف إنه اخته شبه بويه ... بعدها .... ضربها ضرب

[المقاتل]

بالنسبـــه لـ قضية البويات .. كوني ولد صراحــة انا ما افهم هالفئه من البنات أنهم يحبن يغدن بويات ؟؟ مع أن الله سبحانه خلقهن بنات فـليش الاعتراض على خلقة ومشيئة الخالق !!

لأسف .. أنا يوم أفكر في هالموضوع وأحيانا اناقشه مع أهلي .. هم شو شعورهن يوم الناس يعرفون أنهن بويات ؟؟ اذا كان عند هالبنت عادي ؟؟ هيه ما تهتم لسمعة أهلها ؟؟ وإذا هيه متقبله موضوع انها اتشوه سمعة أهلها .. كيف متقبله ان الله يغضب عليها ؟؟

سواء فالسر أو فالعلن .. البنت نفسها شو موقفها بينها وبين نفسها يوم اتفكر واسوي شرات الاولاد مع أنها بنت !!

انا أستغرب يوم يقولون البنت تستوي بويه لأنها فاقده عاطفه وحنان ومشاعر .. خلونا عن هالكلام .. اذا أهلها وفرولها كل المشاعر والحب احتمال اتكون بعد بويه .. بإعتقادي اذا توفر عنصر التذكير بالله سبحانه .. والقصص .. و تخويف البنات من هالظاهره .. البنت يستحيل لها انها تكون بويه .. لأن في رادع يردعها وهوه الفكر الاسلامي الي مغروس فيها بيمنع هالشي يتخلل بين فكرها .. لأن هالشي مضاد لعقيدتها وفكرتها .

أحيانا .. هالبويات ما يفكرن في المستقبل .. بس يفكرن فـ واقع الحال .. خلونا في هالنقطه .. افرضوا ان البنت كبرت وعقلت وتركت هالشي .. بتم هالشي .. أو هالعمل المشين .. تتذكره ما دامت الحياه مستمره إلا من رحم ربي .

السموحه منج أميرة الورد .. ولكن كتبت مافي جعبتي عن هذه القضيه المخجله ..