جامعه الغرير

[زمان أول]

......................ز

[تحفه]

شوف خل نعترف ان الغرير لين الحين ما برزت كـ جامعه عدله ..

كلحد يعرف الجامعه على اساس انها مصخره ..

وكلحد انصدم يوم اعترفو فيها لول .. لأن سوالف التغشيش وجي فيها واصله حدها

انا اقول ان البُلي تكنك احسن

[قلوب دبي]

عليكم السلام ورحمه الله

على حسب علمي انه الجامعه زينه وخاصه اللي يشتغلون الصبح ويدرسون المسا ..
و ما شاء الله معترفين فيها و شيء عندهم ان ما كنت غلطان ماستر بعد ..

يعني شيء جامعات احسن من الغرير ولكن ما يمنع من انها اتكون زينه ..

[زمان أول]

اممم عندهم ماستر ... بس انا سرت وشفت اقبال كبير عليها

الواحد يحتار

[قلوب دبي]

عزيزي البدوي ..

طالع انته شو اللي يناسبك من التخصصات ..
وهل الجامعه تناسب وظيفتك و بيتك و التوفيق بين حياتك الخاصه و حياتك الدراسيه و عقب قرر ..
ومن وجهة نظري الخاصه ما احكم على شيء الا يوم اشوفه يناسبني وانا بكون مرتاح منه ..
وان كنت معزم يا خويه عليك بصلاه الاستخاره .. و استشير غيرنا من اللي في الجامعه عل و عسى حد يفيدك ..

[المزوحي]

مش سيئة

وأسأل أكــثر ...

[المقاتل]

عبــــدالله .. قتلك إتوكل على اللــــه .. !! ^-^

[الـيـاه]

سلاام

على حسب ميجرك أنت ؟ شو بتدرس ؟
لانه اظني البزنس و comp info systems تتخرج بـ Bachelors وبعد واحد نسيت شو
اظن هندسه كهربائيه .. والباقي للحين مب معترف فيهم , يمكن السنوات اليايه .. ولازم مستواك يكون دوم عالي ..

بس لازم يكون عندك سات عسب تدخل الجامعه ومحددين الدرجه بعد

وبعد شو
هيه هي مرتبطه بوايد جامعات من برع عشان بعدين يقرون يحولون المواد حق هالجامعات برع
إذا واحد من الطلاب يبا يسافر

بس من احينه اقولك
واايد هنوود فيها لووول

و ع فكره بعدين الجامعة بتنتقل من شارع زايد لـ المدينة الجامعيه

[الـيـاه]

^

الله يوفقك

[زمان أول]

وياج اختي الياه

[قلوب دبي]

موفق ان شاء الله ..

[زمان أول]

وياك اخوي قلوب دبي وربي يوفقج اليميع

[همس الدماني]

بصراحه ما اعرف

بس انا كنت في مدارس الغريري(دبي الوطنيه)

ما عليها كلام

بس شوي فري

وانشالله بسألك عن الجامعه

[زمان أول]

مشكوره اختي همس الدماني واتريا ردج

[شمعة أمل]

كجـره..
اذا تبا شغل اوكيه وراتب محترم لاتسيـر هناك ..
لانه في البدايه..
الجامعه معروفه انه مصخره X مصخره..
ثاني شي
من ناحية ايدووكيشن .. معظم الجامعات في الامارات تتعاون ويا جامعات من الخارج نفس جامعات امريكيه او بريطانيـه أو سويسريه او صينيه .. لكن الغرير ويا جامعات هنديه .. ومعظم الفاكلتي + طلاب هنود ..

شي وايد جامعات ثانيه احسن عن الغرير بوايد..