شوفوا شو يطلبون من الكفيل !!

[الارستقراطيه]

قبل اسبوع وحدة من الشغالات الي عدنا في البيت سوت فلم فلبيني وقالت ان ابوها توفى وتبغي تسير بلادها اسبوع وترد ،،
معزبتها قطعت لها تذكرة سيرة وردة ، بعد ما سافرت يت وحده ثانية من الشغالات وقالت ترا هاي تقص عليكم وهي ابوها لا ميت ولا شي ، هي بس تبغي تسافر وقالت بسوي هالحركة عشان يعطوني تذكرة وهي بعدها ما كملت سنة وكانت امبيته النيه اذا الخطة ما نجحت انها تشرد !!

((الظاهر سمعت عن القانون اليديد تبع رواتب الفلبينيات ))

معزبتها قالت ماشي الا ايب وحده ثانية ،، سارت مكتب للخدم وطلبت فلبينية تخيلوا يوم عطوها شروط العقد اليديد شو طالبين فيه :

• قياس البيت بالمتر المكعب
• وصف تفصيلي للوظيفة التي ستقوم بها الخادمة
• شهادة تفصيل راتب
• عدد الغرف في المنزل
• عدد افراد الاسرة
• شهادة حسن سير وسلوك من الشرطة تفيد بعدم وجود ملف لك لديهم !!! (بدون تعليق)

هذه الي اتذكره وهي تخبرني السالفة البارحة طبعا غير بعض الشروط الاساسيه مثل الدوام ثمان ساعات فقط ((يعني لو بدت الساعة سبع الصبح تشتغل الساعة ثلاث الظهر هي مخلصة وكيفها شو تبا تسوي تسوي )) ومن الشروط بعد ان جوازها يكون في ايدها (اترك التعليق لكم )

الي يقهر في السالفه هو موافقة وزارةالعمل والعمال على هذه الشروط الغريبة ، والله محد وقف لهم غير حكومة السعودية الي قالت اذا استمريتوا بشروطكم هاي لن نقوم باستقبال أي عمالة من الفلبين ، ونحن الحمد لله والشكر المويه تودينا واتيبنا ...

ما اعرف لين متى بتم قرارتهم تصب ضد مصلحة المواطن

[زمان أول]

مرحبا اختي الاستقراطيه

اوكي حفظة حقوق الخدم بس حقوق الكفيل محد حفظها

انا في رايي الشخصي لو يسون شركه وهي المسؤوله عن الخدم يعني الخادمه اتي تشتغل الصبح وتروح الفليل وترد باجر الصبح .. واذا شردت او شي ع الشركه ... تصدقين ان الواحد يوم يبا يسير يختار بشكاره يقولوله تعرف تطبخ وما اعرف شو وخبره يوم اتيي ما تعرف شي نيلس نعلمها من يديد بس المشكله ان الي عندها خبره تدفع لها اكثر ...

[تحفه]

لا تنسون ان في عوايل ما تعاملهم ابدا معامله انسانيه .. فهذا يحفظ لهم حقوقهم . .

ولا تزيغون دامنكم واثقين انكم تعاملونهم عدل

---

وبالنسبه لاصدار مثل هاذي الرساله .. احب انوه ان امريكا الحين تخاف من تطور بلادنا فتحاول بشتى الطرق ابرازنا بابشع صوره .. وهالرساله احسن شي استوى عشان يثبت لهم ان المجتمعات الاسلاميه مجتمعات انسانيه .. وهالشي شي عادي عندنا فبليز كونو كول وطبقو هالسوالف

[بنوتة جميرا]

خاطري اعرف بلادنا لوين ناويه توصل باللي قاعده اتسوويه
شو هالمسؤولين اللي عندنا؟؟؟
يفكرون بكل شي يريح الوافدين والخدم
اما راحه المواطن ما يفكرون فيها ولا اتي ع بالهم اصلا

المواطن اييب خدامه ويصرف عليها عند الصحه والهجره وغيره
اخر شي جوازها يكون بايدها عسب تشرد وقت ما تبا
انزين في هالحاله منو بيرد ع المواطن هالمصاريف كلها
والله حاله يتحرون المواطن يالس ع بنك ويغرف من البحر
ويمكن بعد حاطين في بالهم ان في بيت كل مواطن بير بترول
شو هالحاله؟؟؟
نبغي حد يفكر في حقوق المواطن اللي ضايعه في بلاده
الله المستعان

ويعطيج العافيه اختي ع الموضوع

اختكم.. بنوتة جميرا ..

[الارستقراطيه]

استاذي الفاضل البدوي ،،

علييييييييك نور منو بيحفظ حقوووق الكفيل ،، بتشرد وبتسوي الي تبغيه واخر شي يوم تبغي تسافر بيتصلون بك الشرطه هات قيمة تذكرتها ،،

وبخصوص الشركات الخدم ، ترا المكاتب ما تضمنهم غير ثلاث شهور بس، ولو سوو مثل هاي الشركة الي طريتها يعلمنوهم في بلادهم اذا ما عيبكم الوضع سيرووو السفارة ، وهناك بيبدأ مسلسل طاش ما طاااش ،،

وحدة من ربيعاتي يابت خدامة تمت عندها شهرين وبعدين شردت،، والله انها كانت اتعاملها بالحسنى بس قالت لها ما اباج ادخلين رياييل عندي في البيت، اذا في بلادكم مسموح نحن لا،، ما جذبت خبر ثاني يوم شاكحه من الدريشه وشارده، بعدها بيوم اتصلوا بها مخفر الشرطه تعالي ويوم ساروا الا السفارة مقدمه عليهم شكوى اونه الخدامه تتهمهم بضربها وما عطوها راتب ، والمطلوب منها تدفع راتب سنتين مقدم مع تذكرة سفر عشان ترجعها بلادها معززة مكرمة !!!

وترا كل الخدامات الي ايوووون في السيره الذاتيه يكتبن انهن يعرفن كل شي ، واول ما توصل بتلووص عليك وبتجذب واونها بس في البيت الجديم الي كانت تشتغل به بس كانت اتيود الصغاريه !!

تسلم على التواصل

[الارستقراطيه]

عزيزتي بوظبي ،،

ما انكر انه في ناس استعبدو الخدم وفعلاً ما يعاملونهم معاملةانسانية ابداً، لكن ما نقدرر انعمم على الكل ،، لانه في ناس من ناحية ثانية يعاملون خدمهم كانهم من افراد المنزل ، مو مخلين عليهم قاصر
الحين المشكله انه هالقانون للحين بس للعمالة الفلبينية ، ويوم باقي الدول الي نستورد منها العمالة الوافدة بيشوفون موافقتنا على هالتصرف فبيسون هم نفس الشي ، وان غداً لناظره لقريب ،،

اشكرج على التواصل

[الارستقراطيه]

بنوتة جميرا،،

نحن الحين وجوزاتهم بيدنا مسوين لنا مشااااكل ، عيل باجر لو عطيناهم جوازهم بيدهم ((مثل ما ينص القانون اليديد )) بدوور لج ويا الف رغيد ولوووث وبتي اخر الليل اتبات عندج في البيت ، هاااي كيف اتأمنينها !!

اشكر لج مرورج الغاليه وتسلمين على التواصل ،،

[أميرة الود]

السلام عليكم :
لا تنزعجون من هذا القرار أتعرفون ليش ؟!
لأن إذا شافوا الناس ماتقبل أبداً على هذي العمالة بتكثر البطالة في بلادهم و بيسحبونه هذا القرار أو يلقون بعض بنوده مثل ارتفاع المعاش أو عدد ساعات العمل ..
يعني الخدامة يايبينها تشتغل في خدمة الكفيل طول الوقت و لا بس 8 ساعات عيل حق شوه أييبونها يشتغلون روحهم في البيت و يوفرون المعاش حقهم بيسوبه شي يستفيدون من وراه

[الارستقراطيه]

اميرة الود،،

عيل تخيلي لو باقي الجنسيات سوت مثلهم ،، يعني الاندونوسيات والهنديات والبنجاليات والاثيبويات قالو اشمعنى هم بس ،، نحن بعد نبا ،، شو بيصير ،،

ماشي الا نسوي روبوتات تخدمنا @_@

وتسلمين الغاليه على التواصل

[وحي القلم]

سمعت انه بعد من حق البشكاره الفلبينيه انها تاخذ اجازه يوم فالاسبوع

شرات الدريوليه يعني تسير وين تبى .. "بس مادري إذا هالخبر أكيد"

.
.

لا تيبون فلبينيات

إذا شافوا الطلب عليهن قل.. أكيد أنهم بيردون كل شي شرات قبل

..

[خيال الحب]

لا للفلبينياااااااات


المشكله طال عمركم.. مب خدم وبــس.. في نااس اييبون هالفلبينيات عسب يمشون محلاتهم.. مثل.. شيشه.. كوفي.. نت كافيه..

اما لو حطاا هندي محد بييه..

وصدقوني انه الفلبينيات اوصخ ما خلق ربـــي الا 1% منهم يعرفون معنى النظافه..

والله يستــر من القرارات الي توافق عليها الدوله وهي مغمضه عيونهــا

اخاف بالمستقبل يستوي العكس.. نحن نروح نشتغل عندهم جان اتخيل

[ملانـة]

انا ما عندي مشكلة.. بس بشترط عليها انه اتدور مكان ترقد و تاكل و تيلس فيه!!! و تنسى انه نعطيها موبايل و تشوف التلفزيون و تغسل ثيابها في البيت!!!!

عيل اييبها عشان تشتغل بهالشروط!!! مب مكلفة انا!!!! باجر بتقولي ياللا بروح خلص دوامي و مواعدة بشكارة الجيران نتلاقى في السينما!!!!!


الحين ماعندي بشكارة و ان شاءالله عقب ما اربي بييب اللي ايوون بارت تايم..

[الارستقراطيه]

وحي القلم ،،

لا ويقولون بعد انه لازم اتوفرون للخادمة هاتف شخصي حتى يتسنى للسفارة تتصل بها في اي وقت عشان تطمن ان اهل البيت يعاملونها عدل ،،
((بلا تعليق))

شكرا على التواصل

[الارستقراطيه]

خيال الحب ،،

اذا وزارةالعمل خذت بمبدأ ولا الضالين ،،امين
مو بعيده نحن نشتغل عندهم (( الله لا يقول))
وتسلم على المرور

[الارستقراطيه]

ملانه،،

ربي يعينج ،، بس حتى البارت تايم ما منهم امان لازم تكونين واقفه على راسهم وهم يشتغلون ترا ايدهم وايد خفيفه والله يقومج بالسلامه