شوفوا شو يطلبون من الكفيل !!

[ملانـة]

آمين فديتج ^_^

و معاج حق حبوبة ..بس اييوني متى ما ابا و أوقف على راسهم و لا اييبلي علة ع قلبي!!!

[سبانش مان]

انتوا وين والدنيا وين...

بشاكيرنا الفلبينيات تطورا... الحين اشترولهم من الصكوك الوطنيه... واذا وحده منهن فازت بالملييون شكلنا راعيي البيت بنشتغل عند البشكاره..

بكل بساطه.. القوانين هني مقلوبه... واحسن شي نسويه هو ان نقلب نفسنا عسب نسايرها!!

[طيف السحاب]

يعني شوو البشكارات بيتوقفن عند الفلبينيات ؟؟ برايهم هم الخسرانين ويا هالشروط المعقده .. خذولكم هندية احسنلكم صح انهم وصخين شووي بس مع الايام يتعلمون .. انا ماتفرق عندي جنسية البشكاره لانه كله حظ ..

[الارستقراطيه]

سبانش مان والله ضحكتني صكوك وطنية مره وحده ، ما عندهم بيت في النخلة او المرسى بصراحة بشاكيركم خطيريين ،،
تتوقع لو قلبنا نفسنا ويا الدنيا كيف بتصير حياتنا !!
((الله يرحمك يا بوي زاايد ويجعل قبرك روضة من رياض الجنة ))

[الارستقراطيه]

ملانة،،
قبل فترة بشكارتي الاندنوسية سوت مشاكل وطيرتها بلادها ، وتميت بلا بشكارة تقريبا شهر ،، بصراحة راحه باااال ،، وتكونين على راحتج في كل شي ،،
والبارت تايم يبالهم عيون صقر وعساج على القوة

[الارستقراطيه]

طيف السحاب ،،
المشكله في الي وافق على هالقانون،، لي متى هم بيقولون ولا الضالين ونحن ووراهن امين ،، باجر هالجنسيات الثانية بيقولون اشمعنى هم ونحن لا خلنا نسوي مثلهم ،، ذييك الساعة شو بيصير ؟
ومشكور عزيزتي على التواصل

[بنت ناس و عرب]

نحن مب بس وحده نحن عندنا 5 ينطحن بعض ! خيبه يقولون رواتبهم بيكون 1500 * 5 = 7500 + دريولين 1300 * 2 = 2600

7500+ 2600= 10100 شهريا اما سنوياً بيكون 121100 خيبه !! هذيلا بروحهم يبالهم ميزانيه

بدون العمال اللي في المزارع و بدون اللي فالاسطبلات و بدون وبدون

[بوزايد]

كل هااااااااااا

الله يعين

[سبانش مان]

بنت ناس .. شو هذا بيتكم كله فليبينيات فيه؟؟ ملجئ للفلبينيات ولا شو

[الدلووووعة]

خخخخخخخخخخخخ
نحن الوالده من زمااااااااااااااااااان مقاطعة الفلبينيات ^^
واللسنه محطيه فبالها تبا تيب فلبينه بس سبحان الله
من درت بالقرار قالت برايهم بتم عالاندنوسيه احسن خخخخخخخ

[الارستقراطيه]

بنت ناس وعرب ،،
اظني انتو الي مطمعين حكومة الفلبين فينا رواتب الي عندكم بروحهم مع القرار اليديد بتسوي لهم شيء وشويات

[بنت ناس و عرب]

انا اقول بعد ليش سافرنا الفلبين هالسنه خخخ

شونسوي والله هالدنيا

[قصايد غلا]

اللي سمعته إنه هالرواتب بتكون حق الفلبينيّات اللي في الشركات والمعامل ومادري ويــــن يعني مب البشاكير ، وأمسات قوم عمّوتي يايبين فلبينيه بس عادي ما طروا لهم شي عن هالقرار

بس لو طبّقوا هالقرار على البشاكير يا ويــــل بشكارتنا "بخليها تكوي كــــــــل اللي في كبتي كل يوم" وبخلّيها تنظف السطح كل يوم ، وكل يوم بعزم حد عنده يهال عشان يحشرون البقعه ويخيسونها===> مجرمه

لوووووووووول والله بشكارتنا مرتاحه ما تعرف غير الكواي والغسال والتنظيف(طبعا هذا كلّه تخلصه الصبح) وما تطبخ غير الغدا وأميه على راسها ومرّاااااااااات العشا وترقــــد أكثــــــــــر عــنّـــــــــي وتنش الساعه7 =====> يعني حرام راتبها 1500 ...

[الارستقراطيه]

قصايد غلا،،

هههههههههه طلعتي خطيره ،، السطح بتخمه بعد ،،
بس في القانون اليديد بيكون لها وقت محدد ،، يعني تخيلي لو بدت الساعه سبع الصبح شلغها الساعة ثلاث الظهر خلاص تقعد وترتاح وما لج حق تقولين لي تسوي شي ،،

[الارستقراطيه]

تابعوا جريدة الاتحاد ((عدد اليوم ))الصفحة السادسة شو كاتبين وبقرار من سيف بن زايد