لييييين متى؟؟؟؟

[طير الحب]

السلام عليكم ورحمه الله وبركاته...

تعرفين اختي أبسط شيء تسونه انكم تبلغون عليهم...أنا جد قريت تحقيق بهالخصوص..يعني نحن المفروض ما نسكت اذا شفنا هالمناظر...بس لو بلغنا عليهم وهم انكروا...شو بيكون الموقف...؟

[همس الدماني]

بصراحه انا هالمواقف في دبي تعودت عليها


يعني ما شالله ما يقصروووون عيني عينك

والبحر الله لا يوريكم اياه مصخره من الخاطر




بس وين الله عنهم

[أنشودة المطر]

و عليكم السلام و رحمة الله و بركاته

بنوتة جميرا موظوعج ذكرني بكلام واحد أوروبي

سنة 2002 كنت ماخذة كورس انجليزي و مرة الأستاذ كان يتكلم عن التقاليد فقالنا أنه هو يشتغل في الإمارات من 9 سنين
و أول ما يا هو والمجموعة اللي وياه عطوهم في مطار دبي أوراق فيها تعليمات عن تقاليد أهل البلاد و شو الأشيا اللي أهل البلاد ما يرظوبها و خاصة في الأماكن العامة
بس يقول أنه من فترة تعرف على أجانب بعد يايين البلاد يشتغلون و بحكم أنهم يداد في البلاد كلمهم في هذا الموضوع فقالوله أنه محد عطاهم شي و لا حد نبههم أو قالهم أي شي عن أهل البلاد و التقاليد فيها

هذا الكلام صار سنة 2002 يعني مب شي يديد و أكيد المسؤولين على علم بالموضوع

و المشكلة أنه حد منهم إإذا حد كلمهم و فهمهم يشتكون و يسوونها مشكلة توصل للقضاء و السجن و الضحية طبعا راعي البلاد!

.....................

بالنسبة للي قالته الياه
عن الصور اللي تتعلق في المحلات
أعتقد أنه في خدمة بس مادري تابعة لوين بالضبط
تتصليبهم و تبلغين عن أي شي غير أخلاقي تشوفينه
من كمن شهر وحده قالتلي أنها شافت صورة معروضة في واحد من محلات مول الإمارات و اتصلت خمس دقايق الوقت اللي كانت توصف فيه مكان المحل وصلوا و انشلت الصورة هاذيج الساعة

إن شا الله إذا قدرت بسأل عن هالخدمة و أظن أنها معروفة

[زمان أول]

التحريات والشرطه على المواطنين بس الاجانب من بعيد لبعيد ولاتقولولهم شي

[بنوتة جميرا]

خطاب
هالاشكال وايد بتشوفها في مول الامارات
الصراحه هالمول كاسر النسبه في التصرفات هذي
بس بعد مانشوف التحريات
وييييييييينهم؟؟؟؟

[بنوتة جميرا]

ايامي حزينه
الاجانب اللوث هم اكثر ناس تصدر عنهم هذي التصرفات
وبعدين اذا انتي تشوفين وتسكتين وغيرج يسكت
وين التحريات اللي هذي شغلتهم؟؟؟
ومنو قالج انه مافي حد يغير القنوات او يحذفها؟؟
كثير من الاهالي على علم ودرايه بالاشيا اللي تصير في مثل هذي القنوات
وانا عن نفسي في البيت من اول مادخل الدش بيتنا القنوات اللي تعرض اشيا غير اخلاقيه وتتعارض مع عقيدتنا ع طول انحذفت

ثانكس ع المشاركه الغلا

[بنوتة جميرا]

طير الحب
لو بلغتي بيسووله طاااااااف
الله المستعان

[بنوتة جميرا]

همس الدماني
دبي صح انها امارتي وغاليه علي
بس للأسف صارت مكان للـ cheap people 2 live
الله المستعان
وثانكس الغلا ع المشاركه

[بنت الدلع]

الاجانب صارو هم المواطنين !

يسوون الي يبونه ومحد يروم يقولهم شي
حتى لو " صبعو لج " اسكتي عنهم وطوفي
لانج اذا رمستي بيلبسون رمستج الباب

[بنوتة جميرا]

انشوده المطر
المصيبه ان المسؤولين على علم ودرايه
بس مادري منو اللي رابط لسانهم انهم يصدرون شي يوقف هالاشكال عند حدها
الله المستعان
وثانكس فديتج ع المشاركه

[بنوتة جميرا]

صدقت والله ياخوي البدوي
اتمنى من المسؤولين انهم يتحركون ويسوون شي ضد اللعب اللي يصير في بلادنا
لين متى يعني بيكونون ضد المواطن بس ومع الوافد حتى لو كان على خطأ؟؟؟
الله المستعان
ومشكور اخوي ع المشاركه

[بنوتة جميرا]

هيه والله يا بنت الدلع
الواحد منا في بلاده يحس انه غريب والوافد هو صاحب الارض
انجلبت الموازين
تسلمين الغلا ع المشاركه

[ولد الشحوح]

الكلام ما بيفيدنا لازم المواطن يتحرك يطالب بحقوقه ع الأقل مب بس مجرد رمسة وسكت ؟!؟

[المزوحي]

هالشي نشوووفه كل مكان ... ومرات احس بالعمد يوم يشوفون العرب .. يتمادون ..

مافي قانون يردعهم أصلا، ويقولون حريه شخصيه .. ماضروك بشي ..

ويوم تكلمنا .. قالت انته اش لك ؟

[سبانش مان]

من الناحيه الشرعيه ونظرتنا نحن كمسلمين فهذا الشي غلط لانه يثير الشهوات والغرائز ونهى عنه الاسلام.. وبنفس الوقت هاي حريه شخصيه لان بالنسبالهم هذا شي عادي وبالنسبالنا لا.. مثل مانكون نحن في بلاد الغرب واهل الغرب يتنرفزون من يشوفون حرمه ولا بسه شيله فوق راسها.. لكن هل يسون شي طبعا لا لانهم يعرفون ان هذا الشي حريه شخصيه..
بالمحتصر.. كل واحد عليه باهله وناسه واذا شاف هالمناظر يغض بصره ولا كانه شي صار وبالتالي كلن يعيش حياته..
ومثل اليوم يقـــــــــــــول : الحياة حلوة.. طنش تعش تنتعش..