لييييين متى؟؟؟؟

[بنوتة جميرا]

السلام عليكم ورحمه الله وبركاته
هذي اول مشاركه لي في الواحه المفتوحه
وحابه اني اتكلم عن مشكله
انا بتكلم عن امارتي دبي لاني ماعرف اذا هالشي يصير في باقي الامارات بعد

الله يسلمكم اول شي بقولكم اللي شفته البارحه
كنا سايرين العياده امودين اخوي الصغير وفي الرده مرينا الصيدليه اللي عند سيفستوي اللي ع شارع الشيخ زايد ناخذله الدوا
يوم بركنا السياره الا ع الجهه الثانيه من الشارع اجانب(ريال وحرمه)وقاعدين يتبادلون القبل
انصدمت من اللي شفته
جي نحن وين عايشين هذيل جي يسوون؟؟؟وليش مافي حد يوقف هالاشكال عند حدها؟؟؟
هذي مب اول مره اشوف هالمناظر
الكل يقدر يشوف هالشي في اغلب المولات عندنا
اللي يتحاظنون واللي يتبادلون القبل بعد ما بتقول قبله عالطاير لا..افهموها عاد..
شو ها لا حيا لا مستحى
اشكره عيني عينك يسوون هالتصرفات
ودي اعرف وين التحريات عنهم؟؟؟ليش مايراقبون هالتصرفات في المولات والاماكن العامه والبحر؟؟
الحين الواحد مايقدر يطب البحر من المنكر اللي يصير هناك
صار البحر حق الاجانب بس
وين الشرطه و وين التحريات و وين المسؤولين؟؟؟
ليش ما يتحركون ويسوون شي؟؟؟ليش ساكتين عنهم وعن التصرفات اللي يسوونها؟؟؟
والا اللي يسوونه الاجانب عادي يسموونه تقدم وحضاره
اتمنى ان تكون في قرارات صارمه عسب هالاشكال توقف عند حدها
الله المستعان

ابغي رايكم في الموضوع اللي طرحته وتفاعلكم بليييز
وهل انتو معاي في اللي قلته او ضدي؟؟؟
وهل هالشي يصير بعد في باقي الامارات والا في دبي بس؟؟؟
اتمنى من اللي في باقي الامارات يخبرونا باللي يصير عندهم؟؟؟

اختكم.. بنوتة جميرا ..

[إسهر معي ليله]

باختصار،،

تحرياتنا بس ضد شبابنا،، أما الاجنبي يسرح ويمرح

مافي شوّاب شرات قبل اذا شافوا منكر رمسوا
احنا اذا شفنا نسكت،، وبالتالي ماخذين راحتهم

مشكورة عالموضوع وإذا عندي زياده برجع

[بنوتة جميرا]

صدقني والله
التحريات ضد الشباب المواطنين بس
اللي يقول حاطينهم في المولات بس عسب التحرشات من قبل المواطنين
اما التصرفات اللي تصدر من هاللوث وسوري ع هالكلمه عادي ولا يقولولهم شي
ترا هالتقدم
الله المستعان ويستر من اللي ياي

تسلمين اختي اسهر معي ليله ع المشاركه

[شمعة أمل]

وييه ذكرتيني بموقف استوالي في رمضان 06 وكانت وياي وحده ..

كنا طالعين من محل الايس كريم الى هو ماربل سلاب في بن بطوطه وجدام ويههنا 2 يتباوسوون..

عاد انا حرجت .. سرت عند السكيوورتيي .. واحتشرت وسوالي طاااااف محترم O_o اونه مايخصني .. ويا ويهه!

وين يبون! .. ولا بعد في رمضان >_<

وايد بلاوي تستوي .. بس مايسون شي!

[الـيـاه]

سلااام


تعرفين ذكرتيني في موضوع خذناه فالمدرسه وكان عن الـ Pet peeves

ومن هالأشيا
كان أنه إذا جفتوا kiss in public شو ردكم ؟


وتخيلي كلهم كتبو It doesn't bother me ومنهم مواطنات بعد يعني هالشي ستوا عادي عندهم
عسب جي محد يحتشر لانه كل حد راضي أو مايخصه ويتم ساكت


.
.
.

[أمواج]

.
.
يقـــــــــولج

طــــّول عمــــــر وإشبــــع طمـــاشــة

.
.

[بنوتة جميرا]

شمعه امل
ترا هاي هي الحضاره والتقدم عندهم
عسب جي ساكتين عنهم
نحن نبغي حد يتحرك
وما نبا هالشي يستمر
خافوا الله يالمسؤولين

الله المستعان

تسلمين الغلا ع المرور

[بنوتة جميرا]

الياه
هاي بلادنا
ولازم انحافظ عليها
وهالاشكال يوم اتيي بلادنا
لازم يكون في قوانين اتوقفهم عند حدهم
عاداتنا لازم ما يتخطونا
واللي ما يعيبهم باللي ما يحفظه
بس وين اللي بيصدرون هالقوانين؟؟؟

مشكورة ع المشاركه اختي الياه

[بنوتة جميرا]

غواني
هالشي ما يمنع ان المسؤولين يتحركون
ويسوون شي
شغلتهم انهم يحافظون ع بلادنا من كل شي
وهذا اهم شي لازم يحاربونه لانه يخالف عاداتنا

مشكورة الغلا ع المشاركه

[مــهــابه]

اتـعيشين وتشوفين غـيره

مـره وحده شـفـتهم فـ ستي دبي والله !!

[بنوتة جميرا]

مهابه
الله يستر من اللي ياي
بس ليييييييييييييين متى؟؟؟

ثانكس الغلا ع المشاركه

[الـيـاه]

باك

رديت مره ثانيه لاني تذكرت شي بعد !

انه مب بس هالشي ينرفز .. تعرفين مرات يكون في بوسترات على المحلات ودعايا حق المحل
والصوره صدق تكون وصصصصخخخخه بس مادري ليش عادي عنـّـا ؟

وبعد دعايات التلفزيون حق عطر وألا مال حلاقه
كله وصصصصصخ

[بنوتة جميرا]

لو بنتكلم يالياه ما بنخلص من الاشيا الوصخه اللي مسؤولينا غافلين عنها
وينهم ما يشوفون اللي يصير
جي هم وين عايشين؟؟؟مب معانا
ما يشوفون اللي نحن انشوفه؟؟؟

ولو بنتكلم عن لبسهم بعد
في وااااايد اجانب لبسهم كانهم مب لابسين
الله يستر

[الهيثــم]

شفــت من هـ الشي وانا طـالع من السينما فـ مول الإمارات

وتوني ياي بنزل عالدري ... أشووف واحد ووحده يدامي من المراهقين الأجاانب ..
وشوي إلا اشووفه لف علييها وباسهـا ..

عشــنا وشفنــا ...

[أيامي حزينه]

انا و ياكم انه هالشي غلط و لازم حد يوقفهم عند حدهم و على فكره مب بس الاجانب الي يسوين هالشي حتى ( ) بس نحن مثل ما قلتوا انشوف و نسكت
و بعد مب شرط لازم شي يستوي جدامنا على شان نتكلم عن هذا الموضوع مثلا وايد قنوات في التلفزيون اطلع هالأشياء بس محد منا حاول يغير هالشي بأنا نحذف القناة مع انه هذا الشي نقدر انسويه بدون مسؤولين او تحريات