ميتسو .. Bye Bye

[كـلـكـلـووش]

الــســلام عــليــكم

الخبر ورد في قناة العربيه اولا .. ثم الجزيره ..

ميتسو يفسخ عقده مع المنتخب الاماراتي .. و الاتحاد الاماراتي يعطيه الضوء الاخضر للرحيل ..

اعتقد الحين ان دومينيك هو اللي راح يستلم المنتخب في المرحله المقبله .. دومينيك كان مساعد المدرب لميتسو .. و هو اصلا كان مدرب المنتخب قبل لا يمسكه ميتسو .. يعني هو مدرب اصلا مش مساعد .. لكن ميتسو بغاه وياه ..

اعتقد ان دومينيك هو انسب شخص لقيادة الابيض في المرحله المقبله .. عايش مع اللاعبين و يعرفهم عدل و متابع للدوري الاماراتي و للاعبي الامارات ..

ما قصرت يا ميتسو .. و من حق الريال يشوف مصالحه ..

بس باجي نتأكد من الخبر عن طريق دبي الرياضيه .. لإنها قناة رياضيه اماراتيه رسميه .. و اتمنى ان الخبر يكون اشاعه و مش صحيح ..



ســلام
كـلـكـلـووش

[الدلووووعة]

ان شاءالله الخبر يكون هب صحيح
لنه ميتسو ماقصر

[مــهــابه]

تـوقـعت انـه بيـروح !!
اهـم شي يـبنا كـاس الخـليج

ودومينكـ بـعدك اوكيـ


الله يـوفقهم

[بوزايد]

اكدوا الخبر ع دبي الرياضيه

تسلم يا ميتسوووووو

[خيال الحب]

خلاص شبع شو يبا بعد

[العجيبة]

يعني ما بنشوف كشة عجيييبة ونحن نتابع مباريات المنتخب !!

[كـلـكـلـووش]

اعتقد ان دومينيك رجل المرحله المقبله

[كـلـكـلـووش]

اصلا الرحيل افضل لأسمه و تاريخه .. هو راهن على خليجي 18 لإن المقومات معاه ..

و البطوله اليايه هي كأس آسيا .. و التحدي فيها صعب جدا .. لقوة الفرق المشاركة .. و اعداداتها ..

و بنفس الوقت المقومات الموجوده في خليجي 18 مش موجوده في بطولة امم آسيا .. من جمهور و ارض و دعم معنوي من الشيوخ على ارض الملعب ..

اعتقد ان ميتسو يفكر بسمعته كـ مدرب و كـ تاريخ اكثر مما يفكر بالتحدي ..

اول مرة تصل السنغال لكأس العالم و المدرب ميتسو و فاز على فرنسا حاملة اللقب آناذاك
اول مرة تفوز العين ببطولة امم آسيا و بطولة الدوري لثلاث مواسم متتاليه في عهد ميتسو
اول مرة يفوز الغرافه ببطولة الدوري القطري في عهد ميتسو
اول مرة تفوز الامارات ببطولة كأس الخليج في عهد ميتسو

و اكثر البطولات اللي دخلها فاز فيها .. هو يفكر في المضمون .. و تفكيره جدا صحيح .. و جدا واقعي

شـــكـــرا مــيــتــســـو . . و اهلا بــدومنيــك مرة أخــرى

( أتمنى ان اتحاد الكرة ما يجازف و يدور على مدرب جديد .. لإن في مدرب عايش مع اللعيبه موجود )

ســلام

[بوزايد]

اصلا انا سمعت غلط

ميتسو بيتم ههههه

[كـلـكـلـووش]

اويه اويه اويه

ميتسووو بيـــتــم ..

[طير الحب]

الحين شو الصح...خبلتوبي

[بوزايد]

ميتسو بيتم بس اشاعات بالجريده

[الدلووووعة]

خخخخخخخخخخخخخخخخخخ

بوزايد مره ثانيه اسمع عدل ولا بنرسبك فالامتحان ^_^

زين يوم انه بيتم

[عفاريتووو]

ميتسو ها اسلوبه ,, عقب ما حقق بطولة يترك الفريق ,, يخاف من الفشل
ما اتوقع بيتم

[بنت ناس و عرب]

اتوقع جريده الامارات اليوم في آخر صفحه النسخه الانجليزيه كاتبين انه ميتسو ما بيتخلى عن المنتخب بل بيكمل معاه لآسيا ،، لانه عقده يخلص ٢٠٠٨ و مب كل عرض يكون معروض له بيخليه يتخلى هاللي قريته