مُـثــلــث

**بنت ناس و عرب** · 12-02-07 ||, 06:06 PM

السموحه و بدون مجاملات انا ما فهمت الصوره

**الحاضر الغايب** · 12-02-07 ||, 08:04 PM

دمعة عين ...

الله يعطيج العافية على المشاركة اختي وابداء الرأي ..
الف شكر على التواجد

شوق القلوب ...

اممممممم تراني خليتها بالابيض والاسود لانه استوت عندي مشكلة بالالوان ... كنت استخدم Polorize فلتر ... فطلعت الالوان جي بالغلط ... فخليتها ابيض واسود

تواجدج اسعدني

بنت ناس و عرب ...

افا كيف ما فهمتي ..؟؟

الله يسلمج الصورة الأولى صورة تظهر المثلث والاضلع مالته في السما

اما الصورة الثانية فحبيت اراويكم كيف جمالية الصورة تتغير بتطبيق قانون النسبة الذهبية

واللي تقول انه الموضوع او الكادر الاساسي في الصورة لازم يكون في نقاط معينة في الصورة ...

والف شكر على التواجد ...

**حلم الطفوله** · 12-02-07 ||, 10:19 PM

السلام عليكم

عيبتني الصورة الثانيه أكثر ....يمكن لأنه القرب عطاها وضوح أكثر

ومنكم نستفيد أستاذي ..قانون النسبة الذهبيه لا يعلى عليه

بانتظار جديدك أخوي

**الحاضر الغايب** · 12-02-07 ||, 10:38 PM

حلم الطفولة ...

الموضوع ينتظر وجودج

...

الف شكر على التواجد ...

اما بخصوص النسبة الذهبية ... فبحط لج صورة توضح هذه النقاط ...

الله يسلمج تقاطع هذه الخطوط توصلج للنقاط اللي تبينها ...

هذه اسمها قاعدة الثلث ... طبعا هذه القاعدة خذوها من قانون النسبة الذهبية (( قانون النسبة الذهبية عبارة عن طرق حسابية منها اكتشفوا انه في نسبة متساوية في عملية جمع ارقام معينة ... سموها النسبة الذهبية )) ... وبما ان نقاط التقاطع للنسبة الذهبية عملياً صعبة التحديد ... فالكل يستخدم قاعدة التثليث .

هاا وضحت الصورة الحين .؟

**حلم الطفوله** · 12-02-07 ||, 10:45 PM

السلام عليكم

ومنكم نستفيد أستاذي

كأنها وضحت

**الاسطوري** · 13-02-07 ||, 09:56 AM

السلام عليكم ..

"الحاضر الغايب"

الفكره حلوه في الصورتين بس مادري ليش حسيت إن خانتك الزاويه في الأولى أما الثانيه
ماعليها كلام وبخصوص الشرح فهمت عليك بس أحسه مب واضح
بالنسبه للأعضاء أو مب كافي ونتريا يديدك
سواء في الشرح أو
الصور

الاســـطـــوري
أخوكم