الـسلام عليكم والرحـمـه ؛؛
اليـوم : الخـميس الموافق : 8 / 2 / 2007
السـاعـه : 1 فـجـراً
تنيـنه و أخوها تنين الصغير سهرانـين كـ العـاده ع التلفزيـون وماشي شـغله؛؛
فـجـأه شـعر الأثـنان بالـجوع
تنيـن الصغير : تنووون يوعاااااااااان
تنينه : حتى انا والله يوعاااانه
تنين الصغير : لا اتقوليـن نطلب من الكافتريـا
تنينه : عييل شـو انـسو ؛ ماشي غير الكافتريا ولا تـبى اتسير المـطبخ تـراه أسـرع وما يضيع
تنين الصغير : تـنوون شو رايـج اتسوين خنفرووش
تنينه : لااا ووالله مب كل يوم عـيد ماشي ؛؛ بس اتصدق خـاطري أسو شي يـديد
تنين الصغير : هيي هيي سووي سووي شي يدييد وحلوو
تنينه : هيي مااتصدق انت عااد؛؛ هممم اتصدق انا من فتره بـ خاطري خبز جباب ؛؛ شو رايـك اسوويـه
تنين الصغير : هيي والله وانا جمن مره جفت امي اتسويييه سهل وما يباله شي ؛؛
تنينه : خلاااص عييييييييل هيييييييا بنااااا إلى المطبخ صدق اتحمست واتشجعت من خاطري وع التااوه بعد ياااا سلااام تجربه يدييده
أول شي طبعاً حـضرت المقاديـر : وهـي :
كأسيـن طحين رقم 1
بيضتان
3 ملااعـق حليب نيدوو
كأسين مــاء
نص فنياان شششكر على حسب الذووق
رشفة ملـح
ملعقه صغيره من الخميره
بــعـد مـا أنجهز كل المقـادير :: نـبدأ نخلطـهم مـع بـعض//
ونخلط ونـخلط
وعقب انضيف الزعفران
وبعديين انسير صوب التـاوه
أول شي نـدهن التـاوه ع الخفيف ؛؛ وعـقب انضيف عجيبـنة الجباب وانحطها على شكل دوائر
واهنـي بنـوهكم على نقطه وغلطه انا طـحت فيها ؛؛ ما أترييت التاوه الين ما أتـحر وااايد وحطيت العجيـنهصـدق عـانيت اليـن ما حاولت احـركـهم التصقت العجيـنه بالتاوه يعني اول ثلاث خبزات احترقـن وفشـلن لول
وعقب كششخه وأحـط ثلاث واجلبهم وبسسرعه يحمرووون وهـاجـه بسسرعه خلصت
وعقب انـحط الجباب في صـحن التقديم
يلا بالــدوووور ؛؛ البنات أول شي وعقب الأولاد
وحلاااتـه الجبااب مـع الجـبن والـعـسسسسسسسسل
وتنين الـصغير كــل الجباب مـع الجبن وجيبس عمان الحـار
وعواااافي عـلـى قـلبكم
تنينه
رد مع اقتباس
مواقع النشر (المفضلة)