العيــن zoo

[الاسطوري]

السلام عليكم ..

الله يسلمكم قبل كم يوم رحت ويه الحاضر حديقة حيوانات مدينة العين وصورنا هناك وحبيت أعرض
لكم بعض الصور ولكن في كم صورة الخلفية كانت فيهم مش ولا بد بس يعني
موقعي كان مقيدني وماكنت أبى أعرضهم بس قلت
أشوف رايكم وأسمع الإنتقاد مب
خسران شي

ومادري ليش أحس التقطيع يترياني بس ماعليه عشان أعرف
ردات الفعل للمرات اليايه ولاتبخلون
علي بآرائكم

ونوع الكاميرا Canon 400D والعدسه
(F2.8 50-150mm)
سيجما

الاســـطـــوري
أخوكم

[مايهزك ريح]

ما شاء الله الصور كلهن حلوات ..
الأسطوري ..استخدمت الترايبود في تثبيت الكيمرة ولا ...

[الاسطوري]

هــــــــــلا ..

"مايهزك ريح"

هذا من ذوقك أخوي وإذا تبى الصراحه تراني إستخدمت الترايبود في كل الصور اللي حطيتهن
وكانت أول مرة أجرب فيها اللينس هذا في هالأجواء وشاكر
لك تواجد الطيب وماننحرم


الاســـطـــوري
أخوكم

[ذنـيـنـي]

هالصورتين 100% و تستاهل عليهن

و مبروك عليك العدسه اليديدة
ما قلتلنا, بكم خذتها؟ و شو رايك في استخدامها و سرعه الفوكس فيها

[ذنـيـنـي]

هييه صح

صورة التمساح تمنيتها لو كانت بالطول و مطلعة ويه التمساح بس,, بدون الأرضية
و الفوكس بس على العيون

[عذبة الروح]

وعليكم السلام والرحمه

الله عليك وعلى هـ الابداع
صور غاويه ...

عيبتني وايد اول صورتين
وهذي بعد
http://oasis.bindubai.com/bin/upload...1171151237.jpg
عجيبه ....

تسلم يمناك على هـ التصوير الفنتك
أبدعت اخويه
ربي يعطيك العافيه
ويسلمووونيشن اسطورينا

[الاسطوري]

هــــــــــلا ..

"ذنيني"

حي الله بو نصنص زارتنا البركه ، رايك أحطه تاج على راسي بس للأسف إني مالبس تيجان
وعن العدسة والله فنانه للحين عايبتني في أغلب الأشياء والاستخدام
ماعليه غبار (لازم بمدح عدستي) وعن السعر
عقب بخبرك عن الفضايح
والمهم التمساح هذا طولي بعمرك شكله تمثال مب تمساح ساعه واقفين عنده والحبيب
مافيه شده يحرك ظفره حتى من الهيازه اللي فيه وكل اللي يقدر
يسويه انه يفتح عين ويغمض عين
وانا ماقصرت
فيه صورته من كل الزوايا حتى كنت ناوي أجازف وأروح أشوفه يغار ولا يمكن ياخي
بالغلط يبتسم أو يضحك والمشكله اني مايلست أغير في الفوكس
وايد وركزت على مستوى الإضاءة
كنت أزيد وأنقص
أشوف كيف تطلع الصور ومكان التمساح ماكان يساعد منخش بطريقة عجيبة وبحاول
إن شاء الله لو حصلته مره ثانيه أصوره وأضبط الفوكس مثل ماقلت
وأشوف كيف تطلع الصورة وشاكر لك
تواجدك عزيزي


"عذبة الروح"

تسلمين اختي هذا من ذوقج وحلو ان عيبج شي من الصور بس ماظن اني استاهل
كلمة (إبداع) وهالصور أنا أعترف أن لهن عيوب وشكرا
على التواجد والحضور


الاســـطـــوري
أخوكم

[الحاضر الغايب]

اقول شي انا ولا ما يحتاي ..؟؟

[تنينه]

حلوواااات الـصور يالأسطوري =) ,,

وهالصورة http://oasis.bindubai.com/bin/upload...1171151237.jpg صدق حلوااه عيبتني ^^",,


تسلم لنا وتسلم كيرمتك والعدسـه لول ,,

[المحاق المشتعل]

الصرحاه صور في غاية الروعه

تسلم الاسطوري على هالموضوع الفنان

محاق

[طيف السحاب]

وااااااااو وين مخبي كل هالابداااااع
والله عجيب ..ماشاء الله عليك اخووي الاسطوري تصوير روعه
وسوري لوكلامتي ماتوفيك حقك .. وننتظر باقي تصويرك

[بنوتة وردية]

الصورررررر أكثر من رووووووعة

ما شاء الله عليك مبدع في التصوير

ويسلمووووووو ع الصور

[شوق القلوب]

السلام عليكم..

ماشاء الله .. الصور حلوه.. يا الاسطوري

بس كيف جي.. ما شفنا ولا قرد..!!

..





يززززززيـــــــــــــــغ

أكثر حيوان اخاف منه ..

..



الحـــــــــــــاضـــــــ ــر... قول قول..
محد غريب..

[حلم الطفوله]

السلام عليكم

ما شاء الله عليك يالأسطوري .... لقطاتك روعه

الحاضر الغايب ... ننتظر مشاركتك ويا الأسطوري ! أكيد عندك صور

شوق القلوب ! خليتي كل أنواع الحيوانات وركزتي على لقرود ! ليش يعني؟

[الملياردير]

السلام عليكم

مرحب مرحب دكتور الاسطوري..

الصراحه اللهم لا حسد انا اشهد انك فنان و تعرف تصور ما شالله عليك

بس ال iso كم كنت حاطنه؟
و سرعه الفوكس كم؟؟

و و و بس

هيه صح تذكرت اخوي الحاضر الغايب كنت تبا تقول شي شو؟؟ (فضولي)