العيــن zoo

[الملياردير]

السلام عليكم

مرحب مرحب دكتور الاسطوري..

الصراحه اللهم لا حسد انا اشهد انك فنان و تعرف تصور ما شالله عليك

بس ال iso كم كنت حاطنه؟
و سرعه الفوكس كم؟؟

و و و بس

هيه صح تذكرت اخوي الحاضر الغايب كنت تبا تقول شي شو؟؟ (فضولي)

[طير الغرام]

ماشاءالله عليك أخويه
تصويــرك عجيــب

وين كنت خاش عنا هالإبداع

بالتوفيق ،، وبانتظار يديد عدستــك ان شاءالله =)

احم ما خبرتنا بكم خذت هالعدسه وشو مواصفاتها

[بنت الدلع]

واااااااو

كل الصور عيبتني خاصه الي قبل صورة الفهد
الالوان فيها وايد حلوه

من ابداع الى ابداع ان شاء الله

[همس الدماني]

بصراحه الصور تهبل

بس ما اعرف كيف صورتهم انا بو شفت قطوه جدامني بموت خوف عيل لو شفت تمساح شو بيستويبي


تسلم ايدك...

[خيال الحب]

السلام عليــــــــــــــكم


ياسلام ياسلاااااااااام شو هالابدااااع العجــــــــــــــيب

شكلي الاسبوع الياي بشل كيمرتي وياي وبروح حديقة الحيوان خخخخخ


عيبتني الصوور وايييييييييييييييييد ..

تسلم الايادي


الحاضر بن عمي قول قول خخخ ولو ماتقدر تقول .. قولي بالخاص خخخخ

[قرموشة]

حلوييين الحلويييييييييييييين الصووور يالاسطوووووري
ما شاء الله ..
تسـلم تســلم

[الاسطوري]

هــــــــــلا ..

"بنت الدلع"

مشكوره اختي وهذا من ذوقج واعتبره تشجيع لي وعن الصورة انتي لو تعرفين
يوم كنا في قفص الطيور شو صار فينا وكيف يطيرون
فوق الحاضر ، خليها مستوره
عن الفضايح


"همس الدماني"

شكرا اختي على التواجد وماعليج قلوبنا قويه ونحب
المغامرات (ماتدري إن في جامه بينا
وبين التمساح)


"خيال الحب"

وعليكم السلام والرحمه هلا بالغالي يبالك تروح تجرب حظك بس مب في الويك اند
ترا اخوانا من الدولة الشقيقة يحتلون المكان وعادي
يخطفونك اذا كنت بروحك


"قرموشة"

هذا من ذوقج اختي وإن شاء الله أقدم لكم الأفضل في
المرات اليايه وشكرا على الحضور
والمتابعــه


الاســـطـــوري
أخوكم

[العجيبة]

صدق انه وااااااااو

يبالنــا نسير نشوف هالحيوانات العجيبة ، وايد عيبني التمسااااح ..

تسلم يدينك يا اخوي ، وينك من زمان ما كنا نشوف صورك !

[الحاضر الغايب]

الاسطوري ...


الصورة الأولى : حلوة وتدل على الطبيعه الهاديه ...

الصورة الثانية : التشتت والعشوائية فيه باين وهالشي يضيع الواحد وما يقدر يركز على الـ object





الصورة الثالثة : الجانب التقني فيه ممتاز من ناحية طمس الخلفية والفوكس والـ Sharpness او حدة الصورة اظني ..>> بس الماده نفسها ما تساعد الصورة ... يعني الوضعية اللي هو عليها والمكان اللي هو واقف عليه ... يقللون من جمالية الصورة ... ومثل ما تعرف ان الصورة مب بس فوكس و اوت اوف فوكس

الصورة الرابعة : نفس ملاحظة الصورة الثالثة بالاضافة الى الخلفية ...

الصورة الخامسة : هذه بعد نفس الملاحظات .. بس شوي احسن لانك صورتها من الجنب ... هالشي خلا الصورة احلى من الثالثة ...

الصورة السادسه : هذه الصورة جداً جميلة وتناسق الوان الطير ووقفته ساعدت وايد في بناء الصورة الجيده ...ولكن في نظري بأن خلفية الصورة لو كانت مطموسه نفس الصورة الثالثة ما كان بيكون عليها كلام ...

في الصورة الثالثة الـ Focal length كان عندك 150 وفتحة العدسة 2.8

اما في الصورة هذه الـ Focal length تقريبا 100 وبنفس فتحة العدسة

هذا يخليك تعرف ان الـ Focal length يأثر في طمس الخلفية عن الـ object اذا كانت فتحة العدسة ثابتة
وتتحكم فيه عن طريق بعدك عن الـ object نفسه

الصورة السابعة : جميلة جداً وما عليها كلام ...

الصورة الثامنة : من الصور الحلوة وايد ... ومشكلتها الوحيدة ان اطراف التمساح على حافة الصورة ... وهالشي لازم تتجنبه ... يا انك تقص وتراوي جسمه بس ... او انك تزيد المسافه شوي بعد اطرافه ...
وهالشي عشان اللي يشوفها ما يحس ان الصورة توقف او ان نهاية الصورة بنهاية الشكل ...

جرأتك في تصوير الاشياء بهذا القرب جميلة ... وهذه ميزة وايد من المصورين ما يقدرون يوصلون لها بهذه البساطه ... لان الخوف يتملكهم من الصورة ... وان الشكل اللي نباه يغطي على الصورة كامله وبيستوي مثل الوحش ...

الصورة التاسعه : امممممم .... الفوضى عنوان الصورة ...

يعني تخيل الصورة هذه بس لتمساح مش موجود فيها ... ما فيها ولا شي صح !!
انزين واذا التمساح موجود بعد نفس الشي لان الفوضى بعدها موجوده ...

ونفس قبل قلت لك هذا يسبب حالة من العشوائية في الصورة واللي بدوره يؤدي الى فقدان الصورة لجماليتها ...

انا اقدر اطلع من هذا كله بنصيحه وحده ...

- قبل ما تصور شوف الاربع زوايا كلها من الـ Viewfinder وشوف الـ Object مالك .. اذا كان كل شي مرتب واوكى بعدين فكر في الفوكس والسرعه وهذه الاشياء ...

بس ملاحظة : معظم الاشياء اللي ذكرتها هي معاايير اساسية لجمالية الصورة في فن التصوير ... يعني هي مش مجرد رأي يمكن يكون صح ويمكن يكون غلط مثل ما البعض يعتقده ...

والف شكر على موضوعك وعلى الصور

واسمحلنا عاد

[الحاضر الغايب]

شكلي ما بحط موضوع لمدة شهر

[الـيـاه]

سلااااام

كل الصـور حلواااااات بس أسجل إعجابي الـ شديييييييد في الصوره الأولى < وايد جمييييييله !
والـ ريفلكشن طالع وايد حلوو .. والصوره الثانيه بعد وايد حلوه

بس ؟
لو كانو هالثنين اللي جدام بس بوقفه حلوه .. وبدون هالـ ( كم ) اللي ورا .. بس صدق هالطير حلو فالصور


والصوره السادسه
وايد وايد وايد حلواااااااه صدق لفتتني وحبيتها وايد
مادري ليش احس أنه فيها شمووخ


الصوره الأولى للتمساح
حلوه بس همممم لو كانت بشكل ثاني بتكون وايد أحلى


بس بشكل عام الصور واااايد حلوه بغظ النظر عن بعض الملاحظات .. ولو ما كانت جميله
جان ما يلست أدقق في كل صوره .. لانه صدق ( شغل عدل ) ماشاء الله

ونتريا اليديد
تسلم عدستك اليديده بروو لول

.
.
.

[الملياردير]

هيه والله صدقت يا الياه


و شو قصدك دكتور اعدل ردي؟؟

ولا انت مو عارف تجاوب؟؟


و انا شو عرفني بسوالف التصوير هاي؟؟

بس الصراحه اخوي الحاضر ما قصر

[الاسطوري]

هـــــــــلا ..

"العجيبة"

هيه والله هالحديقة ماتتفوت بصراحه ومادري ليش على المده اللي أنا فيها في العين ماكنت أروح
وأفضل الهروب لبلادي في أول فرصة وعن الصور عندي شوية صور بس
مادري تعودت إني ماشارك بشي وبحاول من
الحين أغير من هالطبع


"الحاضر الغايب"

دور يمين يسار يمكن نسيت تقول شي لا يا ريال تأكد صدق مانسيت عيل شكلي
بنقل الموضوع للمحذوفات ،، لا أسولف بس صدق
نقدك هذا يفيدني وايد
ودايما أتعلم منك على المعلومات اللي عندي وبحاول في المرات اليايه
أراعي هالأشياء ولاتحرمنا من هالتواصل
ومسموح بالحل


"الياه"

وعليكم السلام .. شكرا على هالاطراء الجميل اختي وآرائج باخذها بعين الإعتبار
وهذا بحد ذاته يشجعني أكثر وإن شاءالله اليديد بتشوفونه
قريب وتسلمين على التواصل


"الملياردير"

أدريبك تدور علي شي بس ماعليه دور مره ثانيه حد
يخبرك شي عن التصوير


الاســـطـــوري
أخوكم

[عفاريتووو]

واييد حلوة الصور ماشالله