~^>!( دقـــــني .. وشبعني ~ دّاااقـ ~ يا نــاس )!<^~

[بوميثه]

السـلام عليكم ورحمة الله وبركاته .. !!

يامرحبا مليون ومليار وتليار ..ألخ .. ولا يسدن وان زادن .. فالزود هب منقود ( عقه ورى الدبه )
مسا النور والسرور .. وسلامن ريحته فواحه بالعطور..
ياربي يحفظ الكل صغيركم لكبيركم ..
اممممممم كالعادة ..

بوميثه كل ما يصفى باله يقعد يفكر في موضوع من المواضيع الساخنة في مجتمع الامارات ( اسمع انتو )

في دولة الامارات العربية المتحدة ..

دار الاصالة والكرم والمحبه .. ( دار الفنون والمواهب الشعبيه )

الفنون الشعبية ..

يا مكثرها من فنون .. لكن

مع مرور الزمن الجديم .. دخلت علينا فنون من الجيران .. ( الليوا والام علايه )

وصارت من اشهر واكثر الفنون محبه عند اغلب الشعب الاماراتي ..( الامعلايه )

بما فيها من ايقاع سريع وكلمات عذبه ( الكلمات العذبة )

الكلمات الي تحتويها اغاني الامعلايه ..

هل كلها مفهومه ؟؟

هل لها معاني هادفة .. او رسالة او قضية تفيد الي يسمعها ..؟

كلمات هالاغاني .. من الكلمات المنحظة الي يستحي الواحد يغنيها حتى مع نفسه ..

ومن اشهر الكلمات الي نسمعها هالايام .. كلمات اغنية دقــــــــــني !!

الي كانت اغنية سرية تغنى بس فيادوار انفراديه ومش جدام الخلق والناس ..

صارت اغنية ( دقـــني ) .. ماركة مسجلة في اغلب البيوت والاعراس وانتشرت بشكل كبير ..

ولها ايقااااع خاص وتصفيق خاص ..

( ورقصه خاصة مشهورة ) .. مستوردة من رقصة السامبا ..(( الريوس )) ..

الي ما تتناسب مع عاداتنا وتقاليدنا ..

قلنا الكبار يسمعونها.. ماعليه .. اهون ..

بس

للأسف .. المصيبه الكبرى .. هم عيالنا .. ( يهالنا المساكين )..


يدخل البيت .. بدال ما يقول السلام عليكم ..


تسمعها يغني دقني دقني دقني قدقني .. داااااااااااااق داااااااق دااااااق داق داقداق دق دق دداق ..

ومرتبش مرتبش ..


حتى وصلت مواصيلها عند البشاكير ..!!!!


الياهل الصغير يصيح والاندونيسية تقوله .. : بس هبيبي يلا دقنيييييي اوووووو دقنيييييييييييي باس باس هبيبي دقني سبهني دااااااق لولو هبيبي ياللااااااا داااااااااق داااااااق ..

ولا لمن تلعب وياه .. (( اغغغغغغغغغغغغغون . دااااااااااااقنيييييييييي ه دااااااااقنيييييييييييييه .. وتغطي ويهاا وتفتحه ))

يمكن تظحكون على رمستي ..

لكن هالواقع ملموووس ..

ومش انا اول واحد يرمس عن هالموضوع ..


والله يعينننا على الاجيال اليايه بشو بنظهر بعد ..

واتمنى اني ما ثجلت عليكم بموضوعي ..

بس الصراحة شي يقهر انك تجوف المجتمع وصل لهالمرحلة ..وبتقى ساكت ..



لكم احترامي ..




B O ^ M E I T H A ^ K A S E R ^ T e A m

[بوزايد]

هذا فنــ

لا تعليقـــــ

[بوميثه]

هذا فنــ

لا تعليقـــــ

هي والله صدقك .. شو فيه من الفن ..

بس للأسف .. جفت عاد .. صار فن .. وغصبن علينا بعد ..

ومن المسؤوول .؟؟

الله واعلم ..

[عافك الخاطر]

تم نقل الموضوع للواحة المفتوحة ؛ كونها الأنسب ..

[بوميثه]

ثانكس الغالي .. ^_^ وانتو الادرى

[بنت الدلع]

مادري اعتبرها شجاعه انك تطرح مثل هالموضوع ولا شي ثاني

انته بتقول اغنيه منحطه
وغيرك بيقول شو هذا !!
والي بعده : والله هذيل مايستحون

بس في الاخير
الاغلبيه الي يعلقون على هذي الاغنيه او بالأحرى الكلمات
تشوفهم يسمعونها وهم مرتبشين
ويرددون وياهم

بس اذا مافي رقاب على هذي الانواع من الاغاني
هالشي بيستمر
وممكن نسمع ماهو اكثر قبحا عن الي قبله

الله المستعان

[الدلووووعة]

والله ياخويه انا وياك انه الكل قام يرددها
من اليهال لين الكبار

يعني الصغاريه خخخخخ
شرات اختيه وين تعرف دقني
هاي بس وديناها عرس واحد من اعراس اهلنا وكانو محطينها
وشو ونحن رادين البيت فالسياره اونه تغنيها وهاي ياهل ام سنتين فمابالكم فالكبار

يعني استوت على قولتهم اغاني العصر امحق عصر والله خخخخخخخ

بس لو تلاحظ هاي الاغنيه الوحيده من اغاني معلايه اللي الكل يرددها ويقولها

والله يستر من الاغاني اليايه

وتسلم اخويه عالموضوع

[بنوتة جميرا]

ماقول غير الله المستعان
عايشين في عصر الله يستر من اللي ياي
اليوم دقني وباجر الله يعلم وين بنوصل

تسلم اخوي ع الموضوع

اختكم.. بنوتة جميرا ..

[ريم العين]

هي والله
حتى فالمدرسه يغنونها
ربيعاتي بعد اكثر شي يغنونهاويعرفون معناهابس وين اخفى المستحى
اونهم بس فالمدرسه يغنونهامب كلهم نصهم والنص الثاني عادي يغنونها فالبيت
استوت كلمات عادي تنقال باي وقت واي مكان وجدام اي حد
حتى جدام المعلمات يغنوها هههههههه
يالله بالستر وين اختفى الحياء والمستحى>>>باجر شكلي بتفلسف عليهم شويه

الله يهديهم ويهدي الجميع ان شالله

اللهم اهدنا الصراط المستقيم اللهم امين

[فركوشه]

انا اول ما سمعت الكلماات.. حسيتها عاديه.. بالمعنى الحرفي للاغنيه..

بس لما عرفت معناها الغير مباااشر انصدمت.. شو هاا.. مب لهدرجه..؟؟!

[بحر الموده]

** سبـــــــــــــــــــايدى كــــــــــــاه

بوميثه

تسلم والدوم على هذا الموضوع والصراحه اشوف كلمة دقنى هالايام

مصخوها وايد فى كل مكان صراحه وين قبل لى يدقوون المعلايه والاغانى القبليه لها فن وطرب

اليوم المعلايه مب شىء .. وعن سالفة الخدامات بالفعل كلامك صحيح

الله يعين الاجيال اليايه كيف بتطلع خرااااااااااااب الدار ههههههههههههههههههههههههه

مشكور وماقصرت بوميثه ^_^

[قرموشة]

أنقهـررر يوم أسمـع هـ الاغنيــه !
بالرغـم ان الكـل يعرف معنــاهــا ولكـن شي عادي يحطونهااا في الاعرااس وغيره
أحـس الناااس اللي يسمـعوون هـ النوع من الأغــااااني cheap & low

الله يهديهـم بس
مـوضـووع حـسااس يــا بوميثــه تسـلم طال عمررررك =)

[الدلووووعة]

احم احم

تعرف اني ماعرف شو معنى هاي الاغنيه ( قلت جي لنه اشوف الكل يذم المعنى مع اني والله ماعرف معناها) بس احسن لي مابا اعرف معناها ^_^

[الجنيه]

الدلووووعة

فديتج ولا تبين او تتشرفين اتعرفين المعنى


منتهى الانحطاط والسوقيه هالي اقدر اقوله عن هالفن

حليلها بنت اختي في المسيره اتعصب ع شباب مشغلين الاغنيه مسكره اذنها واتقول الله ما يحب دقني عيب لكن ما من مجيب

الله المستعان ,,

بوميثه كح كح كح غبااااااااااااااااااااااا اااااااار
شو اخبارك بعد هالغيبه

[عيون الليل]

الكل يقول أنه امعلايــة قبـل غيـر . . والحيـــن غيـــر . .
دور المعلايـه الحيــن تتبعه حركاااات . . عيب انه اتكون ع العامه . . الصغير والكبير يشوفها ! !
يعني امعلاية اليوم استوت ماصخه وايــد . .
وبعضهم ايردد الكلام وما ايعرف معناااااااااه صدقوني . . .

كــان الله ف العـــون . . لكن يا خويـه شو الحـل ف رايك؟