... ميـلانـو...

[شمعة أمل]

الـسلام عليكم ورحمة الله وبركـاته

بووناااسيرااااااااااااا


شحـالكم؟؟؟


يبـتلكم صور رحتلي ل ميـلانو .. الى استغرقت 6 أيـام
وطبعاً مثل ما تعرفون .. ميلانو في إيطـاليـا .. ومديـنة الفااااشن .. ومن الماركات العـالميـه الى تبع ميلانو هي طبعا طبعا أرماني .. برادا .. دلتشي أند قبـانا.. والخ

أهـداف الرحله :-
- الشوبينغ
- نخلص خرابيط اليخت
- نرتاح
- نستانس
- نتعلم كم من كلمه إيطالـيه

سافرنا مع طيـران الإمارات .. عاد انته وحظك .. مرات شي رحله سـيده لـ ميلان .. ومرات شي رحله من دبي - روما - ميلانو .. على حسب اي يوم تسافرون فيـه
والحمدالله حصـلنا حجز سيده لـ ميلانو
ولكن
توقـيت الرحله مب شــي
لازم تنشون الفجـر .. وتطلعون من البيت الساعه 6 اظني والطياره اطيير الساعه 8 >_<

وهاي صوره عبيطه جداً جداً في الطـياره .. كنا مرتبشـين شوي .. والآير هووستس مالتنا كانت فنانه .. تمت تمدحنا وايد .. ف يعني .. مب مصدقين عمارنا



هالمنظر من إيـران .. دايمـا يوم نسافر وفجأه اجوف جبال وثلج وجي مناظر حلوه .. دايما يكون ايران.. احسها بلاد حلوه



عند وصولنـا نتريا الدريول يحط الأغراض في السيـاره



من وصلنا سيده طلعـنا .. راعي الكسـتنا



الكـنيـسه العوده



المربع لول .. عند هالمربع كله حمااااااااااااااااااااااا ااااااام .. أبويه دفع لمصري جان يعطني حب وكلهم نقزوو عليي .. ويوم ماحسـيت حط حب ع راسي حمامتين عراسي .. يمكن خميسن وحده عليه .. ومليون عند ريولي كان ونـاسه لكن للأسف صور حمام أول يوم مب عندي >_< .. في كيمرة اختي وهي مضيعه الواير>_<
لول هاليوم تميـت اضحك بس يوم حسيت شي غريب عراسي تميت اباغم p= .. كلحد تم يشوفني وواحد ايطالي شيبه على كيفه صورني




ثاني يوم..



هالشيـبه كتكوت .. بس يغني في الويك اند .. ونفس الغنيـه مايغيرها .. اسمعه من غرفتنا في الفندق!



هنـييييي روعه .. اذا وحده فيكم تبا شييييي وفي دبي ولا لندن يقولوكم نوو ماادم اتس اووت اوف ستووك .. تعالو ميلانو وبتحصلونه *للعلم انه 99.9% من المحلات في ميلانو من ماركات عالميه او ايطاليـه ف صعب صعب صعب تحصلون شي سعره عادي*



الشي الحلو في ميـلان
انه في الويك أند .. يوم الأحد .. ممنوع اي حد يسوق سياره داخل ميلان ..
ف تشوفون كلحد يمشـــي .. وايد حلو














كله جلاب في ايطاليـا .. ويكشخون جلابهم من الخاطر .. صدق كيووت .. لكن جلابهم وايد بطرانيين .. يلبسوونهم لبس جلاب مال قووجي وجوسي كوتور لول!
هالجلب وحليله مب بطرااان لكن كيوووووووووووت من الخاااااااااااااااطر ودبببببببببب




أحب هالمكـان

[شمعة أمل]

يوم الاثنـين
وعونا السـاعه 6 وكنا لازم نسير نفس مدينه ماعرف شو اسمها بس مخصصه في اليخووت .. هني وقفنـا نرتاح شويه وكان يطيح عندهم ثلج .. وكان بررررررررررررررد



عندهم كفتريا منقع .. بس من احلى الهووت جوكلتس الى شربتها في حياتي




هني داخل مصنع AZIMUT .. الشركه الى تصنع يختنا *الجوكلت مال هالشركه وايد لذيذ خصوصا الدااارك *



عدد الناس الى ويانا حق هاليخت كانو من 7 لـ 10 اشخاص O_o صدق تعبنا هاليوم .. من الانترير ديزاينرز للانجنييرز للمدير للمادري منووو >_<
شي الناس يسونه على مدى الاسابيع والشهور نحن سويناه في ويوم واحد



هذا يخت من نفس الموودِل .. خلونا ندش داخل يختهم ونشوفه .. حليلهم عقب شوي كانو بسيرون مصر




يخـــت روووبيرتوووو كفااااااااااااااااالييييييييييييييي
على قوولة اييلسيووو izaa verryy craazyyy froomaaa insiiiideh and izaa changing colourehhh in zeee sun .. you knooowehhhh .. greeeneh .. blaackehhhh blueeehhhh
لووول كله ه ه ه ه ... يقول انه مينن من داخل .. ولون اليخت يتغيـر على حسب وين الشمس تظربه اااااااه روعه انا اباااااااااااااااااااااااا



هنييي اففففففف لوعة جبد .. تمينا 3 ساعات داخل هالمكان نختار ستاااير وخرابيط عشان الكراسي والشباري والمخاااد افففففف تعبببب
ويانا شلة ناس من غير الى يشتغلوون هناك وعندهم عيووز ذووقهاااا باااااااااااااايخ.. كل شي يابته أبيخ عن الثاني .. على قولة اختي الصغيره "هاي شو يايبنها هني ..المفروض تشتغل في مكتبه"







خلصنا الفليل وفي الرده سرنا بيزا .. البرج المعوااي



أبويه يصور




شوبينغ






يوم سايرين المطااار ههههههههه طبعااا مع الشوبينغ عدد الشنط زاد.. ف يوم طلبو السياير .. قالو عنا كذا شنطه .. ف قالو اوكيه .. بنطرشلكم بيي أم وفاان مرسيدس .. نحن عباااالنااا الفان مال ميرسييدس هو العااادييي هاللي مال قم 5 انفار لول ... جان يطلع هالعووووود ..
امي وخواتي سيده شردوو للبي أم وخلوني أنا وابويه روحنا ندش داخل هالوحش
والله واااااااااااايد عووووووووووووووووووووود
أوقف فييييه وبعد شي مكااان يعني راسي مايدق السقف لول
حتى مايلسنا عدال بعض
أبويه يلس في سيد وانا في سيد



عالطياره.. سيده من دشيت الطياره خذت كل المجلات الحلوه الى على الطياره + اشتريت مجلات ثانيه من الدوتي فري قبل ماكنت أبا أمممل



في الرده للأسف وقفنا في روم .. ف يسلنا نتمشى عالطيـاره .. ملل ..




السحاب




وجااان تخلص الرحلـه


نصايح لأي حد يبا يسير ميلان:-
- تعلمو كم من كلمه ايطاليـه قبل لاتسيروون .. لانه معظمهم مايفهمون انجليزي
- اذا انتو من النوعيه الى ماتشترون ماركات .. لاتسيرون =s
- ميلان وايد غاليـه .. الشوبينغ + الأكل غالي .. ف تأكدو انه عندكم فلوس قبل لاتسيروون .. لانه مثلا يوم كنت أتريق في الفندق .. حق بييقل وااااحد 17 يوورووو *البيقل نفس الخبز يعني جنه تدفعون 17 يوروو لخبزه وحده .. واليورو الواحد اظني 6 دراهم* .. وهذا من غير الكوفي والعصير الى أطلبه .. اسعارهم أغلى عن أسعار فنادقنا بوااايد .. مع انه كنا في فندق ذا فور سييزنز الى خمس نجوم .. لكن سعر غرفنا نفس سعر غرف برج العرب في دبي .. ف عشان جي اقولكم .. ميلان غاليه واغلى عن لندن
- ايسكرييماااتهم لذيييييييييييييييييييييييذه .. حتى الباستااااا يمييييييييي
- اذا تبون سوشي وهالسوالف سيرو مطعم ارمانيي .. مب الكافيه لكن المطعم .. النووبوو ... اكلهم يمييييي .. صعب تحصلون حجز فيه .. لازم تستخدمون واسطه ايطاليه
- تحملو على عماركم في الويك اندزز .. مع انه شي شرطه كل مكان .. بس خشوو فلوسكم وشلوو شنط مبنده
- لاتسوووقووون في ايطاليا ابدا ابدا .. لانه يسرقون سيايـر.. واصلن ماتحتاجون تسوقوون .. لانه كل شيي قرييب اذا سكنتو في فندقنا لول
- اكتشفت حركة معظم شباب فلكر ههههههههههههههه .. تعرفوون كيف شباب فلكر كل واحد يحطلكم مادري كم مفتاح فرااارييي أونه مليوونيير ويصور سياير فراري بس من الشارع .. كله جذب وهم مايملكون فراري ..محل فرااارييي يبيع المفاااتيح ب ميه وخمس يووروو .. مالت عليهم يشتروون المفتاح بس عشان يتخققون ههههههههههه *طبعا شي منهم عندهم فراري بس في فئه كبيره الى بس تشتري المفتاح ههههههههههه*


ممم وبـس؟


ارييفييدييرجيييييييييي = مع السلامه

[تنينه]

ياااي كشـخه والله =) ؛؛ واهم شي استانستوا وغيرتوا جــــو ؛؛ تسلمييين ع الصور شـمعه والنـصاايـح ؛؛

ما ننحرم منج ^^",

[شمعة أمل]

تنييينه
الله يسلمج وشكرا عالمرووور

تصبحين على خير 3>

[العجيبة]

أمتعتينــا وياج يا شمعة أمــل

ومبرووك عليكم اليخت مقدمـا ..

والحمدلله على سلامتكم ..

ويا مرحبا بج

[بحر الموده]

وعليكم السلام

شمعة أمل

رحلتكم وايد حلوه عيبتنى الصور وايد

مشكوره على النصايح وربى يعطيج العافيه وماقصرتى

[عافك الخاطر]

واايد ف خاطري اسير ايطاليا .. وااايد احب رمستهم و ستايلهم و بلاادهم واكلهم .. كل شي
يا الله الله يرزقنا ونسيرها فـ يوم ..
و الصـور Perfeto شمعة أمل

[تحفه]

وناااااااااااااااااااااااااااااااسسسسسسسسسسساااااا ااااااااااااااااه .. احب احب احب ميلان .. حلوه رحلتكم بس احس طيران الامارات خربها .. بش شو يعني الطيران مادام التارقت هيا مييلااان (L)

[قرموشة]

سووووبر ونااسـه والله !
حـلويين الصـووور يا شمـعه أمــل =)

[بوميثه]

فديت الطلياااااااااااان

وفديت ميلانو و فيرونا ياويييييلي على فيرونا وبحيرة جاردا وكومو والله جنة ( بس مب احلى عن سويزرلاند ) والله بصيييح >_< ذكرتيني .. ( مع اني فرنسي ابا عن جد )

اما المدن الباجية للأسف .. ززززززيييييييييرو عالشمال ولله


روما كلها اثار وتحف والجو حار ارفففف والدنيا زحمة .. فلورانس .. لا تعليييق احلى شي الفندق الي سكننا فيه ^^ ,, نابولي .. حراميه من الزين .. حتى الخاتم الي في صبعك يسرقونه .. حتى فينيسيا الي الكل يمدحها ..
( طلعت مب لهناك .. وكلها بواخر وصاخه ودخاخين ..
و لا فيها الجو الرومانسي الي يرمسون عنه العرب )

قعدنا فيها اسبوعين ..

وانشالله استانستو في الرحلة

يا عيني عالتصوير والله .. ايطاليا في الصيف احلى بوايد عن الشتى ..








ساحة الدومو .. .. والله ظربتيني عالعوق .. ياااااااااااااااااااهي ايااااااااااااااااام .. اففففففف

وليش ما صورتي محل الفراري الي بو 6 مادري 7 طوابق .. فديته لو جفته بصيح

وووووو اخوانج الشباب ما سألو عن ملعب النيرازووري .. ( سانسيرو ملعب ميلان ) ؟؟

انشالله ما تكون اخر السفرات .. وربي يعافيج عاالنااااااااايس شوت ..

جرااااااتسي كومانت كااااااااف .. ^_^


لج احترامي .

[الـيـاه]

واااااااااااايددددددددد كشششششششششششخخخخخخخخخه انا ابا اسييييييير ايطاليا ..تحيدين كيف كنا نتظارب العام !
كل وحده منا تبا تسير وانتي سرتي وخلييييييتيني يالخاااااينه >.<


ابا
ابا
ابا اسيييييييير

وايد حلواااااااه رحلتكم واكيد استانستووووو
تعرفين حبيت سالفة يخت روبيرتو كفالي - يتغير لونه ويا الشمممممممس - احس وااااااااااو


تسلميييييلي ع الصور عنزتيييييييي

[بوزايد]

ان شاء الله بالصيف بروح

حلوه وايد

تسلمين ع الصور

[خيال الحب]

واااااااااااااااااااااو


خلاص يا شمعه امل.. لازم تسويلنا رحله بحريه باليخت مالكم ^__^

والله تصوير عجيب .. ومكاان روعــــه

تسلم ايدج وعدستج ع اللقطات الغاويه

عيشتينا الجو ^_^

[شمعة أمل]

العجيبه
الله يبارك فيج وتسلمين على الرد =)

بحر الموده
تسلم .. الحمدالله عيبك الصور ^_^

عافك الخاطر
بيرفكتوو لول .. ذكرتيني بسالفه استوت هناك هههههههههههههههههههههههههههp=

بوظبي
طيران الامارات نووت باد .. على حسب اي طياره تركبينها .. مثلا لو الطياره يديده .. السرفس فيه احسن ب مليون مره عن اذا ركبتي طياره جديمه .. مع انه مايخصه لانه نفس الشركه .. بس لاحظت هالشي
لكن طيران الامارات احسن بوايد من اييي شركه ثانيه =)

قرمووووشه
عيوووونج الأحلى 3>

بوميثه
للعلم .. ميلان وايد احلى في الشتـاء عن الصيف .. لانه مافيها وايد عرب ومافيها وايد ألمان >_< .. لكن أماكن مثل كومو ماتكون حلوه الا في الصيف
وللعلم
صورت محل فرااااري .. لكن حطيته في موضوع الخرابيط .. مب هني=)
وماعندي اخوان شباب..

الـياه
طبعاااا استااانست p= .. والله لو يتي جان استانسنا اكثر .. لانه العرب الوحيدين في ايطاليا هم ربع ابويه وااحد يقربلنا ..المره اليايه تعالي .. انا وانتي بنشرد شوبينغ وبنخلي ابوج وابويه ويا ربعهم في اللوبي xD
مس يوو يالعنز..

بوزايد
بتستانس وايييد

خيال الحب
ههههههه ان شاء الله p= يوم ابويه بيسيير يغوص بعزمكxD

[المزوحي]

بس زين ماشاء الله .. تغيير ...

ومشكورة على الصور شمعة أمل ..