هلا اخوي الأسطوري ...

كلامك ما عليه غبار و تاج ع راسي ^_^

بس مثل ما يقولون الكلام رخيص !!

يعني برايك انا ما ودي اغير هالمود كله ..

بلى و الله .. ودي اغير هالأمور كلها ..

الانسان دايما لما تواجهه مشكله أو يحس بضيق أو غيره ويحط هالموضوع جدامه ويجابله ليل نهار ويفكر فيه 24 ساعه ووين مايروح يشل الموضوع وياه ويبين للناس عنه ترا
أكيد بتكون نفسيته متأثره وايد وبيتعب وكل يوم بيزيد
هالموضوع محطوط بس لأني ابا اتكلم .. يعني صعبة ان اكبت ف نفسي لأشهر و سنوات .. يمكن قصدك ليش أفكر ف هالموضوع .. بس بالعادة الإنسان يحب ان يكون له حد يسمعه .. اخ .. اخت .. رفيق .. المهم حد موجود .. و ان ما كان حد موجود ف على الأقل ان اكتب اهني ..


بس اللي يحط الموضوع ورا
ظهره ويتناساه على الأقل ويفكر في الأشياء اللي تعدل مزاجه وتحسن من نفسيته ويشغل عمره بأشياء
هو يحبها أو ويه ناس يلهونه ويفرحونه وهو بعيد عن هاك الشي بطبيعة الحال
بينسى واذا كان حاس بصعوبه يحاول انه يغير
انا احيانا اتناسى الموضوع ... من اطلع الصبح و اصبح بويه طالباتي هالأمور كلها تختفي لأنه الحشرة مع الناس عيد .. بس يوم ينتهي دوامي .. تبدأ السلسلة نفسها .. انا عايشة ف هالجو فكيف تباني اتناسى هالموضوع!!


المكان اللي هو فيه يعني
رحله لمكان او سفره لمكان يديد وبعيد ينشغل فيه شويه منها يغير الروتين ومنها يجبر عمره على
نسيان والله مايبتلي المؤمن إلا لإختباره وفي حديث للرسول بما معناه لأني ماتذكر النص حرفيا (عجبا لأمر المؤمن فإن أمره كله خير فإذا أصابته ضراء صبر فكان خير له وإذا أصابته سراء شكر فكان حيرا له) يعني الانسان بمجرد معرفته كيف يتعامل ويه الموضوع خلاص يكون الموضوع خير والواحد مايدري يمكن اللي في باله يكون شر ويتمنى لو ماكان وفي النهاية
إبسم فـ أنت في الواحات
منو ما يحب السفر !!؟؟ او تغيير جو !!

بس هالأمور ما اقدر انا اسويها!!! و لو اني شاب .. كل ويكند ف سفرة
صح ان كل أمر المؤمن خير .. بس هذا ما يمنع ان نفضفض شوي ولا شو الراي

على كلن انا استانست ع ردك الحلو .. و شكرا