ابغي موبايل ...

[المزوحي]

من زمان عندي سامسونج والكل يقووول شو هااا ثلاجه

المهم

سوني اريسكون احسب ه اووكي لكن ما اتعودت على المنيو .. يعني نوكيا اسهل .. لكن واايد يخترب ويعلق ..

آخره مره اترددت شو اشتري نوكيا N73 أو سوني اريسكون K800i


وعقب خذت نوكيا 6233

لانه فصيلة الــ N يشكل من غير قياااس

لكن 6233 يديد واخترب

الحين ابغي موبايل اووكي ... شو رايكم سامسونج اليديد ماعرف رقم الموديل

لو تكرمتوا ...

[الشيـــن]

أول ماقريت العنوان حطيت فـ بالي أدخله وانصحك بـالسامسونج
وشفتك يايب طاريه فـ الموضوع ..

استخدمـت السامسونج الأولي *الضعييييف* .. واايد مريح وعملي وخفييف ..
والحين اليـديد جفته عند اخويه يمدحه ، ويقول انه نفـس الضعيف
وأحلى شي فيه ان البوكت مالـه فيه بـطاريه ثانيه .. يعني الموبايل يشتغل على بطاريتين .. !

[المزوحي]

الشين

هو نفسه في فيرجن عربي ؟؟؟ لأنه استخدم رسايل نصية بالعربي

[الـيـاه]

عادي يوم بتحب شي بتتعود عليه ..
فـ انصحك بالسوني اركسون لكن اتريا شوي تلفونات 2007 لين ماتنزل اذا مب وايد مستعيل
وقررت تاخذ سوني اركسون ..

وبخصوص النوكيا ما انصحك لانه صدق واااايد يعلللللللق ويشفـّـر
يمكن احسن واحد جفته هو الكروم !

ويمدحون المترولا شكليا ً
لكن مادري عاد كيف استعماله ..

[بوزايد]

NOKIA

وبســــ

نعتز بماضينا

[المزوحي]

الياه اخويه جرب موترولا مب شي مثل ما قال ... مادري

بشووف سوني اريكسون او إذا حد بيخبرني عن سامسونج


بو زايد ترااث نوكيا يعلق

[الدلووووعة]

لالا الياه انا جربت الموترلا
مول هب شي ارف الصراحة

[الملهم]

اذا كنت من محبي التصوير فانصحك بسوني اركسون k800i
واذا كنت من محبي الصوتيات فانصحك بسوني اركسون w850i

ها اللي اعرفه .. ^__^

[ولد الشحوح]

W900 اذا حصلت منه افضل تيلفون نزل للآن

[الشيـــن]

المزوحي
هي الرسايل بالعـربي .. وكله بالعربي بعـد ^^

[المزوحي]

الملهم مب ضروري التصوير لكن المهم الرسايل .... ومايشكل عليّه

[المزوحي]

ولد الشحوح شو W900 ؟؟

الشين زين بالعربي ..

[شوق القلوب]

مشكله السوني اركسون الوحيــــــــــــــــــده... انه ياخذ بس 80 مسج ... :( ولا ما عليه كلام ابداً ..!

[المزوحي]

عيل انا ماداني هالسالفة ....

[ولد الشحوح]

المزوحي سوني اريكسون w900
تبا تيلفون يشيل المسجات عندك الكومنيكيتر الأي لين الحين فيه 3000 مسج وبعده يشيل انا اشتريته عشان المسجات